ਵੇਖ ਅੱਖ ਮਾਰੋ
ਅਜ ਦੀ ਦਸਾਂ ਯਾਰੋ ਸ਼ਾਮਤ ਮੇਰੀ ਆਈ
ਸੁਣ ਕਹਾਣੀ ਨਾ ਹਸਿਆ ਮੇਰੇ ਭਾਈ
ਉਂਝ ਤਾਂ ਸਬਰ ਵਾਲੀ ਮੇਰੀ ਜੋਰੂ ਮੇਰੀ ਘਰਵਾਲੀ
ਅੱਜ ਬਣੀ ਦੁਰਗਾ ਮਾਤਾ ਕਲਕੱਤੇ ਵਾਲੀ
ਜਿਸ ਦਾ ਕਹਿੰਦੇ ਵਾਰ ਨਾ ਜਾਏ ਖਾਲੀ
ਕੀਤੀ ਮੇਰੀ ਉਸ ਐਸੀ ਧੁਲਾਈ
ਜਾਦ ਮੈਂਨੂੰ ਮੇਰੀ ਨਾਨੀ ਕਰਾਈ
ਕਸੂਰ ਸਾਰਾ ਮੇਰਾ ਉਹ ਨਹੀਂ ਹਰਜਾਈ
ਇੱਕ ਸੀ ਉਸ ਦੀ ਸਹੇਲੀ ਬੜੀ ਸੋਹਣੀ
ਭੌਣੇ ਨਕਸ਼ ਰੰਗੋਂ ਗੋਰੀ ਦਿਲ ਨੂੰ ਮਨਮੋਹਣੀ
ਦਾਰੂ ਦੇ ਨਸ਼ੇ ਅੱਖ ਮੇਰੀ ਉਸ ਤੇ ਆਈ
ਕਰ ਬੈਠਾ ਕਰਤੂਤ ਮੈਂ ਠਹਿਰਾ ਸ਼ੌਦਾਈ
ਜਸ਼ਨ ਸਾਹਮਣੇ ਬੈਠੀ ਨੂੰ ਅੱਖ ਮੈਂ ਮਾਰੀ
ਵੇਖ ਲਿਆ ਮੇਰੀ ਸੁਹਾਨੀ ਨੇ ਹੋਈ ਗੁਸਿਓਂ ਬਾਹਰੀ
ਲਾਹਿਆ ਸੈਂਡਲ ਭਰੀ ਮਹਿਫ਼ਲ ਮੇਰੇ ਸਿਰ ਤੇ ਲਾਈ
ਸਨਾਟਾ ਛਾਇਆ ਸੱਭ ਨਜ਼ਰ ਸਾਡੇ ਤੇ ਟਕਾਈ
ਬਗਾਨੇ ਵੇਖਣ ਤਮਾਸਾ ਦੋਸਤ ਮੇਰੇ ਮੇਰੇ ਤੇ ਤਰਸ ਖਾਈ
ਹਿੰਮਤ ਕੱਢ ਦੋਸਤ ਆਏ ਮੋਨੂੰ ਬਚੌਣ
ਲਾਲ ਅੱਖੀਂ ਬੀਵੀ ਕਹੇ ਤੁਸੀਂ ਹੁੰਦੇ ਕੌਣ
ਕਹੇ ਬਹੁ ਸਹਿਆਂ ਬੇਹੂਦਿਆਂ ਇਸ ਦਿਆਂ ਅੱਜ ਹੱਦ ਇਸ ਟੱਪੀ
ਬਾਰ ਬਾਰ ਵਰ੍ਹਿਆਂ ਬਾਜ਼ ਨਹੀਂ ਆਇਆ ਮੈਂ ਸਮਝਾਂ ਥੱਕੀ
ਯਾਰ ਬੋਲੇ ਜਸਿਆ ਮਾਫ ਕਰੀਂ ਅੱਜ ਅਸੀਂ ਲਾਚਾਰ
ਮੀਆਂ ਬੀਵੀ ਦਾ ਝਗੜਾ ਕਿਵੇਂ ਆਈਏ ਵਿੱਚਕਾਰ
ਗੋਰ ਕਰ ਮੰਨੀਏ ਅਸੀਂ ਇਹ ਵੀ ਹੈ ਆਪਣੇ ਥਾਂ ਸੱਚੀ
ਕਰਤੂਤਾਂ ਤੇਰਿਆਂ ਛੱਤਰੌਤ ਲਾਇਕ ਸਾਡੀ ਰਾਏ ਪੱਕੀ
ਇਸ ਵਾਰਦਾਤ ਸਿਖਾਇਆ ਜਦ ਗੁਸੇ ਕੋਈ ਤੀਂਵੀਂ ਆਈ
ਬੁਰੇ ਵਕਤ ਛੱਡ ਜਾਂਦੇ ਦੋਸਤ ਨਹੀਂ ਹੁੰਦੇ ਤੁਹਾਡੇ ਉਹ ਸਹਾਈ
ਹਮ-ਉਮਰੋ ਰਾਏ ਮੇਰੀ ਤਜ਼ਰਬੇਦਾਰ ਮੰਨੋ ਹੋ ਜਾਓ ਹੋਸ਼ਿਆਰ
ਚਾਰ ਛੁਫੇਰਾ ਵੇਖ ਮਾਰੋ ਅੱਖ ਫੜੇ ਨਾ ਜਾਓ ਨਾ ਖਾਓ ਮਾਰ
No comments:
Post a Comment