ਸੋਹਣਾ ਕੱਲ ਬੀਤਿਆ
ਸੋਹਣਾ ਕੱਲ ਬੀਤਿਆ ਅੱਜ ਵੀ ਸੋਹਣਾ ਕੱਲ ਵੀ ਸੋਹਣਾ ਹੋਣਾ
ਨੱਚਦੇ ਗੌਂਦੇ ਹੱਸਦੇ ਜਿੰਦ ਬੀਤੀ ਜੱਸੇ ਲਈ ਨਹੀਂ ਰੋਣਾ ਧੋਣਾ
ਰੋਣ ਉਹ ਜੋ ਕਿਸਮੱਤ ਵੱਲੋਂ ਨਰਾਸ਼
ਨਸੀਬ ਮੇਰੇ ਚੰਗੇ ਕਾਰਜ ਆਏ ਰਾਸ
ਕਈ ਖੇਲ ਖੇਲੇ
ਕਈ ਕੀਤੇ ਮੇਲੇ
ਕਈ ਬਾਰ ਹਾਰਿਆ ਹਾਰ ਕੇ ਜਿਤਿਆ
ਕਈ ਬਾਰ ਡਿੱਗਿਆ ਡਿੱਗ ਕੇ ਉੱਠਿਆ
ਕਈ ਬਾਰ ਮਾਯੂਸ ਬੈਠਾ ਉਦਾਸ
ਹਿੰਮਤ ਰੱਖੀ ਜਗਾ ਰੱਖੀ ਆਸ
ਅਯਾਸ਼ੀ ਕੀਤੀ ਲੋਕ ਕਹਿਣ ਕੀਤਾ ਪਾਪ
ਅਫਸੋਸ ਨਹੀਂ ਕੀਤੇ ਦਾ ਖੁਸ਼ ਮੈਂ ਆਪ ਨਾਲ ਆਪ
ਦੋਸਤਾਂ ਨੇ ਦੋਸਤੀ ਤੋੜ ਨਿਭਾਈ
ਖਾਮਿਆਂ ਭੁੱਲ ਵੇਖੀ ਮੇਰੀ ਚੰਗਿਆਈ
ਮਾੜੀ ਨਹੀਂ ਰਹੀ ਗ੍ਰਿਸਤ ਰਹੀ ਚੰਗੀ
ਪਿਆਰ ਮਿਲਿਆ ਮਿਲੀ ਹਰ ਚੀਜ਼ ਜੋ ਮਨੋ ਮੰਗੀ
ਐਨਾ ਕੁੱਛ ਪਾ ਕਿਓਂ ਐਂਵੇਂ ਮੈਂ ਰੋਵਾਂ
ਰੋਂਵਾਂ ਤਾਂ ਇਹਸਾਨ ਫਰਾਮੋਸ਼ ਹੋਵਾਂ
ਮੇਰਾ ਕੀਤਾ ਨਹੀਂ ਹੋਇਆ ਮੈਂ ਨਾ ਕੋਈ ਹਸਤੀ
ਸ਼ੁਕਰ ਉਸ ਦਾ ਜਿਸ ਜੂਨ ਜੱਸੇ ਨੂੰ ਬਖਸ਼ੀ
No comments:
Post a Comment