ਰਾਸ ਆਈ ਵਾਰੀ p3

                                                       ਰਾਸ ਆਈ ਵਾਰੀ

ਗੁਜ਼ਰੀ ਆਪਣੀ ਜਿੰਦ ਤੇ ਮੈਂ ਵਾਰੀ ਵਾਰੀ ਜਾਂਵਾਂ

ਜੋ ਬੀਤੀ ਸੋਚ ਮੈਂ ਫ਼ੁੱਲਾ ਨਾ ਸਾਂਮਾਵਾਂ

ਦਿਨ ਜੋ ਬੀਤੇ ਬੀਤੇ ਚੰਗੇ

ਬੁਢਾਪਾ ਵੀ ਹੁਣ ਚੰਗਾ ਲੰਘੇ

ਬਾਲਪਨ ਲੰਘਿਆ ਲਾਡ ਪਿਆਰ ਨਾਲ

ਜਵਾਨੀ ਵਿੱਚ ਨਹੀਂ ਕਰਨੀ ਪਈ ਸਖ਼ਤ ਘਾਲ

ਗ੍ਰਿਸਤ ਦਾ ਜਾਦਾ ਬੋਝ ਨਾ ਚੁਕਿਆ ਭਾਈ

ਗ੍ਰਹਿਣੀ ਸਚਿਆਰੀ ਗ੍ਰਿਸਤ ਉਸ  ਚੰਗੀ ਚਲਾਈ

ਅੱਗੋਂ ਔਲਾਦ ਵੀ ਨਿਕਲੀ ਕਹਿਣੇਕਾਰ

ਮਿਲਿਆ ਉਨ੍ਹਾਂ ਤੋਂ ਆਦਰ ਸਤਿਕਾਰ

ਜਿੰਦ ਵਿੱਚ ਦੁੱਖ ਘੱਟ ਸੁੱਖ ਜਾਦਾ ਪਾਏ

ਜੈ ਕੀਤਾ ਸੋ ਕੀਤਾ ਕੋਈ ਅਫ਼ਸੋਸ ਨਾ ਆਏ

ਸ਼ਾਹ ਨਹੀਂ ਬਣੇ ਕੱਠੀ ਕੀਤੀ ਨਾ ਮਾਇਆ

ਤੋਪ ਨਹੀਂ ਮਾਰੀ ਵੱਡਾ ਨਾਮ ਨਹੀਂ ਕਮਾਇਆ 

ਨਫ਼ਰਤ ਘੱਟ ਕੀਤੀ ਕੀਤਾ ਸੱਭ ਨਾਲ ਪਿਆਰ

ਦੁਸ਼ਮਣ ਚੰਦ ਕੋ ਬਣਾਏ ਕਈ ਜਿਗਰੀ ਯਾਰ

ਕਰਨਵੀਰ ਸਮਝਾਂ ਆਪ ਨੂੰ ਮਨ ਆਏ ਹੰਕਾਰ

ਫਿਰ ਯਾਦ ਆਏ ਕਰੌਣ ਵਾਲਾ ਉਹ ਕਰਤਾਰ

ਕਿਵੇਂ ਕਰਦਾ ਮੈਂ ਜੇ ਉਹ ਨਾ ਕਰੌਂਦਾ

ਇਹ ਸੋਚ ਯਾਦ ਉਹ ਮੈਂਨੂੰ ਆਉਂਦਾ

ਚੰਗੀ ਕਿਸਮਤ ਉਸ ਮੱਥੇ ਲਿਖੀ ਮੈਂ ਅਭਾਰੀ

ਸੋਚ ਖੁਸ਼ ਹੋਵਾਂ ਰਾਸ ਆਈ ਇਹ ਵਾਰੀ

ਅੱਜ ਪਿਲਾ ਦੇ p3

 ਅੱਖਾਂ ਨਾਲ ਪਿਲਾ

ਲਿਆ ਸਾਕੀ ਅੱਜ ਜਾਮ ਪਿਲਾ ਦੇ

ਅੱਖਾਂ ਵਿੱਚ ਭਰੇ ਮਹਿਖਾਨੇ ਚੋਂ ਪਿਲਾ ਦੇ

ਜਾਂ ਸ਼ੀਸ਼ੇ ਦੀ ਬੋਤਲ ਤੋਂ ਪੈਮਾਨਾ ਨਾਲ ਪਿਲਾ ਦੇ

ਜਿੱਥੋਂ ਵੀ ਪਿਲਾਂਵੇਂ ਬੱਸ ਪਿਆਰ ਨਾਲ ਪਿਲਾ ਦੇ

ਪੀ ਕੇ ਅੱਜ ਮਦਹੋਸ਼ ਹੈਣਾ

ਹੱਸ ਕੇ ਨੱਚ ਕੇ ਗੀਤ ਹੈ ਗੌਣਾ

ਨਸੇ਼ ਦੇ ਝੂਟੇ ਅੱਜ ਸ੍ਵਰਗ ਹੈ ਛੂਹਣਾ 

ਅੱਜ ਗੁੱਸੇ ਨਾ ਹੈਂਈਂ ਪਾਈਂ ਨਾ ਰੰਗ ਵਿੱਚ ਭੰਗ

ਪੀ ਮੇਰੇ ਨਾਲ ਬਹਿ ਭੁੱਲ ਦੁਨਿਆਂ ਦੀ ਸੰਗ

ਚੁੱਕ ਗਲਾਸੀ ਗਲਾਸੀ ਨਾਲ ਗਲਾਸੀ ਛਣਕਾਈਏ 

ਦੋਂਨੋਂ ਦਾਰੂ ਪੀ ਫ਼ਿਕਰ ਛੱਡ ਖੁਸ਼ੀ ਮਨਾਈਏ 

ਦੋ ਪੱਲ ਕੱਠੇ ਬੇਪਰਵਾਹੀ ਦੇ ਜੀ ਜਾਈਏ

ਅੰਗੂਰ ਦੀ ਬੇਟੀ ਰਾਤ ਚੱੜੀ ਸਵੇਰੇ ਲੱਥ ਜਾਊਗੀ

ਕੁੱਛ ਘੜਿਆਂ ਦਾ ਸਾਥ ਸਾਥ ਫੇਰ ਛੱਡ ਜਾਊਗੀ

ਦਿੱਲ ਨੂੰ ਬੋਤਲ ਅੱਖਾਂ ਪੈਮਾਨੇ ਤੂੰ ਬਣਾ

ਆਪਣੀ ਹੱਥੀਂ ਮੇਰੇ ਹੱਥ ਫ਼ੜਾ ਆ ਜਾਊ ਮਜ਼ਾ 

ਇਹੀਓ ਨਸ਼ੇ ਵਿੱਚ ਖੁਮਾਰੀ ਜਿੰਦ ਭਰ ਦੀ

ਪਿਆਸ ਇਸ ਨਸ਼ੇ ਦੀ ਜੀਂਦੇ ਜੀ ਨਹੀਂ ਮਰਦੀ

ਆ ਅੱਖਾਂ ਚ ਅੱਖਾਂ ਪਾ ਰੱਜ ਕੇ ਪੀਈਏ

ਸੰਘ ਸੰਘ ਇੱਥੇ ਜਨਤ ਪਾ ਖੁਸ਼ ਖੁਸ਼ ਜੀਈਏ

ਕੱਚੀ ਅੰਬੀ ਖੱਟੀ p2

 ਕੱਚੀ ਅੰਬੀ ਖੱਟੀ

ਇੱਕ ਸੁੰਦਰੀ ਘਰ ਨੇਰੀ ਵਾਂਗ ਆਈ

ਮੇਰੇ ਤੇ ਭਾਰੀ ਤੌਹਮਤ ਉਸ ਨੇ ਲਾਈ

ਮੇਰੀ ਬੁੱਢੀ ਨੂੰ ਕਹਿੰਦੀ ਸੁਣ ਦਾਦੀ ਮਾਈ

ਸੰਭਾਲ ਆਪਣੇ ਬੁੱਢੇ ਨੂੰ ਕਰ ਇਸ ਦੀ ਧੁਲਾਈ

ਬੁੱਢੀ ਪੁੱਛੇ ਅੱਜ ਕੀ ਇਸ ਚੰਨ ਚਾੜਿਆ

ਤੰਗ ਇਸ ਦਿਆਂ ਕਰਤੂਤੋਂ ਦਿੱਲ ਮੇਰਾ ਇਸ ਸਾੜਿਆ

 ਬੋਲੀ ਬੁੱਢਾ ਤੇਰਾ ਬਹੱਤਰਿਆ ਅੱਖ ਮੈਂਨੂੰ ਮਾਰੀ

ਰੱਬ ਝੂਠ ਨਾ ਬੁਲਾਏ ਦੇ ਮੇਰੀ ਸਹੇਲੀ ਗਵਾਹੀ

ਬੁੱਢਾ ਕਹੇ ਮਾਸੂਮ ਚੇਹਰੇ ਤੇ ਨਾ ਜਾਈਂ ਝੂਠ ਇਹ ਬੋਲੇ

ਆਪਣੇ ਧਿਆਨ ਮੈਂ ਟੁਰਿਆ ਜਾਂਦਾ ਸੀ ਹੌਲੇ ਹੌਲੇ 

ਕੱਚੀ ਆਚਾਰੀ ਅੰਬੀ ਦੀ ਦੰਦੀ ਸੀ ਵੱਡੀ

ਦੰਦ ਖੱਟੇ ਹੋਏ ਅੰਬੀ ਸੀ ਅੱਤ ਦੀ ਖੱਟੀ

ਖਟਾਸ ਨਾ ਸਹਿ ਸਕਿਆ ਅੱਖ ਮੇਰੀ ਫ਼ਰਕੀ

ਇਸ ਸੋਚਿਆ ਇਹਨੂੰ ਅੱਖ ਮਾਰੀ ਮੈਂ ਹਾਂ ਠਰਕੀ

ਬੁੱਢੀ ਨਾ ਸੁਣੇ ਮੇਰੀ ਉਸ ਪੱਤ ਮੇਰੀ ਲਾਹੀ

ਕਹੇ ਰਗ ਰਗ ਤੇਰੀ ਜਾਣੂ ਉਮਰ ਤੇਰੇ ਨਾਲ ਲੰਘਾਈ

ਇਸ਼ਕ ਤੇਰੇ ਹੱਡੀਂ ਬਸਿਆ ਬੁੱਢੇ ਠੇਰਿਆ 

ਥੱਕੀ ਮੈਂ ਨਹੀਂ ਸੁਧਰਿਆ ਦੁਸ਼ਮਣ ਮੇਰਿਆ

ਮੁੱਛਾਂ ਦਾੜਿਆਂ ਵਾਲੇ ਧੋਤੇ ਕੀ ਕਹੂ ਜਹਾਨ

ਤੂੰ ਗੰਜਾ ਬੋੜਾ ਬੋਲਾ ਪਰ ਸਮਝੇਂ ਆਪ ਨੂੰ ਜਵਾਨ

ਉਹ ਦਿਨ ਗਿਆ ਇਹ ਆਇਆ ਸਬੱਕ ਸਿਖਿਆ ਸੱਚ ਜਾਣੀ

ਕੱਚੀ ਅੰਬੀ ਕਿਸੇ ਕੁੜੀ ਸਾਮਣੇ ਨਹੀਂ ਖਾਣੀ

ਅਗਰ ਖਾਣੀ ਤਾਂ ਖਾਣੀ ਕਾਲਿਆਂ ਐਨਕਾਂ ਲਾ ਕੇ

ਕੋਈ ਕੁੜੀ ਵੇਖੇ ਨਾ ਦੇ ਬੁੱਢੇ ਦੀ ਅੱਖ ਫ਼ਰਕੇ

ਕਹਿਣ ਨੂੰ ਉਹ ਕਵੀ p2

           ਕਹਿਣ ਨੂੰ ਉਹ ਕਵੀ

ਕਹਿਣ ਨੂੰ ਉਹ ਕਵੀ ਕਹਾਵੇ ਨਾਂ ਉਸ ਦਾ ਜੱਸ

ਔੜ ਦਿਆਂ ਭਦੌੜ ਮਾਰੇ ਵਿੱਚ ਰਤਾ ਨਾ ਸੱਚ

ਹਵਾ ਵਿੱਚ ਕਿਲੇ ਬਣਾਏ ਬਿਨ ਲੁਗਾਮ ਦੌੜਾਏ ਘੋੜੇ

ਹਲਕੀਆਂ ਫੁਲਕੀਆਂ ਗੱਲਾਂ ਕਰ ਤੁੱਕਾਂ ਉਹ ਜੋੜੇ

ਨਾ ਉਨ੍ਹਾਂ ਵਿੱਚ ਡੂੰਘਾ ਫਲਸਫਾ ਨਾ ਵਧਿਆ ਵਿਚਾਰ

ਪੜ ਕੋਈ ਸਬੱਕ ਨਾ ਮਿਲੇ ਹਾਸਾ ਆਏ ਯਾਰ 

ਦੋਸਤਾਂ ਦੀ ਦੋਸਤੀ ਦਾ ਫਾਇਦਾ ਉੱਠਾਏ

ਫੱੜ ਬੰਨ ਉਨ੍ਹਾਂ ਨੂੰ ਕਵਿਤਾ ਸੁਣਾਏ

ਕੋਈ ਜੱਸੇ ਮੂਰਖ ਨੂੰ ਦੱਸੇ ਦੇਵੇ ਉਸ ਨੂੰ ਸਲਾਹ

ਦੈਸਤ ਸ਼ਰੀਫ਼ ਨਿੰਦਾ ਨਾ ਕਰਨ ਕਰਨ ਝੂਠੀ ਵਾਹ ਵਾਹ

ਤਰੀਫ਼ ਪੜ ਤਰੀਫ਼ ਸੁਣ ਜੱਸਾ ਉੜੇ ਆਸਮਾਨ

ਉਪਰੋਂ ਓਪਰਾ ਨਿਮਾਣਾ ਢੋਂਗ ਕਰੇ ਕਰੇ ਅੰਦਰੋਂ ਘੁਮਾਨ

ਆਪ ਜਿੰਦ ਵਿੱਚ ਬੂਰੀ ਤਰਾਂ ਫੇਲ ਦੂਸਰਿਆਂ ਨੂੰ ਵੰਡੇ ਗਿਯਾਨ

ਸ਼ੇਖ਼ ਚਿਲੀ ਲੱਲੀਆਂ ਉਸ ਦਿਆਂ ਝੱਲ ਜੱਸਾ ਖਿਲਾਰੇ

ਵੈਸੇ ਦੱਸਾਂ ਜੱਸਾ ਭੱਲਾ ਮਾਨਸ ਸੱਭ ਜਨ ਉਸ ਨੂੰ ਪਿਆਰੇ

ਦਿੱਲ ਉਸ ਨੇ ਦੁਖਾਇਆ ਨਾ ਕੋਈ ਨਾ ਉਹ ਠੱਗੀ ਮਾਰੇ

ਸਾਨੂੰ ਕਾਦਾ ਦੁੱਖ 

ਕਵਿਤਾ ਲਿੱਖ ਜੱਸਾ ਪਾਏ ਸੁੱਖ

ਕੀ ਪਤਾ ਚਮਤਕਾਰ ਹੋ ਜਾਵੇ

ਚੰਗਾ ਕੁੱਛ ਜੱਸਾ ਲਿਖ ਪਾਵੇ

ਜੱਗ ਵਿੱਚ ਨਾਂ ਰੌਸ਼ਨ ਕਵਿਆਂ ਵਿੱਚ ਕਵੀ ਕਹਾਵੇ

ਧੰਨ ਨਾਰੀ ਦੇ ਰੰਗ p 2

               ਧੰਨ ਨਾਰੀ ਦੇ ਰੰਗ

ਧੰਨ  ਨਾਰੀ ਧੰਨ ਉਸ ਦੇ ਰੰਗ

ਧੰਨ ਮੈਂ ਜੋ ਬਸਿਆ ਉਸ ਦੇ ਸੰਘ

ਕਿਨੇ ਰੂਪ ਧਾਰੇ ਦੱਸ ਨਾ ਸਕਾਂ

ਗਿਣਤੀ ਵਿੱਚ ਹੋਣ ਤਾਂ ਕਰਾਂ ਬਿਆਂ 

ਜਾਣੇ ਨਾ ਕੋਈ ਤੀਂਵੀਂ ਦਾ ਪਾਰਾਵਾਰ 

ਪੈਗ਼ੰਬਰ ਪਤੰਦਰ ਅਫ਼ਲਾਤੂਨ ਸੱਭ ਗਏ ਹਾਰ

ਜੋ ਲੀੜੇ ਮੈਂ ਪਾਂਵਾਂ ਉਸੇ ਪਸੰਦ ਨਾ ਆਏ

ਤਿਆਰ ਹੋਏ ਤੋਂ ਮੇਰੇ ਗਲੋਂ ਲਹਾਏ 

ਹਰ ਦਿਨ ਮੇਰਿਆਂ ਖ਼ਾਮੀਆਂ ਕੱਢੇ ਹਜ਼ਾਰ 

ਪੰਜਤਾਲੀ ਸਾਲ ਪਹਿਲਾਂ ਕੀਤੀ ਕਰਾਏ ਯਾਦ

ਮੇਰੀ ਸਲਾਹ ਨੂੰ ਉਹ ਦੇਵੇ ਨਾ ਗੌਹ

ਕਹੇ ਤੁਸੀਂ ਰਹਿਣ ਦਿਓ ਤੁਹਾਨੂੰ ਨਹੀਂ ਧੌਹ 

ਖੁਸ਼ਾਮਤ ਨਾ ਕਰਾਂ ਕਹੇ ਤੁਹਾਨੂੰ ਨਹੀਂ ਮੇਰੇ ਨਾਲ ਪਿਆਰ

ਪਿਆਰ ਜਤਾਂਵਾਂ ਕਹੇ ਪਜ਼ਾਮਾ ਨਾ ਬਣ ਦੱਸੋ ਕਿੱਥੇ ਜਾਂਵਾਂ ਯਾਰ

ਦੁਨਿਆਂ ਵਿੱਚ ਸੱਭ ਤੋਂ ਨਿਕੰਮਾ ਮੈਂਨੂੰ ਜਾਣੇ

ਦੂਸਰਿਆਂ ਦੇ ਸ਼ੌਹਰ ਉਸ ਨੂੰ ਲੱਗਣ ਸਿਆਣੇ

ਅਪਣੀ ਮੁਸੀਬਤ ਜੱਦ ਮੇਰੇ ਕੋਲ ਕਰੇ ਜ਼ਾਹਰ 

ਹੱਲ ਮੈਂ ਦੱਸਾਂ ਪਰ ਉਹ ਸੁਣਨ ਨੂੰ ਨਾ ਤਿਆਰ

ਸਿੱਖ ਗਿਆ ਮੈਂ ਮੈਂ ਹੋਇਆ ਹੁਸ਼ਿਆਰ 

ਦਿਮਾਗ਼ ਬੰਦ ਕਰ ਸੁਣਾ ਉਸ ਦੀਆਂ ਸ਼ਕਾਇਤਾਂ ਬੇਸ਼ੁਮਾਰ 

ਮੂੰਹ ਨਾ ਖੋਲਾਂ ਕਦੋਂ ਚੁੱਪ ਹੋਏ ਕਰਾਂ ਇੰਤਜ਼ਾਰ 

ਸਮਝਣ ਦੀ ਉਸ ਨੂੰ ਕੋਸ਼ਿਸ਼ ਛੱਡੀ ਹਾਂ ਨਾਲ ਹਾਂ ਮਿਲਾਈ 

ਸੋਚਣਾ ਛੱਡਿਆ ਫ਼ਿਕਰ ਛੱਡਿਆ  ਹੱਦ ਸਕੂਨ ਪਾਇਆ ਭਾਈ

ਧੰਨ ਮੈਂ ਆਪ ਨੂੰ ਮੰਨਾਂ ਜਿਸ ਉਸ ਨਾਲ ਨਿਭਾਈ

ਦਿਲ ਉਸ ਤੇ ਆਇਆ ਪਿਆਰੀ ਲੱਗੇ ਆਪਣੀ ਲੁਗਾਈ

ਪਿਆਰ ਉੱਤਮ ਕਰਮ p 2

          ਪਿਆਰ ਉੱਤਮ ਕਰਮ 

ਜੱਗ ਵਿੱਚ ਹੈ ਬਹੁਤ ਭਰਿਆ ਭਰਮ

ਭਰਮ ਲੈ ਕੋਈ ਕਰੇ ਪੁੰਨ ਕੋਈ ਕਰੇ ਕਰਮ

ਭਰਮ ਪੈਸੇ ਨਾਲ ਖਵਾਇਸ਼ ਹੇਏ ਪੂਰੀ

ਇੱਕ ਹੋਈ ਪੂਰੀ ਦੂਜੀ ਜੰਮੀ ਰਹੀ ਅਧੂਰੀ

ਮਾਇਆ ਦੇ ਫ਼ਿਕਰ ਵਿੱਚ ਗਾਲਣ ਜਿੰਦ ਸਾਰੀ

ਘਾਲ ਕਰਦੇ ਮੁਕਦੇ ਜੀਣ ਦੀ ਆਏ ਨਾ ਵਾਰੀ

ਭਰਮ ਜੋਰੂ ਦਾ ਗੁਲਾਮ ਬਣ ਖੁਸ਼ ਹੋਏ ਸੁਹਾਣੀ

ਪੋਚਾ ਲਾਇਆ ਭਾਂਡੇ ਮਾਂਜੇ ਬਣੀ ਨਾ ਕਹਾਣੀ

ਰੱਬ ਤੀਂਵੀਂ ਨੂੰ ਖੁਸ਼ ਕਰ ਨਾ ਪਾਇਆ ਸੱਚ ਜਾਣੀ 

ਤੂੰ ਕਿਸ ਖੇਤ ਦੀ ਮੂਲੀ ਤੂੰ ਇੱਕ ਬੇਵਕੂਫ਼ ਪ੍ਰਾਣੀ 

ਭਰਮ ਪੂਜਾ ਪਾਠ ਦਾਨ ਦਖਸ਼ਣਾ ਨਾਲ ਮਿਲੇ ਭਗਵਾਨ

ਤਪੱਸਿਆ ਕਰਨ ਹਵਨ ਕਰੌਣ ਕਰਨ ਤੀਰਥ ਇਸ਼ਨਾਨ 

ਮਿਲੂ ਰੱਬ ਮਰਨੋਂ ਬਾਦ ਰੱਖਣ ਝੂਠੀ ਆਸ 

ਜੀਂਦੇ ਜੀ ਰੱਬ ਮਿਲੇ ਪਿਆਰ ਵਿੱਚ ਪਿਆਰ ਉਨ੍ਹਾਂ ਲਈ ਪਾਪ

ਪਿਆਰ ਕਰੋ ਰੱਬ ਪਾਓ ਕਰੋ ਦੂਰ ਭਰਮ

ਪਿਆਰ ਉੱਤਮ ਪੂਜਾ ਪਿਆਰ ਹੀ ਉੱਤਮ ਕਰਮ

ਐਂਵੇਂ ਘੈਂਵੇਂ ਦੀ ਤੁੱਕ ਪ 2

         ਐਂਵੇਂ ਘੈਂਵੇਂ ਦੀ ਤੁੱਕ

ਵੇਹਲਾ ਇੱਕ ਦਿਨ ਬਜ਼ਾਰ ਮੈਂ ਗਿਆ

ਚਾਰ ਆਨੇ ਦਾ ਇੱਕ ਕੇਲਾ ਛੱਲੀ ਲਿਆ

ਪ੍ਰੀਤ ਨਾਲ ਛਿੱਲਿਆ ਸਵਾਦ ਨਾਲ ਖਾਇਆ

ਬੇਪਰਵਾਹੀ ਕਰ ਛਿੱਲਕਾ ਸੜਕ ਤੇ ਗਿਰਾਇਆ

ਅੱਗੋਂ ਆਇਆ ਸ਼ਿੰਦੇ ਦਾ ਅੱਬਾ

ਗੁੱਸੇਖੋਰ ਅੱਤ ਦਾ ਕੱਬਾ

ਸੁਟੀ ਛਿੱਲ ਤੇ ਪੈਰ ਉਸ ਦਾ ਤਿੱਲਕਿਆ 

ਡੱਗਮਗਾ ਉਹ ਪਿੱਛਲੀ ਭਾਰ ਗਿਰਿਆ 

ਬੇਵਕੂਫ਼ ਮੈਂ ਹਾਸਾ ਰੋਕ ਨਾ ਪਾਇਆ

ਸ਼ਿੰਦੇ ਦੇ ਅੱਬੇ ਨੂੰ ਗੁਸਾ ਆਇਆ

ਗਾਲ ਮੈਂਨੂੰ ਕੱਢੀ ਵੱਡੀ 

ਖੂੰਡੀ ਘੁਮਾ ਸੇਕੀ ਮੇਰੀ ਹੱਡੀ

ਛੱਤਰੌਤ ਕਰ ਜ਼ਿੰਦਗੀ ਭਰ ਦਾ ਸਬੱਕ ਸਿਖਾਇਆ

ਗਿਰੇ ਤੇ ਨਹੀਂ ਹੱਸਣਾ ਕੰਨੀ ਹੱਥ ਲਾਈਆ 

ਸੱਚੀ ਇਹ ਕਹਾਣੀ ਨਹੀਂ ਮਨੋ ਬਣਾਈ

ਚੰਗੀ ਲੱਗੀ ਤਾਂ ਤਾਰੀਫ਼ ਕਰਿਓ ਭਾਈ

ਭੈੜੀ ਵੀ ਲੱਗੀ ਤਾਂ ਵੀ ਜ਼ਰੂਰ ਦੱਸਿਓ

ਯਾਦ ਰਹੇ ਛਿੱਲ ਨਾ ਸੁਟਣਾ ਨਾ ਗਿਰੇ ਤੇ ਹੱਸਿਓ

ਸੋਹਣਾ ਕੱਲ ਬੀਤਿਆ p2

              ਸੋਹਣਾ ਕੱਲ ਬੀਤਿਆ

ਸੋਹਣਾ ਕੱਲ ਬੀਤਿਆ ਅੱਜ ਵੀ ਸੋਹਣਾ ਕੱਲ ਵੀ ਸੋਹਣਾ ਹੋਣਾ

ਨੱਚਦੇ ਗੌਂਦੇ ਹੱਸਦੇ ਜਿੰਦ ਬੀਤੀ ਜੱਸੇ ਲਈ ਨਹੀਂ ਰੋਣਾ ਧੋਣਾ

ਰੋਣ ਉਹ ਜੋ ਕਿਸਮੱਤ ਵੱਲੋਂ ਨਰਾਸ਼ 

ਨਸੀਬ ਮੇਰੇ ਚੰਗੇ ਕਾਰਜ ਆਏ ਰਾਸ

ਕਈ ਖੇਲ ਖੇਲੇ

ਕਈ ਕੀਤੇ ਮੇਲੇ

ਕਈ ਬਾਰ ਹਾਰਿਆ ਹਾਰ ਕੇ ਜਿਤਿਆ 

ਕਈ ਬਾਰ ਡਿੱਗਿਆ ਡਿੱਗ ਕੇ ਉੱਠਿਆ 

ਕਈ ਬਾਰ ਮਾਯੂਸ ਬੈਠਾ ਉਦਾਸ

ਹਿੰਮਤ ਰੱਖੀ ਜਗਾ ਰੱਖੀ ਆਸ 

ਅਯਾਸ਼ੀ ਕੀਤੀ ਲੋਕ ਕਹਿਣ ਕੀਤਾ ਪਾਪ

ਅਫਸੋਸ ਨਹੀਂ ਕੀਤੇ ਦਾ ਖੁਸ਼ ਮੈਂ ਆਪ ਨਾਲ ਆਪ

ਦੋਸਤਾਂ ਨੇ ਦੋਸਤੀ ਤੋੜ ਨਿਭਾਈ 

ਖਾਮਿਆਂ ਭੁੱਲ ਵੇਖੀ ਮੇਰੀ ਚੰਗਿਆਈ

ਮਾੜੀ ਨਹੀਂ ਰਹੀ ਗ੍ਰਿਸਤ ਰਹੀ ਚੰਗੀ 

ਪਿਆਰ ਮਿਲਿਆ ਮਿਲੀ ਹਰ ਚੀਜ਼ ਜੋ ਮਨੋ ਮੰਗੀ

ਐਨਾ ਕੁੱਛ ਪਾ ਕਿਓਂ ਐਂਵੇਂ  ਮੈਂ ਰੋਵਾਂ

ਰੋਂਵਾਂ ਤਾਂ ਇਹਸਾਨ ਫਰਾਮੋਸ਼ ਹੋਵਾਂ

ਮੇਰਾ ਕੀਤਾ ਨਹੀਂ ਹੋਇਆ ਮੈਂ ਨਾ ਕੋਈ ਹਸਤੀ

ਸ਼ੁਕਰ ਉਸ ਦਾ ਜਿਸ ਜੂਨ ਜੱਸੇ ਨੂੰ ਬਖਸ਼ੀ

ਲਿਆ ਮੈਂ ਪਹਿਚਾਨ p2

            ਲਿਆ ਮੈਂ ਪਹਿਚਾਨ 

ਜਾਤ ਤੋਂ ਜੱਟ ਜੱਸਾ ਜਮਿਆਂ ਰੱਖੇ ਬਾਹਮਣ ਦਾ ਗਿਯਾਨ

ਫੰਨੇ ਖਾਂ ਆਪ ਨੂੰ ਸਮਝੇ ਮੰਨ ਭਰਿਆ ਘੁਮਾਣ

ਸਾਂਭੀ ਨਾ ਮਾਇਆ ਉਂਗਲਿਆਂ ਵਿੱਚ ਦੀ ਗਈ ਕਿਰ

ਕਿਵੇਂ ਪੈਸਾ ਨਹੀਂ ਪਿਆਰਾ ਸੁਣਾ ਕਹਾਣੀ ਖਾਏ ਸਿਰ

ਆਪ ਕਿਸੇ ਬੁਲੰਦੀ ਨਾ ਪਹੁੰਚਾ ਦੂਸਰਿਆਂ ਨੂੰ ਦੇਏ ਸਲਾਹ

ਖ਼ੁਦ ਭੁੱਲਾ ਫਿਰੇ ਰਾਸਤੇ ਦੱਸੇ ਬਾਕੀਆਂ ਨੂੰ ਰਾਹ

ਗ੍ਰਿਸਤ ਮਾਰ ਆਪ ਜੱਸੇ ਖਾਈ ਬੀਵੀ ਖੁਸ਼ ਨਾ ਕਰ ਪਾਏ

 ਕਿੰਝ ਘਰਵਾਲੀ ਤੇ ਰੋਬ ਪੌਣਾ ਨਵੇਂ ਵਿਆਂਦੜ ਨੂੰ ਸਿਖਾਏ

ਸੋਚ ਕੇ ਕੋਈ ਪੈਰ ਨਾ ਪਾਇਆ ਹੁੰਦਾ ਰਿਆ ਗੁਮਰਾਹ

ਫ਼ਿਕਰ ਨਾ ਕੋਈ ਕੀਤਾ ਜੱਸਾ ਜੀਆ ਹੋ ਬੇਪ੍ਰਵਾਹ 

ਜੱਸਾ ਮੰਨੇ ਜਿੰਦ ਰਾਸ ਆਈ ਚਾਹੇ ਬਣਿਆ ਲੋਕਾਂ ਦਾ ਤਮਾਸ਼ਾ 

ਬਿਰਧ ਉਮਰੇ ਯਾਦਾਂ ਯਾਦ ਕਰ ਜੱਸੇ ਨੂੰ ਆਪ ਤੇ ਆਏ ਹਾਸਾ

ਹੁਣ ਕੋਈ ਰਾਏ ਪੁੱਛੇ ਕਹੇ ਮੈਥੋਂ ਨਾ ਮੈਂ ਅੱਧ ਅੰਨਾ ਅਗਿਯਾਨ

ਪਹਿਲਾਂ ਸੀ ਭੁੱਲੇਖਾ ਮੈਂ ਸਿਆਣਾ ਹੁਣ ਆਪ ਨੂੰ ਲਿਆ ਪਹਿਚਾਨ

ਜੱਟ ਨਾ ਬਾਹਮਣ ਨਾ ਰਤਿਆ ਅਵਤਾਰ ਮੈਂ ਆਮ ਇੰਨਸਾਨ

ਲਿਖੇ ਚੰਗੇ ਕਰਮ p2

             ਲਿਖੇ  ਚੰਗੇ ਕਰਮ

ਜਮੇਂ ਅਮੀਰ ਘਰੇ ਪਲੇ ਲਾਡ ਪਿਆਰ ਨਾਲ

ਬਿਨ ਮਹਿਨਤ ਖਵਾਇਸ਼ਾਂ ਪੂਰੀਆਂ ਕੀਤੀ ਨਾ ਕੋਈ ਘਾਲ

ਕਸ਼ਟ ਕੋਈ ਸਹਿਆ ਨਾ ਨਾ ਬਿਮਾਰੀ ਦਾ ਦੁੱਖ

ਹੱਸਦੇ ਖੇਡਦੇ ਜਵਾਨੀ ਬੀਤੀ ਪਾਇਆ ਹਰ ਸੁੱਖ

ਗ੍ਰਿਸਤੀ ਸਿਰ ਪਈ ਚਲੌਣੀ ਨਾ ਆਈ

ਬੀਵੀ ਦੇ ਤਾਹਨਿਆਂ ਜਿੰਦ ਮੇਰੀ ਸਤਾਈ

ਸੋਚਿਆ ਛੱਡ ਇਹ ਮਾਇਆ ਮੋਹ ਜੰਜਾਲ

ਬਣ ਸਾਧੂ ਜਾਪ ਕਰ ਮੰਨ ਆਇਆ ਖਿਆਲ

ਸਵਾਹ ਲਾ ਸਰੀਰੀਂ ਵਿਆਵਾਨ ਵਿੱਚ ਕੁਟਿਆ ਪਾਈ

ਧੂਣੀ ਧੂਫ਼ ਕਰਨ ਲੱਗਾ ਭਜਨ ਨਾਲ ਘੰਟੀ ਬਜਾਈ

ਸ਼ੋਭਾ ਫੈਲੀ ਇਲਾਕੇ ਹਜ਼ੂਮ ਮੱਥਾ ਟੇਕਣ ਔਣ

ਕੀਤੇ ਪਾਪ ਬਖਸੌ਼ਣ ਲਈ ਖ਼ਾਸਾ ਚੜਾਵਾ ਚੜੌਣ

ਮਾਨਤਾ ਐਨੀ ਹੋਈ ਸੰਗਤ ਮੰਨੇ ਮੈਂ ਅਵਤਾਰ

ਅੱਗੇ ਜੋ ਹੋਇਆ ਦੱਸ ਨਾ ਸਕਾਂ ਯਾਰ

ਭਗਤਣ ਇੱਕ ਆਈ ਸੁੰਦਰ ਨੈਣ ਗੋਰਾ ਰੰਗ

ਮੱਥਾ ਟੇਕਿਆ 

ਅਸੀਂ ਅੰਗ ਵੇਖਿਆ 

ਹਵੱਸ ਜਾਗੀ ਭਗਤੀ ਹੋਈ ਭੰਗ

ਬੀਬਾ ਕਸ਼ਟ ਤੇਰੈ ਦੂਰ ਕਰੀਏ ਕਹਿ ਯਾਰ ਉਸੇ ਬਣਾਇਆ

ਰੰਗ ਰਲੀਆਂ ਮੰਨਾਈਂਆ ਉਸ ਨਾਲ ਮਜ਼ਾ ਬਹੁਤ ਆਇਆ

ਮਰਦ ਉਸ ਦੇ ਨੂੰ ਸੂਹ ਲੱਗੀ ਗੁਸਾ ਖਾ ਮੇਰੇ ਖੂਣ ਦਾ ਪਿਆਸਾ

ਕੱਠੇ ਕਰ ਬੰਦੇ ਛਿੱਲ ਮੇਰੀ ਲਾਹੀ ਤਰਸ ਨਾ ਖਾਦਾ ਮਾਸਾ 

ਮਸੀਂ ਉਨ੍ਹਾਂ ਹੱਥੀਂ ਛੁਟਿਆ ਨਸਿਆ ਜਾਨ ਬਚਾਈ

ਦੁਨਿਆਂਦਾਰੀ ਵਿੱਚ ਨਾ-ਕੰਮੇ ਭਗਤੀ ਰਾਸ ਨਾ ਆਈ

ਵਾਪਸ ਆਇਆ ਸੁਹਾਣੀ ਦੀ ਸ਼ਰਣ ਪੈਰੀਂ ਸਿਰ ਲਾਇਆ

ਗਿੜਗੜਾਇਆ ਮਾਫ਼ ਕਰ ਮੈਂ ਭੁੱਲਾ ਘਰ ਆਇਆ

ਬਖਸ਼ਿਆ ਉਸ ਮੈਂਨੂੰ ਉਹ ਦਿਲ ਦਰਿਆ ਦਿਲ ਦੀ ਨਰਮ

ਰੱਬ ਚੰਗਾ ਸੋਚ ਉਸ ਲੜ ਲਾਇਆ ਲਿਖੇ ਚੰਗੇ ਕਰਮ

ਲੂਗਾਈ ਪਿਆਰੀ p2

             ਲੁਗਾਈ ਪਿਆਰੀ

ਮੱਥਾ ਟੇਕ ਮੰਗ ਰੱਬ ਤੋਂ ਮੰਗੀ 

ਦੇ ਰੱਬਾ ਇੱਕ ਲੁਗਾਈ ਚੰਗੀ 

ਦਿਆਲ ਦੇਨਹਾਰ ਉਹ ਬੇਪਰਵਾਹ

ਛੇਤੀਂ ਹੀ ਹੋਇਆ ਮੇਰਾ ਵਿਆਹ

ਨੱਚਾਂ ਗਾਂਵਾਂ ਕਰਾਂ ਲਾਡ ਤੇ ਚਾਅ

ਝੁੰਡ ਚੁਕਿਆ ਖੁਸ਼ੀ ਹੋਈ ਭੰਗ

ਸ਼ਕਲੋਂ ਭੈੜੀ ਰੂਪ ਨਾ ਰੰਗ

ਅੱਖੋਂ ਟੀਰੀ ਸਿਰ ਤੋਂ ਗੰਜੀ

ਮੇਰੀ ਨਿਕਲੀ ਕਿਸਮਤ ਮੰਦੀ

ਰੁੱਖੇ ਉਸ ਦੇ ਬੋਲ ਸੁਭਾਹ ਕੱਬਾ 

ਛਿੜੀ ਭੂੰਡਾਂ ਦਾ ਖੱਖਰ ਬਚਾ ਓ ਰੱਬਾ

ਕਾਨੇ ਨਾਲੋਂ ਪਤਲੀ ਲੰਮੀ ਖਜ਼ੂਰ 

ਮਜ਼ਾਕ ਰੱਬ ਕੀਤਾ ਮੇਰੇ ਨਾਲ ਜ਼ਰੂਰ 

ਫਿਰ ਸੋਚਿਆ ਰੱਬ ਸੋਚ ਬਣਾਈ ਇਹ ਜੋੜੀ

ਮੈਂ ਬੋਲਾ ਬੁੱਢਾ ਬੋੜਾ ਇੱਕ ਅੰਨਾ ਇੱਕ ਕੋਹੜੀ 

ਰੱਬ ਜੋ ਕਰੇ ਉਹ ਹੀ ਭਲਾ

ਮੰਨ ਇਹ ਮੈਂ ਅੱਗੇ ਚਲਾ 

ਗਲ ਪਈ ਬਾਂਸੁਰੀ ਬਜੌਂਣੀ ਪੈਣੀ

ਜਿੰਦ ਉਸ ਨਾਲ ਨਿਭੌਂਣੀ ਪੈਣੀ

ਖੂਬੀਆਂ ਉਸ ਵਿੱਚ ਲੱਭਣ ਲੱਗਾ 

ਮਿਲਿਆਂ ਜੋ ਔਣ ਲਗਾ ਮਜ਼ਾ 

ਫਿਰ ਕੀ ਹੋਇਆ ਸਿਰੋਂ ਗੰਜੀ

ਸੈਂਮਪੂ ਨਾ ਮੰਗੇ ਨਾ ਮੰਗੇ ਕੰਘੀ

ਕਾਨੇ ਵਾਂਗ ਪਤਲੀ ਨਾ ਉਹ ਭਾਰੀ

ਸਾਈਕਲ ਪਿੱਛੇ ਬੈਠੀ ਹਲਕੀ ਸਵਾਰੀ

ਅੱਖੋਂ ਟੀਰੀ ਅੱਖ ਕਿਸੇ ਨਾਲ ਕਿੰਝ ਮਿਲਾਊ 

ਮਿਲਾਊ ਤਾਂ ਦੱਸੋ ਕਿਹੜੀ ਮਿਲਾਊ 

ਰੰਗ ਨਾ ਰੂਪ ਨਾ ਨਾ ਸ਼ਕਲ ਮਨਮੋਹਣੀ 

ਸਕੂਨ ਦੋਸਤ ਨਾ ਢੁੱਲਣ ਕੀ ਕਰਨੀ ਸੋਹਣੀ

ਦਿਲੋਂ ਕਰੇ ਪਿਆਰ ਸਾਨੂੰ ਗ੍ਰਿਸਤ ਵਿੱਚ ਸਚਿਆਰੀ 

ਜਿੰਦ ਸਾਡੀ ਸਵਾਰੀ ਹੁਣ ਲੱਗੇ ਸਾਨੂੰ ਪਿਆਰੀ

ਗ੍ਰਿਸਤ ਦਾ ਫੰੰਡਾ p2

                                        ਗ੍ਰਿਸਤ ਦਾ ਫੰਡਾ

ਗ੍ਰਿਸਤ ਦੇ ਇਮਤਿਹਾਨ ਵਿੱਚ ਫੇਲ ਮਿਲਿਆ ਅੰਡਾ 

ਕਿਵੇਂ ਖੁਸ਼ ਕਰਨਾ ਸੁਹਾਨੀ ਨੂੰ ਆਇਆ ਨਾ ਫੰਡਾ

 ਲੈ ਮਹਿੰਗੀ ਸਾੜੀ ਖੁਸ਼ ਉਸੇ ਕਰਨਾ ਚਾਹਿਆ

ਰੰਗ ਸਾੜੀ ਦਾ ਉਸੇ ਜ਼ਰਾ ਪਸੰਦ ਨਾ ਆਇਆ

ਕਹੇ ਪੈਸੇ ਐਂਵੇਂ ਕੀਤੇ ਤੂੰ ਜਾਇਆ

ਸੋਚਿਆ ਘਰ ਦੇ ਕੰਮ ਹੱਥ ਉਸ ਦਾ ਵਟਾਈਏ 

ਕਪੜੇ ਧੋਹ ਭਾਂਡੇ ਮਾਂਜ ਪੋਚਾ ਲਾਈਏ

ਕਪੜੇ ਦਾਗ ਛੱਡਿਆ ਪਲੇਟ ਤੋੜੀ ਫਰਸ਼ ਰਹੀ ਗਿੱਲੀ

ਸ਼ਾਬਾਸ਼ ਚਾਹੀ ਡਾਂਟ ਉਸ ਤੋਂ ਮਿਲੀ

ਮੰਨ ਆਈ ਖਾਣਾ ਬਣਾ ਹੱਥ ਵਟਾਈਏ ਦੀਏ ਆਰਾਮ

ਰੋਟੀ ਸਾੜੀ ਦਾਲ ਥੱਲੇ ਲੱਗੀ ਖਲਾਰਾ ਸਾਂਭ ਹੋਈ ਪ੍ਰੇਸ਼ਾਨ 

ਹੱਥ ਲਾਇਆ ਪਿਆਰ ਨਾਲ ਕਹੇ ਤੂਹਾਨੂੰ ਪਿਆਰ ਦੀ ਨਾ ਥੋਹ 

ਵੇਖਣਗੇ ਬੱਚੇ ਕੀ ਰਹੂ ਸਾਡੀ ਕੀ ਸੋਚਣਗੇ ਉਹ

ਅੱਗੇ ਪਿੱਛੇ ਰਹਿ ਖ਼ਿਦਮਤ ਕੀਤੀ ਕੀਤਿਆਂ ਹੱਥ ਨਾਲ ਛਾਂਵਾਂ

ਕਹੇ ਪਜ਼ਾਮਾ ਨਹੀਂ ਮਰਦ ਬਣ ਦੱਸੋ ਕਿੱਥੇ ਮੈਂ ਜਾਂਵਾਂ

 ਕੀ ਕਰਾਂ ਉਸ ਲਈ ਕਿਵੇਂ ਹੈਵੇ ਉਹ ਖੁਸ਼ 

ਮੈਂਨੂੰ ਨਹੀਂ ਜਾਂਚ ਇਹੀਓ ਜਿੰਦ ਦਾ ਦੁੱਖ

ਕਿਸੇ ਗੁਰੂ ਦੱਸਿਆ ਖੁਸ਼ ਕਰਨ ਵਾਲਾ ਤੀਂਵੀਂ ਨੂੰ ਅੱਜੇ ਤੱਕ ਨਹੀਂ ਜਮਿਆਂ

ਸੱਚੇ ਅੰਤਰਜਾਮੀ ਸਾਧੂ ਦੇ ਬਚਨ ਮੈਂ ਮੰਨ ਮੰਨਿਆ

ਅਨਹੋਣੀ ਨਹੀਂ ਹੋਣੀ ਉਸ ਖੁਸ਼ ਨਹੀਂ ਹੋਣਾ

ਛੱਡ ਇਹ ਘਾਲ ਛੱਡ ਉਸ ਬਾਰੇ ਰੋਣਾ ਧੋਣਾ

ਖੁਸ਼ ਰਹਿ ਜਿਵੇਂ ਉਹ ਰੱਖੇ ਸਾਥ ਉਸ ਦਾ ਨਿਭਾਅ

ਜੀਣ ਦਾ ਸਕੂਨ ਮਿਲੂ ਆਏ ਜਿੰਦ ਦਾ ਮਜ਼ਾ 

ਸੋਚ ਇਹੀ ਰੱਖ ਖਿਆਲ ਨਹੀਂ ਇਹ ਮੰਦਾ

ਗ੍ਰਿਸਤ ਦਾ ਅਗਰ ਹੈ ਤਾਂ ਹੈ ਇਹ ਹੀ ਇੱਕ ਫੰਡਾ

ਚੰਗੇ ਨੰਬਰ ਜਿੰਦ ਦੇ ਇਮਤਿਹਾਨ ਨਹੀਂ ਮਿਲੂ ਅੰਡਾ