ਪਿਆਰ ਉੱਤਮ ਕਰਮ
ਜੱਗ ਵਿੱਚ ਹੈ ਬਹੁਤ ਭਰਿਆ ਭਰਮ
ਭਰਮ ਲੈ ਕੋਈ ਕਰੇ ਪੁੰਨ ਕੋਈ ਕਰੇ ਕਰਮ
ਭਰਮ ਪੈਸੇ ਨਾਲ ਖਵਾਇਸ਼ ਹੇਏ ਪੂਰੀ
ਇੱਕ ਹੋਈ ਪੂਰੀ ਦੂਜੀ ਜੰਮੀ ਰਹੀ ਅਧੂਰੀ
ਮਾਇਆ ਦੇ ਫ਼ਿਕਰ ਵਿੱਚ ਗਾਲਣ ਜਿੰਦ ਸਾਰੀ
ਘਾਲ ਕਰਦੇ ਮੁਕਦੇ ਜੀਣ ਦੀ ਆਏ ਨਾ ਵਾਰੀ
ਭਰਮ ਜੋਰੂ ਦਾ ਗੁਲਾਮ ਬਣ ਖੁਸ਼ ਹੋਏ ਸੁਹਾਣੀ
ਪੋਚਾ ਲਾਇਆ ਭਾਂਡੇ ਮਾਂਜੇ ਬਣੀ ਨਾ ਕਹਾਣੀ
ਰੱਬ ਤੀਂਵੀਂ ਨੂੰ ਖੁਸ਼ ਕਰ ਨਾ ਪਾਇਆ ਸੱਚ ਜਾਣੀ
ਤੂੰ ਕਿਸ ਖੇਤ ਦੀ ਮੂਲੀ ਤੂੰ ਇੱਕ ਬੇਵਕੂਫ਼ ਪ੍ਰਾਣੀ
ਭਰਮ ਪੂਜਾ ਪਾਠ ਦਾਨ ਦਖਸ਼ਣਾ ਨਾਲ ਮਿਲੇ ਭਗਵਾਨ
ਤਪੱਸਿਆ ਕਰਨ ਹਵਨ ਕਰੌਣ ਕਰਨ ਤੀਰਥ ਇਸ਼ਨਾਨ
ਮਿਲੂ ਰੱਬ ਮਰਨੋਂ ਬਾਦ ਰੱਖਣ ਝੂਠੀ ਆਸ
ਜੀਂਦੇ ਜੀ ਰੱਬ ਮਿਲੇ ਪਿਆਰ ਵਿੱਚ ਪਿਆਰ ਉਨ੍ਹਾਂ ਲਈ ਪਾਪ
ਪਿਆਰ ਕਰੋ ਰੱਬ ਪਾਓ ਕਰੋ ਦੂਰ ਭਰਮ
ਪਿਆਰ ਉੱਤਮ ਪੂਜਾ ਪਿਆਰ ਹੀ ਉੱਤਮ ਕਰਮ
No comments:
Post a Comment