ਦੇਖੀ ਜਾਊ ਤਦ
ਕੀ ਮੈਂ ਚੰਗਾ ਬੰਦਾ
ਜਾਂ ਮੈਂ ਬੰਦਾ ਗੰਦਾ
ਪਤਾ ਕਰਨ ਤੋਂ ਮੈਂ ਸੰਗਾਂ
ਖ਼ੁਸ਼ ਆਪ ਨਾਲ ਹੋਰ ਨਾ ਮੰਗਾਂ
ਦੂਜਿਆਂ ਦੇ ਦੁੱਖ ਦੀ ਨਾ ਮੈਂਨੂੰ ਦਰਦ
ਸੋਚਾਂ ਉਨ੍ਹਾਂ ਬਾਰੇ ਜਿੱਥੇ ਤੱਕ ਮੇਰੀ ਗਰਜ
ਪੈਸਾ ਲੋਚਾਂ ਮੈਂ ਬੇ-ਸ਼ਮਾਰ
ਠੱਗੀ ਠੋਰੀ ਮਾਰਨ ਨੂੰ ਮੈਂ ਤਿਆਰ
ਦੋਸਤ ਨੂੰ ਧੋਖਾ ਦੇਣ ਲਈ ਨਾ ਸੋਚਾਂ ਦੋਬਾਰਾ
ਐਸੇ ਵੇਲੇ ਬਾਂਹ ਛੱਡਾਂ ਜਦ ਉਹ ਬੇਚਾਰਾ
ਹਵਸ ਮੇਰੀ ਬਾਰੇ ਨਾ ਪੁੱਛੋ ਭਾਈ
ਫੁੱਲ ਵੇਖ ਅੱਖ ਉਸ ਤੇ ਆਈ
ਦਿਲ ਪਾਪਾਂ ਭਰਿਆ ਨਾਮ ਜਪਣ ਤੋਂ ਡਰਾਂ
ਪਰ ਡਰ ਕੇ ਮੱਥਾ ਟੇਕਾਂ ਗ੍ਰੰਥ ਪੜ੍ਹਾਂ
ਐਸੀ ਫ਼ਿਤਰਤ ਪਾ ਮੈਂ ਫਿਰ ਵੀ ਖ਼ੁਸ਼
ਪਾਪਾਂ ਦੀ ਸਜ਼ਾ ਨਾ ਮਿਲੀ ਪਾਇਆ ਨਾ ਦੁੱਖ
ਐਸ਼ ਕਰ ਹੱਸ ਕੇ ਖੁਸੀ਼ ਵਿੱਚ ਜਿੰਦ ਲਈ ਜੀ
ਦੇਖੀਂ ਜਾਊ ਤਦ ਜਦ ਚਿਤ੍ਗੁਪਤ ਪੁਛਿਆ ਕਰ ਆਇਆ ਕੀ
No comments:
Post a Comment