ਥੋੜੀ ਪੀ ਲੈਣ ਦੇ

                ਥੋੜੀ ਪੀ ਲੈਣ ਦੇ

ਪੀ ਲੈਣ ਦੇ ਮੈਂਨੂੰ ਥੋੜੀ ਪੀ ਲੈਣ ਦੇ

ਦੋ ਪੱਲ ਖੁਸ਼ੀ ਦੇ ਜੀ ਲੈਣ ਦੇ

ਦੋ ਘੁੱਟ ਇਹ ਸ਼ਰਾਬ 

ਨਹੀਂ ਹੈ ਕੋਈ ਖਰਾਬ

ਪੀ ਕੇ ਥੋੜਾ ਮਸਤ ਮੈਂ ਹੋ ਜਾਂਵਾਂ

ਲੱਖ ਲੱਖ ਦਿਆਂ ਗੱਲਾਂ ਸੁਣਾਂਵਾਂ

ਮਹਿਫਲ ਵਿਂਚ ਰੋਣਕ ਲਿਆਂਵਾਂ

ਸੁਣ ਮੇਰਿਆਂ ਕਹਾਣਿਆਂ ਦੋਸਤ ਖੁਸ਼ ਹੋ ਜਾਂਦੇ

ਕੁੱਛ ਦੇਰ  ਉਹ ਅਪਣੇ  ਦੁੱਖ ਦਰਦ ਭੁੱਲਾਂਦੇ

ਪੀ ਸ਼ਰਾਬ ਮੈਂ ਕਰਾਂ ਨਾ ਦੰਗਾ

ਬੇ-ਪਰਵਾਹ ਹੋ ਸੱਚ ਕਹਿਣੋ ਨਾ ਸੰਗਾਂ

ਮੈਂ ਜੋ ਅੰਦਰੋਂ , ਪੀ ,ਬਾਹਰ ਉਹ ਆਏ

ਸੱਚੀ ਮੇਰੀ ਫ਼ਿਤਰੱਤ ਜਾਹਰ ਹੋ ਜਾਏ

ਦਿਲ ਮੇਰਾ ਸਾਫ, ਸੋਚ ਮੇਰੀ ਚੰਗੀ

ਬੁਰਾ ਨਾ ਸੋਚਾਂ ਕਿਸੇ ਲਈ,ਸੱਭ ਦੀ ਖੁਸ਼ੀ ਹਮੇਸ਼ਾਂ ਮੰਗੀ

ਪੀ ਸ਼ਰਾਬ ਜੇ ਮੈਂ ਕਰਾਂ ਗੁਸਤਾਖੀ

ਬਖ਼ਸ਼ੋ ਮੈਂਨੂੰ ਮੰਗਾਂ ਤੁਹਾਥੋਂ ਮਾਫੀ

ਸੋ ਪੀ ਲੈਣ ਦੇ ਥੋੜੀ ਪੀ ਲੈਣ ਦੇ

ਦੋ ਪੱਲ ਖੁਸ਼ੀ ਦੇ ਜੀ ਲੈਣ ਦੇ

ਅੱਜ ਯਾਰ ਨੇ ਆਉਂਣਾ P3

                         ਅੱਜ ਯਾਰ ਨੇ ਆਉਂਣਾ

ਅੱਜ ਦਿਨ ਵਡਭਾਗੀ,ਅੱਜ ਦਿਨ ਸੋਹਣਾ ਆ

ਅੱਜ ਮੇਰੇ ਯਾਰ ਨੇ ਆਉਂਣਾ ਆ

ਅੱਜ ਮੇਰੇ ਪਿਆਰ ਨੇ ਆਉਂਣਾ ਆ

ਵਿਛੜੇ ਦਿਨ ਗਿਨਤੀ ਵਿਚ ਚਾਰ

ਤੰਨਹਾਈ ਵਿਚ ਸਾਨੂੰ ਲੱਗਣ ਵਰੇ ਹਜ਼ਾਰ

ਬਿਨ ਉਨ੍ਹਾਂ ਦਿਨ ਲੰਬੇ,ਲੰਬਿਆਂ ਕੱਟੀਆਂ ਰਾਤਾਂ

ਮਿਲਣ ਨੂੰ ਦੋਨੋਂ ਤੜਫਦੇ ਰਹੇ,ਫੋਨੀ ਹੋਣ ਬਾਤਾਂ

ਸ਼ਾਹੀ ਪੱਕਵਾਨ ਦਾ ਵੀ ਸਵਾਦ ਨਾ ਆਇਆ

ਪੀ ਘੁੱਟ ਸ਼ਰਾਬ ਅਸੀਂ ਉਨ੍ਹੇਂ ਭੁਲਣਾ ਚਾਹਿਆ

ਟੁੱਟਾ ਨਸ਼ਾਂ ,ਚੇਹਰਾ ਉਨ੍ਹਾਂ ਦਾ ਪੈਮਾਨੇ ਵਿਚ ਪਾਇਆ

ਹੱਥ ਛੋਹ ਲਈ ਉਤਾਵਵੇ,ਜੱਫੀ ਲਈ ਬਾਂਵਾਂ ਬੇ-ਚੈਨ

ਬੋਲ ਸੁਣਨ ਲਈ ਕੰਨ ਖੜੇ,ਚੇਹਰਾ ਨਿਹਾਰਣ ਲਈ ਨੈਣ

ਇੰਤਜ਼ਾਰ ਉਨ੍ਹਾਂ ਵਿਚ ਬੈਠੇ,ਦਿਲ ਤੇਜ਼ੀ ਤੇਜ਼ੀ ਧੱੜਕੇ

ਦਿਮਾਗ ਖੁਸ਼ੀ ਵਿਚ ਪਾਗਲ ਹੋਇਆ,ਮੰਨ ਬੇ-ਕਾਬੂੂ ਭੱੜਕੇ

ਸ਼ਰੀਰ ਝੁਣਝੁਣਿਆਂ ਨਾਲ ਕੰਬੇ,ਮੁੱਖ ਖ਼ੁਸ਼ੀ ਨਾਲ ਚਮਕੇ

ਹਰ ਭੱਰਿਆਂ ਦੋ ਰੂਹਾਂ ਹੋਣਗਿਆਂ,ਜੋ ਵਿਜੋਗੀ ਮੁਰਝਾਈਂਆਂ

ਮੁੜ ਇਹ ਬਂਨਵਾਸ ਨਾ ਦੇਂਈਂ,ਸਜਾ ਨਾ ਦੇਂਈਂ,ਕੱਠੇ ਰੱਖੀਂ ਸਾਈਂਆਂ

 

ਯਾਦਾਂ ਦੀ ਚੂਰੀ p3

                              ਯਾਦਾਂ ਦੀ ਚੂਰੀ

ਐਸ ਉਮਰੇ ਮੈਂ ਜਸ਼ਨ ਮਨਾਂਵਾਂ

ਖੁਸ਼ੀ ਜੋ ਮਿਲੀ,ਉਸ ਯਾਦ ਦੀ ਚੂਰੀ ਖਾਂਵਾਂ

ਸਾਰੀ ਜਿੰਦ ਖੁਸ਼ਿਆਂ ਮਾਣੀਆ ਪੂਰੀਆਂ

ਖ਼ਵਾਸ਼ਾਂ ਨਹੀਂ ਰਿਹਆਂ ਕੋਈ ਅਧੂਰੀਆਂ

ਐਸ਼ ਵੀ ਕੀਤੀ ਆਯਾਸ਼ੀ ਵੀ ਕੀਤੀ

ਚਾਹ ਦਾ ਸਵੀਦ ਲਿਆ,ਸ਼ਰਾਬ ਵੀ ਪੀਤੀ

ਅਸੀਂ ਨਹੀਂ ਦੁੱਧ ਦੇ ਧੁਲੇ ਹੋਏ ,ਭਾਈ

ਕੁੱਛ ਝੂਠ ਵੀ ਬੋਲਿਆ,ਕੁੱਛ ਠੱਗੀ ਲਾਈ

ਧੰਨ ਵੀ ਲੋਚਿਆ,ਕੱਠੀ ਕੀਤੀ ਕੁੱਛ ਸਰਮਾਇਆ

ਜਿਨਾ ਮਿਲਿਆ ਸੰਤੋਖ ਕੀਤਾ,ਜਾਦੇ ਲਈ ਨਹੀਂ ਮੰਨ ਲੱਲਚਾਇਆ

ਸੱਚ ਬੋਲਣ ਤੋਂ ਨਹੀਂ ਸ਼ਰਮਾਏ

ਦੁਸ਼ਮਣੀ ਮੋਲ ਲੀਤੀ,ਦੋਸਤ ਵੀ ਬਣਾਏ

ਦਿਲੋਂ ਪਿਆਰ ਵੀ ਕੀਤੀ,ਕੀਤੀ ਥੋੜੀ ਬੇ-ਵਿਫ਼ਾਈ

ਪਰ ਇੱਕ ਵਾਰ ਲਾਈ ਤਾਂ ਤੋੜ ਨਿਭਾਈ

ਕੁੱਛ ਗਿਆਨ ਕੱਠਾ ਕੀਤਾ,ਕੁੱਛ ਧਿਆਨ ਵੀ ਲਗਾਇਆ

ਨਾਸਤਕ ਨਹੀਂ,ਉਸੇ ਸੱਚ ਮੰਨਿਆ,ਕੁੱਛ ਨਾਮ ਧਿਆਇਆ

ਸੇਹਣੀ ਰਹੀ,ਅੱਜ ਵੀ ਸੋਹਣੀ ਜਿੰਦਗੀ,ਹੋਰ ਨਾ ਮੰਗਾਂ ਕੁੱਛ 

ਤੰਨਦੁਰੁਸਤੀ ਬਖ਼ਸ਼ੇ ਅਖੀਰ ਤੱਕ,ਰਹਾਂ ਮੈਂ ਹਮੇਸ਼ਾਂ ਖੁਸ਼

ਕੱਚੇ ਭਾਂਡੇ ਠੀਕਰੀ ਬਣੇ

                      ਕੱਚੇ ਭਾਂਡੇ ਠੀਕਰੀ ਬਣੇ

ਮਜਬੂਤ ਕਰ ਆਪ ਨੂੰ,ਇੱਕ ਠੋਕਰੇ ਟੁੱਟੇਂ ਨਾ

ਮੌਕੇ ਹੈ ਤੇਰੇ ਕੋਲ,ਇਹ ਮੌਕੇ ਤੋਂ ਤੂੰ ਉੱਕੇਂ ਨਾ

ਬਾਰ ਬਾਰ ਨਹੀੰ  ਜੂਨੇ ਔਣਾ,ਇਹ ਵਾਰੀ ਐਂਵੇਂ ਸੁੱਟੇਂ ਨਾ

ਕੱਚੇ ਹੁੰਦੇ ਉਹ ਭਾਂਡੇ ਜੋ ਇੱਕ ਠੋਕਰੀਂ ਟੁੱਟੇ

ਕਿਰਤ ਦੀ ਭੱਠੀ ਦੇ ਭੱਖੇ ਨਹੀਂ ,ਨਹੀਂ ਪੱਕੇ

ਉਸ ਨੂੰ ਭੁੱਲੇ ਗਏ ਨਾਮ ਨਹੀਂ ਉਹ ਜਪੇ

ਵੰਡ ਕੇ ਉਨ੍ਹਾਂ ਨੂੰ ਛੱਕਣਾ ਨਾ ਆਇਆ

ਆਪ ਲਈ ਬੀਜਿਆ,ਆਪ ਹੀ ਖਾਇਆ

ਧਨ ਦੌਲਤ ਦੇ ਪਿੱਛੇ ਨੱਸੇ

ਮੋਹ ਮਾਇਆ ਦੇ ਜਾਲ ਫਸੇ

ਮੰਨ ਦੇ ਫਿੱਕੇ ,ਤੇ ਤੰਨ ਦੇ ਕੱਚੇ

ਠੀਕਰ ਹੋ ਗਏ ਇੱਕ ਠੋਕਰੇ,ਨਹੀਂ ਬਚੇ

ਟੁੱਟੇ ਨਹੀਂ ਉਹ ਧਰਮ ਦੇ ਬੰਦੇ

ਮੱਥੇ ਕਰਮ ਜਿਨ੍ਹਾਂ ਲਿਖਾਏ ਚੰਗੇ

ਭੱਠੀ ਤੱਪ ਕੇ ਪਿਆਰ ਦੀ ਲਈ ਪਾਣ

ਪੱੜ ਗ੍ਰੰਥ ਉਨ੍ਹਾ ਇਕੱਠਾ ਕੀਤਾ ਗਿਆਨ

ਚੰਗੀ ਸੋਚ ਸੋਚ ,ਬਣੇ ਉਹ ਵਿਧਵਾਨ

ਸਫਲ ਸੇਵਾ ਕਰ ਕਮਾਇਆ ਨਾਮ

ਮੰਨੋ ਸੁੱਚੇ,ਦਿਲੋਂ ਸੱਚੇ,ਉਹ ਸੰਨ ਇੰਨਸਾਨ

ਪੈੜ ਉਨ੍ਹਾਂ ਦੀ ਫੜ,ਆਪਣਾ ਰਾਹ ਬਣਾ ਲੈ

ਦੁਰਲੱਭ ਦਹਿ ਇਸ ਵਾਰੀ ਲੇਖੇ ਲਾ ਲੈ

ਟੌਰ ਕੱਛੇ ਦੀ p2

                  ਟੌਰ ਕੱਛੇ ਦੀ

ਟੌਰ ਕੱਢਣ ਤੇ ਮੇਰੀ ਹੋਈ ਹਾਸੋਆਣੀ

ਸੁਣੋ ਮੈਂ ਸੁਣਾਂਵਾਂ ਉਹ ਕਹਾਣੀ

ਕੱਛਾ ਸੀ ਮੈਂ ਇੱਕ ਨਵਾਂ ਸਮਾਇਆ

ਕੱਪੜਾ ਵੀ ਉਸ ਦਾ ਮਹਿੰਗਾ ਆਇਆ

ਸੀਣ ਲਈ ਦਰਜੀ ਦਿਮਾਗ ਲੜਾਇਆ

ਲਾਲ,ਫੱਟੀਆਂ ਵਾਲਾ ਕੱਛਾ ਬਣਾਇਆ

ਫੁੱਲਾ ਕੱਛਾ ਵੇਖ,ਮੈਂ ਪਿੰਡ ਦਿਖੌਣਾ ਚਾਹਿਆ

ਪਹਨ ਕੱਛਾ ਮੈਂ ਬੋੜ ਥੱਲੇ ਆਇਆ

ਛਾਂਵੇਂ ਬੈਠੇ ਸੱਭ ਕੱਛਾ ਸੁਹਲਾਇਆ

ਖੁੱਸ਼ ਹੋ ਮੈਂ ਨੱਠਾ ਸਾਰੇ ਪਿੰਡ ਕੱਛ  ਵਿਖੌਣ

ਅੱਗੋਂ ਜੱਗਾ ਜੱਸਾ ਬੌਲਦਾਂ ਦੀ ਜੌੜੀ ਲਈ ਔਣ

ਲਾਲ ਰੰਗ ਵੇਖ ਇੱਕ ਬੈਲ ਬੌਖਲਾਇਆ

ਨਾਸਾਂ ਉਸ ਦਿਆਂ ਫੁੱਲਿਆਂ ,ਉਸ ਗੁੱਸਾ ਖਾਇਆ

ਖੱਬੇ ਖੁਰ ਨਾਲ ਧਰਤ ਖਰੋਚ ਨੱਸ ਮੇਰੇ ਵੱਲ ਆਇਆ

ਲਾਲ ਅੱਖਾਂ,ਵਂਡੇ ਤਿੱਖੇ ਸਿੰਗ ਵੇਖ ਮੈਂ ਘੱਭਰਾਇਆ

ਜਾਨ ਬਚੌਣ ਲਈ ਮੈਂ ਦਰੱਖਤ ਤੇ ਚੜਿਆ

ਖੂੰਗੇ ਇੱਕ ਵਿੱਚ ਮੇਰਾ ਕੱਛਾ ਬੁਰਾ ਅੜਿਆ

ਉੱਚੀ ਟਾਹਣੀ ਮੈਂ ਗਿਆ ਚੱੜ

ਖੂੰਗੇ ਫਸ ਮੇਰਾ ਕੱਛਾ ਗਿਆ ਫੱਟ

ਪੇੜ ਤੇ ਬੈਠਾ ਮੈਂ ਅੱਧ ਨੰਗਾ

ਢਕਣ ਲਈ ਕੋਈ ਲੀੜਾ ਮੰਗਾਂ

ਸ਼ੁਕਰ ਕੀਤੀ ਕੁਦਰੱਤੀਂ ਉੱਥੇ ਤਾਇਆ ਆਇਆ

ਤੇੜੋਂ ਲਾਅ ਪਰਨਾ ਉਸ ਮੈਂਨੂੰ ਫੜਾਇਆ

ਸਾਫਾ ਬੰਨ ਮੈਂ ਆਪਣੀ ਇਜ਼ੱਤ ਬਚਾਈ

ਕੰਨਾ ਨੂੰ ਹੱਥ ਲਾਇਆ,ਅਕਲ ਮੈਂ ਨੂੰ ਆਈ

ਕੱਛੇ ਤੇ ਕੀ ਘਮੰਡ ਕਰਨਾ ਮੇਰੇ ਭਾਈ

ਹੈਂਕੜ ਟੁੱਟੀ ਲੜਾਈ ਮੁੱਕੀ p3

                              ਹੈਂਕੜ ਟੁੱਟੀ ਲੜਾਈ ਮੁੱਕੀ

ਦਾਰੂ ਪੀ ਸ਼ੇਰ ਅਸੀਂ ਬਣੇ ,ਬੀਵੀ ਨਾਲ ਲੈ ਲਿਆ ਪੰਗਾ

ਕਹੇ ਸ਼ਰਾਬ ਤੇਰਾ ਭੈੜੀ ,ਮੇਰੀ ਦੁਸ਼ਮਨ ਪੀ ਕਰ ਕਰੇਂ ਦੰਗਾ

ਪੈਸੇ ਰੋੜੇਂ ਇਸ ਢਿੱਡ ਲੂਣੀ ਤੇ,ਕੰਮ ਨਹੀਂ ਇਹ ਚੰਗਾ

ਅੱਜ ਮੈਂ ਕਰ ਕੇ ਰਹੂਂਗੀ ਫ਼ੈਸਲਾ,ਜਾਂ ਇਹ ਰਹੂ ਜਾਂ ਮੈਂ

ਹੈਂਕੜਿਆ ਕਹਿ ਬੈਠਾ,ਸ਼ਰਾਬ  ਰਹੂਗੀ,ਜਾ ਜਿੱਥੇ ਜਾਣਾ ਤੈਂ

ਸਮਝੌਂਦੀ ਕਹੇ,ਸੋਚ ,ਮੇਰੇ ਬਿਨ ਬੋਲ ਜਾਣੀ ਤੇਰੀ ਟੈਂ

ਛੱੜਾ ਸੀ ਵਿਆਹ ਤੋਂ ਪਹਿਲਾਂ ,ਹੁਣ ਵੀ ਰਹਿ ਲਊਂਗਾ

ਢੱਠੇ ਖੂਹ,ਜਾਂ ਜਹੱਨੂੰ,ਜਾਂ ਪੇਕੇ ਚਲੀ ਤੂੰ ਜਾ

ਮੈਂ ਚਲੀ ਆਪਣੇ ਪੇਕੇ,ਪਿੱਛੇ ਨਾ ਮੇਰੇ ਆਂਈਂ

ਪੈਰ ਨਹੀਂ ਪੌਣਾ ਮੁੜ ਇੱਥੇ,ਚਾਹੇ ਰੱਬ ਨੂੰ ਫ਼ਰਿਆਦ ਲਗਾਂਈਂ

ਕੁੱਛ ਦਿਨ ਆਜ਼ਾਦੀ ਖੁਸ਼ੀ ਵਿੱਚ ਲੰਗੇ,ਉੜਾਂ ਬਣ ਪਰਿੰਦਾ

ਜਾਦਾ ਨਹੀਂ ਮਰਦ ਰਹਿ ਸਕਣ ਕੱਲੇ,ਜ਼ੋਸ਼ ਇੱਕ ਦੋ ਦਿਨ ਰਹਿੰਦਾ

ਰੋਟੀ ਸੱੜ ਗਈ,ਦਾਲ ਥੱਲੇ ਲੱਗੀ,ਖਾਣੇ ਦਾ ਆਇਆ ਨਾ ਸਵਾਦ

ਹੌਲੀ ਹੌਲੀ ਤਨਾਹੀ ਘੇਰਾ ਪਾਇਆ,ਉਸ ਦੀ ਆਈ ਯਾਦ

ਫ਼ੋਕੀ ਹੈਂਕੜ,ਗੁਸਤਾਖ ਮਰਦਨਗੀ ਛੱਡ ,ਪਹੁੰਚੇ ਆਪਣੇ ਸੋਹਰੇ

ਮਿਨਤਾਂ ਪਾਇਆਂ ,ਨੱਕ ਰਗੜਿਆ, ਕੰਨ ਫੱੜ ਬੈਠੇ ਉਸ ਦੇ ਮੂਹਰੇ

ਕਿਂਝ ਜਿੰਦ ਬੀਤੀ ਉਸ ਬਿਨ,ਰੋ ਰੋ ਦਾਸਤਾਂ ਆਪਣੀ ਸੁਣਾਈ

ਆਖਰ ਉਹ ਸੀ ਔਰਤ ਮਾਫ਼ ਕੀਤਾ,ਤਰਸ ਮੇਰੇ ਤੇ ਖਾਈ

ਕਹੇ ਮੈਂਨੂੰ  ਵੀ ਨਹੀਂ ਚੰਗਾ ਲਗਦਾ,ਲਾਂਵਾਂ ਤੇਰੇ ਤੇ ਕੋਈ ਬੰਦਸ਼

ਪਰ ਕੀ ਕਰਾਂ ,ਮੈਂਨੂੰ  ਫ਼ਿਕਰ ਤੇਰੀ,ਇਹ ਹੈ ਕੌੜਾ ਸੱਚ

ਮੇਰੀ ਹੈਂਕੜ ਟੁੱਟੀ

ਸਾਡੀ ਲੜਾਈ ਮੁੱਕੀ

ਸੁਲਾਹ ਸਫ਼ਾਈ ਕਰ ,ਅਸੀਂ ਜਿੰਦ ਅੱਗੇ ਚਲਾਈ

ਇੱਕ ਦੂਜੇ ਦਾ ਕਹਿਣਾ ਮੰਨ ਕੇ ਘਰ ਹੀ ਜਨੱਤ ਪਾਈ

ਉਹ ਵੀ ਦਿਨ ਚੰਗੇ p3

                       ਉਹ ਵੀ ਦਿਨ ਚੰਗੇ

ਉਹ ਵੀ ਦਿਨ ਚੰਗੇ ਹੁੰਦੇ ਸੀ ਮੇਰੇ ਯਾਰ

ਹੱਸਦੇ ਸੀ ਖੇਲਦੇ ਸੀ ਜਿੰਦ ਜੀਂਦੇ ਸੀ ਹੋ ਬੇ-ਪਰਵਾਹ

ਛੋਟੀ ਉਮਰੇ ਬਾਲਪਨ ਸੀ,ਸੀ ਅਸੀਂ ਬੱਚੇ

ਝੂਠ ਚਲਾਕੀ ਨਹੀਂ ਸੀ ਸਿਖੀ,ਮੰਨ ਦੇ ਸੀ ਸੱਚੇ

ਜਵਾਨੀ ਵਿੱਚ ਹੁੰਦਾ ਸੀ ਜੋਸ਼, ਬਾਂਵਾਂ ਵਿੱਚ ਜੋਰ

ਆ ਵੀ ਕਰ ਲਈਏ ਉਹ ਵੀ ਕਰ ਲਈਏ,ਕਰ ਲਈਏ ਹੋਰ ਤੇ ਹੋਰ

ਉਮਰ ਆਈ ਸਮਝ ਕੁੱਛ ਆਈ,ਸਿੱਖ ਲਈ ਦੁਨਿਆਂਦਾਰੀ

ਮਹਿਨੱਤ ਕਰ ਕਮਾ ਕੇ ਖਾਦਾ,ਠੱਗਾ ਠੋਰੀ ਨਹੀਂ ਮਾਰੀ

ਅੱਖਾਂ ਵਿੱਚ ਸੀ ਸਪਨੇ,ਸਕਾਰ ਕਰਨ ਲਈ ਮਹਿਨੱਤ ਕੀਤੀ ਸਖਤ

ਕੰਮ ਕਰਦੇ ਨਹੀਂ ਸੀ ਥੱਕਦੇ,ਆਯਾਸ਼ੀ ਲਈ ਨਹੀਂ ਸੀ ਵਖਤ

ਸ਼ਾਤੀ ਵਿੱਚ ਸੀ ਦਿਲ ਧੱੜਕਦਾ,ਭਰਿਆ ਉਸ ਵਿੱਚ ਪਿਆਰ

ਲਗਦੀ ਸੀ ਜੱਦ ਕਿਸੇ ਨਾਲ,ਪੱਕੇ ਉਹ ਬਣਦੇ ਸੀ ਯਾਰ

ਭਰੋਸਾ ਆਪ ਤੇ ਅੱਤ ਦਾ ਪੂਰਾ,ਹੌਂਸਲੇ ਹੁੰਦੇ ਸੀ ਬੁਲੰਦ

ਆਸਮਾਨੀ ਉਚਾਇਆਂ ਛੂਹੀਏ ਦੁਨਿਆ ਜਿਤੀਏ,ਦਿੱਲੇ ਸੀ ਉਮੰਗ

ਬਿਰਧ ਉਮਰ ਹੁਣ ਸਕੂਨ ਵਿੱਚ ਕਟੀਏ,ਨਹੀਂ ਕੋਈ ਅਫ਼ਸੋਸ

ਗਿਲਾ ਸ਼ਿਕਵਾ ਭੋਰਾ ਨਹੀਂ ਆਪਣੇ ਆਪ ਅਸੀਂ ਆਪਣੇ ਦੋਸਤ

ਚੰਗੇ ਲੰਘੇ ਉਹ ਦਿਨ,ਚੰਗਿਆਂ ਯਾਦਾਂ ਬਣ ਗਏ

ਚੰਗਿਆਂ ਯਾਦਾਂ ਯਾਦ ਕਰ ਅਜ ਦਿਨ ਚੰਗੇ ਲੰਘਦੇ