ਜੱਸਾ ਨਹੀਂ ਐਨਾ ਗਵਾਰ
ਪੈਰ ਸੁੱਖ ਨਾਲ ਮੇਰੇ ਵੱਡੇ ਮੈਂ ਮੰਨਾ ਮੈਂ ਗਵਾਰ
ਸਿਰ ਨਾ ਮੇਰਾ ਵੱਡਾ ਮੈਂ ਨਾ ਕੋਈ ਸਰਦਾਰ
ਢਿੱਡ ਵੀ ਮੇਰਾ ਛੋਟਾ ਮੈਂ ਨਾ ਕੋਈ ਸ਼ਾਹੂਕਾਰ
ਅਕਲ ਅੱਧੀ ਮੇਰੀ ਕੋਈ ਨਾ ਮੈਂ ਸਮਝਦਾਰ
ਕੰਮ ਕਿਸੇ ਦਾ ਥੌਹ ਨਹੀਂ ਮੈਂ ਨਾ ਕੋਈ ਕਲਾਕਾਰ
ਦੁਨੀਆਂਦਾਰੀ ਤੋਂ ਦੂਰ ਰਿਹਾ ਸਾਂਭਿਆ ਨਾ ਗ੍ਰਿਸਤ ਦਾ ਭਾਰ
ਬੀਵੀ ਨੂੰ ਖੁਸ਼ ਨਾ ਕਰ ਪਾਇਆ ਬੀਵੀ ਰਹੀ ਨਾਰਾਜ਼
ਮੈਂ ਸਮਝਾਂ ਆਪ ਨੂੰ ਉੱਕਾ ਗਵਾਰ
ਪਰ
ਭੈੜ ਬੰਦੇ ਦੀ ਮੈਂ ਨਾ ਵੇਖਾਂ ਚੰਗਾ ਮੈਨੂ ਲਗੇ ਸਾਰਾ ਸੰਸਾਰ
ਰੌਣਕੀ ਮੈਂ ਬੰਦਾ ਮਹਿਫਲੀਂ ਲੈ ਆਵਾਂ ਹਾਸੇ ਦੀ ਬਹਾਰ
ਮਤਲਵੀ ਮੈਂ ਨਾ ਕੋਈ ਮੈਂ ਯਾਰਾਂ ਦਾ ਯਾਰ
ਅੱਧ ਵਾਟ ਬਾਂਹ ਨਾ ਛੱਡਾਂ ਤੋੜ ਨਿਭਾਵਾਂ ਪਿਆਰ
ਸੁਹੇਲੀ ਇੱਜ਼ਤ ਦੀ ਜੀਵਨੀ ਜੀਤੀ ਪਾਇਆ ਜਨਮ ਦਾ ਸਾਰ
ਆਮ ਸਧਾਰਨ ਜਨ ਹੈ ਜੱਸਾ ਜੱਸਾ ਨਹੀਂ ਐਨਾ ਗਵਾਰ
No comments:
Post a Comment