ਸੁੱਖ ਸੰਤੋਖ ਪਾਇਆ
ਚੌਕੰਨੇ ਹੋ ਸੁਣੋ ਜੱਸੇ ਦੀ ਜੱਸਾ ਗਲ ਕਰੇ ਸਿਆਣੀ
ਮਨ ਮੰਨੇ ਤਾਂ ਇਹ ਰਾਹ ਚੱਲੋ ਸਕੂਨ ਮਿਲੂ ਸੱਚ ਜਾਣੀ
ਘੱਟ ਪੈਸੇ ਤੇ ਬੰਦਾ ਭਿਖਾਰੀ ਹੱਥ ਸੱਭ ਅੱਗੇ ਫੈਲਾਏ
ਢਿੱਡ ਦੀ ਅੱਗ ਨਾ ਬੁਝੇ ਦੂਸਰਿਆਂ ਦਾ ਮੁਹਤਾਜ ਹੋ ਜਾਏ
ਜਾਦੇ ਧਨ ਦਾ ਵੀ ਸ਼ਰਾਪ ਖੋਹ ਨਾ ਜਾਏ ਬੰਦੇ ਨੂੰ ਫ਼ਿਕਰ ਖਾਏ
ਚਿੱਤ ਚਿੰਦੇ ਹੋਰ ਲਈ ਤ੍ਰਿਪਤ ਨਾ ਲਾਲਚ ਨੂੰ ਆਏ
ਥੋੜੀ ਸੋਚ ਕੇ ਬੰਦਾ ਸਮਝਦਾਰ ਨਾ ਬਣ ਪਾਏ
ਬੇਵਕੂਫ ਝੱਲਾ ਮੁਗਧ ਮੂੜ ਕਈ ਕਈ ਨਾਮ ਕਹਿਲਾਏ
ਜਾਦੀ ਸੋਚ ਵਾਲੇ ਨੂੰ ਜਮ ਦਾ ਡਰ ਬਿਆਪੇ
ਮਾਯੂਸੀ ਵਿੱਚ ਜੀਏ ਸੋਚ ਜਹਾਨ ਦੇ ਸਿਆਪੇ
ਮੱਧ ਮਾਰਗ ਚੱਲੋ ਨੀਚੇ ਹੋ ਚੱਲੋ ਗੌਤਮ ਤੇ ਬਾਬੇ ਅਸੂਲ ਫਰਮਾਇਆ
ਜੋ ਅਮਲ ਕਰ ਇਸ ਰਾਹ ਚੱਲਿਆ ਜੂਨ ਸੰਵਾਰੀ ਸੁੱਖ ਸੰਤੋਖ ਪਾਇਆ
