ਸੋਹਣਾ ਆਇਆ ਵਿਚਾਰ
ਵੋਹਲੇ ਬੈਠਿਆਂ ਬੀਤੀ ਜਿੰਦ ਬਾਰੇ ਕੀਤਾ ਵਿਚਾਰ
ਕਿੱਥੇ ਕਿੱਥੇ ਮੈਂ ਜਿੱਤ ਪਾਈ ਕਿੱਥੋਂ ਗਿਆ ਮੈਂ ਹਾਰ
ਕਿਹੜੇ ਮਸਲੇ ਪੱਲਾ ਮੇਰਾ ਭਾਰਾ ਕਿੱਥੇ ਖਾਈ ਮਾਰ
ਕਿਵੇਂ ਕਿਵੇਂ ਕਿਸੇ ਉੱਲੂ ਬਣਾਇਆ ਕਿੱਥੇ ਮੈਂ ਨਿਕਲਿਆ ਹੁਸ਼ਿਆਰ
ਕਿੰਨੇ ਕਿੰਨੇ ਰਿਸ਼ਤੇ ਜੋੜੇ ਕਿੰਨੇ ਨਾਤੇ ਤੋੜੇ ਕਿੰਨਾ ਕੀਤਾ ਪਿਆਰ
ਕਿੰਨਿਆਂ ਨਾਲ ਦੁਸ਼ਮਨੀ ਖੱਟੀ ਕਿੰਨੇ ਬਣਾਏ ਯਾਰ
ਦੁਨਿਆਂਦਾਰੀ ਦੇ ਲਿਹਾਜੋਂ ਪਰਖਾਂ ਮੈਂ ਪੂਰਾ ਨਾ ਆ ਪਾਇਆ
ਘਾਲ ਕੋਈ ਦਿਲ ਲਾ ਨਾ ਕੀਤੀ ਕੱਠੀ ਨਾ ਹੋਈ ਸਰਮਾਇਆ
ਵੱਡੀ ਕੋਈ ਤੋਪ ਨਾ ਮਾਰੀ ਨਾਮ ਨਾ ਕੋਈ ਕਮਾਇਆ
ਭਰਮ ਭੁੱਲੇਖੇ ਘੁਮਦਾ ਰਿਆ ਸੱਚੇ ਦਾ ਨਾਂ ਨਾ ਧਿਆਇਆ
ਫਿਰ ਸੋਚਿਆ ਪੈਸੇ ਵੱਲੋਂ ਮੈਂ ਚਾਹੇ ਨਹੀਂ ਅਮੀਰ
ਸੋਹਣਾ ਬੁੱਤਾ ਸਾਰਦਾ ਰਿਹਾ ਰੱਬ ਮੈਂ ਨਾ ਕੋਈ ਗਰੀਬ
ਜ਼ਿੰਦਗੀ ਦੇ ਭਰਭੂਰ ਖ਼ਜ਼ਾਨੇ ਮੇਰੇ ਜਿਗਰੀ ਯਾਰ
ਖ਼ੁਸ਼ਹਾਲ ਵੱਸੇ ਟੱਬਰ ਮੇਰਾ ਆਪਣਿਆਂ ਦਾ ਮਿਲਿਆ ਪਿਆਰ
ਸੋਹਣੀ ਮੇਰੀ ਜ਼ਿੰਦਗੀ ਬੀਤੀ ਵੇਹਲੇ ਬੈਠਿਆਂ ਸੋਹਣਾ ਆਇਆ ਵਿਚਾਰ
No comments:
Post a Comment