ਕਾਂ ਤੋਂ ਮੈਂ ਕਾਲਾ
ਕਾਂ ਨੂੰ ਕਾਲਾ ਕਹਿ ਕੇ ਨਾ ਕੋਸ
ਕੁਦਰੱਤ ਕਾਂ ਨੂੰ ਕਾਲਾ ਬਣਾਇਆ
ਇਸ ਵਿੱਚ ਉਸ ਕਾਂ ਦਾ ਨਹੀਂ ਕੋਈ ਦੋਸ਼
ਜੋ ਉਸ ਨੂੰ ਫਿਤਰੱਤ ਦਿਤੀ ਉਸ ਤੇ ਪੂਰਾ ਆਇਆ
ਤੂੰ ਕੀ ਆਂ ਜਸਿਆ ,ਨਹੀਂ ਤੈਂਨੂੰ ਹੋਸ਼
ਮਾਨਸ ਜੂਨ ਦਿਤੀ,ਇੰਨਸਾਨ ਤੈਂਨੂੰ ਸਜਾਇਆ
ਤੂੰ ਕਾਂ ਤੋਂ ਕਾਲਾ ਨਿਕਲਿਆ ,ਇਹ ਵੱਡਾ ਅਫ਼ਸੋਸ
ਭੁੱਲ ਗਿਆ ਉਸ ਨੂੰ,ਕਾਲੇ ਕਾਰਨਾਮੇ ਕਰਨ ਤੇ ਆਇਆ
ਕਹਿੰਦੇ ਸਿਆਣਾ ਕਾਂ,ਪਰ ਫਰੋਲੇ ਗੰਦ
ਕਰੇ ਕਾਂ ਕਾਰ,ਜਿਸ ਕਾਰ ਕਰਤਾਰ ਲੇ ਲਾਇਆ
ਤੂੰ ਦੂਸਰਿਆਂ ਨੁਕਸ ਟੋਹਲੇਂ,ਸਮਝੇਂ ਆਪ ਅਕਲਮੰਦ
ਦੂਸਰਿਆਂ ਦੀ ਮਦੱਦ ਕਰੇ ,ਕਾਂ, ਤੇਰੇ ਤੋਂ ਚੰਗਾ
ਸੱਪ ਬਿੱਲੀ ਵੇਖ ਰੌਲਾ ਪਾਏ,ਕਰੇ ਚਿੜਿਆਂ ਚੂਚਿਆਂ ਨੂੰ ਖ਼ਬਰਦਾਰ
ਤੂੰ ਝੂਠ ਨਾਲ ਗੁਮਰਾਹ ਕਰੇਂ,ਠੱਗੇਂ, ਕਰ ਗੋਰਖ਼ ਧੰਦਾ
ਹੋਸ਼ਿਆਰ ਸਮਝੇਂ ,ਕਹੇਂ ਇਹ ਹੈ ਦੁਨਿਆਦਾਰੀ ਦਾ ਵਿਵਾਰ
ਤੇਰੇ ਤੋਂ ਜਸਿਆ ਕਾਂ ਖ਼ਰਾ,ਭੁੱਲਿਆ ਨਹੀਂ ਅਪਣੀ ਕਾਇਆ
ਕਰੇ ਅਪਣਾ ਕਾਰ ,ਜਿਸ ਕਾਰ ਕਰਤਾਰ ਉਸੇ ਲਾਇਆ
ਤੂੰ ਕਾਂ ਤੋਂ ਕਾਲਾ,ਭੁੱਲਿਆ ਇੰਨਸਾਨੀਅਤ,ਜਿੰਦ ਨਹੀਂ ਲੇਖੇ ਲਾਈ
ਸਿੱਖ ਕਾਂ ਤੋਂ ਕਿੰਝ ਕਰਮ ਕਮੌਣਾ,ਹੋ ਜਾਊ ਤੇਰੀ ਰਿਹਾਈ
No comments:
Post a Comment