ਨਰੜ ਨਹੀਂ ਜੋੜੀ
ਕਿਦਾਂ ਦੀ ਬਣਾਈ ਬਨੌਣ ਵਾਲੇ ਸਾਡੀ ਜੋੜੀ
ਦੋਨੋਂ ਸੁਚੱਜੇ ਨਾ ਕੋਈ ਅੰਨਾ ਨਾ ਕੋਈ ਕੋੜੀ
ਅੱਖਾਂ ਨੂੰ ਸਜੇ ਜੋੜੀ ਪਰ ਮੇਲ ਨਾ ਕੋਈ ਮਿਲਦੇ
ਵੱਡਾ ਮੁੱਦਾ ਨਹੀਂ ਛੋਟੇ ਮਸਲਿਆ ਤੇ ਰਹਿਏ ਲੜਦੇ
ਮੈਂ ਸਰਦੀ ਜਰ ਨਾ ਸਕਾਂ ਉਹ ਨਾ ਝੇਲੇ ਗਰਮਾਈ
ਉਸ ਨੂੰ ਸੌਣ ਲਈ ਪੱਖਾ ਚਾਹੀਦਾ ਮੈਂ ਚਾਹਾਂ ਰਜਾਈ
ਏਸੇ ਤੇ ਸਾਡੀ ਹੋਵੇ ਲੜਾਈ
ਪੈਸੇ ਵੱਲੋਂ ਮੈਂ ਲਾ-ਪਰਵਾਹ ਖ਼ਰਚਣ ਦਾ ਥੌਹ ਨਾ ਆਇਆ
ਕਿਲੱਤ ਰਹੀ ਉਮਰ ਭਰ ਜਮਾਂ ਨਾ ਹੋਈ ਸਰਮਾਇਆ
ਧੇਲੇ ਧੇਲੇ ਦਾ ਹਿਸਾਬ ਰੱਖੇ ਸੋਚ ਗ੍ਰਿਸਤੀ ਉਸ ਚਲਾਈ
ਜੋ ਪੂੰਜੀ ਜਿਸ ਬੰਗਲੇ ਦਾ ਮਾਣ ਕਰਾਂ ਸੱਭ ਉਸ ਦੀ ਕਮਾਈ
ਅਕਲ ਦੀ ਮੈਂਨੂੰ ਗੱਲ ਨਾ ਆਏ ਜਬਲਿਆਂ ਮੈਂ ਮਾਰਾਂ
ਚੌਂਹ ਵਿੱਚ ਬੈਠੇ ਸ਼ਰਮ ਉਹ ਖਾਏ ਝੱਲ ਜਦ ਮੈਂ ਖਿਲਾਰਾਂ
ਨਾਪ ਤੋਲ ਗਲ ਕਰੇ ਉੱਚੇ ਉਸ ਦੇ ਵਿਚਾਰ
ਦਾਨੀ ਸਾਨੀ ਲੋਕ ਮੰਨਣ ਮੈਂਨੂੰ ਮੰਨਣ ਗਵਾਰ
ਸੁਰ ਸਾਡੀ ਇਕ ਨਾ ਮਿਲੇ ਮੈਂ ਸ਼ੌਦਾਈ ਉਹ ਸਮਝਦਾਰ
ਏਨੇ ਵਰ੍ਹੇ ਨਿਭੀ ਸਾਡੀ ਇਹ ਵੀ ਇਕ ਚਮਤਕਾਰ
ਮਹਿਰ ਵਿੱਚ ਕੁੱਛ ਉਸ ਦੀ ਰਹੀ ਬਾਕੀ ਸਾਡਾ ਸੱਚਾ ਪਿਆਰ
ਨਰੜ ਨਹੀਂ ਸੋਚ ਬਣਾਈ ਕਿਸੇ ਇਹ ਜੋੜੀ
ਦੋਨੋਂ ਸੁਚੱਜੇ ਨਾ ਕੋਈ ਅੰਨਾ ਨਾ ਕੋਈ ਕੋੜੀ
No comments:
Post a Comment