ਆਪੇ ਨਾਲ ਮੈਂ ਖੁਸ਼ p 4

               ਆਪੇ ਨਾਲ ਮੈਂ ਖੁਸ਼

ਨਹੀਂ ਰਹੇ ਅਸੀਂ ਮਰਦ ਮਰਦਾਨਾ 

ਖੱੜ ਨਹੀਂ ਆ ਗਿਆ ਬਹਿ ਸੂ ਸੂ ਕਰਨਾ 

ਆਵਾਜ਼ ਵਿੱਚ ਨਹੀਂ ਰਿਹਾ ਦਮ 

ਸੁਣੇ ਨਾ ਕੋਈ ਨਾ ਦੇਵੇ ਕੋਈ ਕੰਨ

ਬਾਹਾਂ ਵੀ ਹੁਣ ਹੋ ਗਈਆਂ ਕਮਜ਼ੋਰ 

ਡੌਲੇ  ਵੀ ਢਿੱਲੇ ਨਹੀਂ ਰਿਹਾ ਉਹ ਜ਼ੋਰ 

ਲੱਤਾਂ ਹੰਭਿਆਂ ਮੱਠੀ ਮੇਰੀ ਤੋਰ 

ਥੋੜਾ ਚਲ ਸਕਾਂ ਭੱਜ ਸਕਾਂ ਨਾ ਹੋਰ 

ਕਾਨਾਫੂਸੀ ਹੋਵੇ ਨਾ ਸੁਣਨ ਨਾ ਹੌਲੇ ਬੋਲ 

ਹੱਥੀਂ ਇਸ਼ਾਰੇ ਕਰਾਂ ਕਹੋ ਜੋ ਕਹਿਣਾ ਆ ਕੇ ਕੋਲ 

ਅੱਖ ਵੀ ਹੁਣ ਗਈ ਧੁੰਧਲਾਏ

ਦੂਰੋਂ ਸੁੰਦਰੀ ਨਜ਼ਰ ਨਾ ਆਏ 

ਪਕਵਾਨ ਲਈ ਗਿਆ ਮੂੰਹ ਦਾ ਸਵਾਦ 

ਬੋੜਾ ਮੈਂ ਦੰਦ ਰਹਿ ਗਏ ਚਾਰ 

ਪਰ ਬਖ਼ਸ਼ ਉਸ ਦੀ ਦਿਮਾਗ ਤੇਜ਼ ਤਰਾਰ 

ਤਨ ਤੋਂ ਨਹੀਂ ਮਾੜਾ ਨਹੀਂ ਮੈ ਬਿਮਾਰ

ਬਿਰਧ ਉਮਰ ਰਾਸ ਆਈ ਨਹੀਂ ਕੋਈ ਦੁੱਖ 

ਸੋਹਣਾ ਰਿਹਾ ਸਫਰ ਆਪੇ ਨਾਲ ਮੈਂ ਖੁਸ਼ 

ਲ

ਰੁੱਸੀ ਨੂੰ ਕਿੰਝ ਮਨਾਵਾਂ p 4

              ਰੁੱਸੀ ਨੂੰ ਕਿੰਝ ਮਨਾਵਾਂ

ਜੱਗ ਰੁੱਸੇ ਨੂੰ ਮੈਂ ਘਾਹ ਨਾ ਪਾਂਵਾਂ

ਰੱਬ ਰੁੱਸੇ ਨੂੰ ਚੜਾਵਾ ਚੜ੍ਹਾਵਾਂ 

ਤੀਵੀਂ ਰੁੱਸੀ ਨੂੰ ਕਿੰਝ ਮਨਾਵਾਂ 

ਗਲਤੀ ਨਾ ਉਸ ਦੀ ਕੋਈ 

ਮੈਂ ਹੀ ਹਾਂ ਉਸ ਦਾ ਹਰਜਾਈ 

ਕਿਰਸ ਕਰ ਪਾਈ ਪਾਈ ਜੋੜ ਪੈਸਾ ਉਸ ਜੋੜਿਆ 

ਲਾਪਰਵਾਹੀ ਵਿੱਚ ਮੈਂ ਉਹ ਸਭ ਰੋੜ੍ਹਿਆ 

ਕਈ ਸਪਨੇ ਉਸ ਦੇ ਗਏ ਟੁੱਟ 

ਨੁਕਸਾਨ ਦਾ ਉਸ ਨੂੰ ਡਾਢਾ ਦੁੱਖ 

ਸਹੀ ਉਹ ਰੁੱਸੀ ਗੁੱਸਾ ਉਸ ਖਾਈ

ਮੈਂ ਹੀ ਹਾਂ ਉਸ ਦਾ ਹਰਜਾਈ 

ਰੁੱਸੀ ਤੀਵੀਂ ਨੂੰ ਕਿੰਝ ਮਨਾਵਾਂ 

ਰੁੱਸੀਆਂ ਖੁਸ਼ਿਆਂ ਕਿਵੇਂ ਮੁੜ ਲਿਆਵਾਂ 

ਪਹਿਲੀਆਂ ਵਿੱਚ ਗੁੱਸਾ ਉਸ ਦਾ ਦੋ ਦਿਨੀਂ ਜਾਂਦਾ ਸੀ ਲੱਥ

ਗਾਹੀਂ ਨਾ ਕਰੀਂ ਕਹਿ ਮਾਫ਼ ਕਰ ਸਿਰੇ ਫੇਰਦੀ ਸੀ ਹੱਥ 

ਇਸ ਬਾਰ ਮੇਰੀ ਗਲਤੀ ਸ਼ਾਇਦ ਉਸ ਦੀ ਬਰਦਾਸ਼ਤ ਤੋਂ ਬਾਹਰ 

ਹਫਤਾ ਹੋਇਆ ਨਹੀਂ ਬੋਲੀ ਮੇਰੀ ਮੂਰਖਤਾ ਬਖਸ਼ਣ ਲਈ ਨਹੀਂ ਤਿਆਰ 

ਉਹ ਰੁੱਸੇ ਮੇਰਾ ਦਮ ਘੁੱਟੇ

ਮਾਯੂਸ ਮੇਰੀ ਜਿੰਦ ਗਮੀ ਦਿਨ ਲੁੱਟੇ 

ਰੱਬ ਉਸ ਦੇ ਦਿਲ ਮਹਿਰ ਪਾਏ 

ਪਰਤਨ  ਚੰਗੇ ਸਮੇਂ ਮੂੰਹ ਮੁਸਕਾਨ ਆਏ 

ਰੁੱਸੀਆਂ ਖੁਸ਼ਿਆਂ ਕਿੰਝ ਮੁੜ ਲਿਆਵਾਂ 

ਰੁੱਸੀ ਤੀਵੀਂ ਨੂੰ ਕਿੰਝ ਮਨਾਵਾਂ 

        

ਹਾਸੇ ਵਾਲੀ ਸੁਣਾਓ p 4

                ਹਾਸੇ ਵਾਲੀ ਸੁਣਾਓ 

ਹਾਸੇ ਵਾਲੀ ਸੁਣਾ ਕੇ ਮੈਂਨੂੰ ਹਸਾਓ

ਦੁੱਖ ਭਰੀ ਸੁਣਾ ਨਾ ਮੈਂਨੂੰ ਰੋਲਾਓ

ਦੁਖੀ ਦੁਨਿਆ ਵੇਖ ਕਹਾਂ ਮੈਂ ਦੁੱਖ ਪਾਂਵਾਂ 

ਦੁਖੀਆਂ ਲਈ ਮਗਰਮੱਛ ਹੰਝੂ ਬਹਾਂਵਾਂ 

ਉਸ ਦੁੱਖ ਦੁਖੀ ਨੂੰ ਦਿੱਤੇ ਮੇਰਾ ਗਿਆਨ ਕਹੇ 

ਪਾਪ ਦੁਖੀ ਸ਼ਾਇਦ ਕਦੀ ਕੀਤੇ ਹੁਣ ਦੁੱਖ ਸਹੇ 

ਲਿਖੇ ਜਿਸ ਲੇਖ ਦੁਖੀ ਦੇ ਨਾਲ ਦੁਖੀ ਨੂੰ ਜੁੰਮੇਵਾਰ  ਠਹਰਾਂਵਾਂ

ਦੁਖੀ ਲਈ ਨਾ ਕਰਾਂ ਕੁੱਛ ਦੋਸ਼ ਦੋਨਾਂ ਤੇ ਧਰ ਬਰੀ ਹੋ ਜਾਂਵਾਂ 

ਸੋ ਦੁੱਖ ਭਰੀ ਮੈਨੂੰ ਸੁਣਾ ਨਾ ਰੋਲਾਓ

ਹਾਸੇ ਵਾਲੀ ਸੁਣਾ ਮੈਂਨੂੰ ਹਸਾਓ 

ਪੱਲ ਜੋ ਹਸ ਕੇ ਕੋਈ ਜਨ ਗੁਜ਼ਾਰੇ 

ਉਹੀ ਜੀਏ ਬਾਕੀ ਸਭ ਬੇਅਰਥ ਸਾਰੇ 

ਹਸੇ ਉਹੀ ਜਿਸ ਜਿੰਦ ਸੁੱਖ ਪਾਇਆ 

ਰੋਣ ਜਿਨ੍ਹਾਂ ਮਾੜੀ ਕਿਸਮਤ ਸਤਾਇਆ 

ਚੌਰਾਸੀ ਬਾਦ ਮਿਲੀ ਦੁਰਲੱਭ ਦੇਹ ਦਾ ਲਵੋ ਮਜ਼ਾ 

ਹਸਣ ਖੇਲਣ ਦੀ ਨਹੀਂ  ਮਿਲੂ ਦਰਗਾਹੇ  ਸਜਾ 

ਨੱਚਦੇ ਗਉਂਦੇ ਹਸ ਹਸ ਜੋ ਜਿੰਦ ਦਾ ਖੇਲ ਖੇਲੇ 

ਖ਼ੁਸ਼ੀ ਉਸ ਦਾ ਜਹਾਨ ਬਸੇ ਹਰ ਦਿਨ ਉਸ ਦੇ ਮੇਲੇ 

ਸੋ ਦੁੱਖ ਭਰੀ ਸੁਣਾ ਮੈਂਨੂੰ ਨਾ ਰੋਲਾਉ 

ਹਾਸੇ ਵਾਲੀ ਸੁਣਾ ਮੈਨੂ ਹਸਾਓ 

ਹੱਥ ਫੱੜ ਸਾਥ ਚਲੇਂ p 4

            ਹਥ ਫੱੜ ਸਾਥ ਚਲੇਂ 

ਕਿਸਮਤ ਬਦਲੀ ਮੇਰੀ ਚੰਗੇ ਆਏ ਦਿਨ ਮੇਰੇ 

ਵਡਭਾਗੀ ਭਰਿਆ ਦਿਨ ਸੀ ਲਏ ਤੇਰੇ ਨਾਲ ਚਾਰ ਫੇਰੇ 

ਆਪ ਦੀ ਕੋਈ ਸਾਰ ਨਾ ਰਹੀ ਗੀਤ ਗਾਂਵਾਂ ਸਿਰਫ ਤੇਰੇ 

ਸ਼ਾਮ ਵੀ ਤੇਰੀਂ ਸੋਚੀਂ ਡੁੱਬੇ ਤੇਰੀਂ ਸੋਚੀਂ ਚੜ੍ਹਨ ਸਵੇਰੇ 

ਦਿਨ ਬੀਤਣ ਤੇਰੇ ਨਾਲ ਰਾਤ ਤੇਰੇ ਸਪਨਿਆਂ ਵਿੱਚ ਜਾਏ ਲੰਘ 

ਸਵਰਗ ਦੀ ਖੁਸ਼ੀ ਉਹ ਪੱਲ ਦੇਵੇ  ਜੋ ਪੱਲ ਤੂੰ ਮੇਰੇ ਸੰਘ 

ਬਾਰ ਬਾਰ ਮੇਰੀ ਮੂਰਖਤਾ ਸਹੇਂ ਦਿਖਾਕੇ ਪਹਾੜ ਜੋਕਾ ਜੇਰਾ 

ਬਖ਼ਸ਼ ਦੇਵੇਂ ਮੇਰੀ ਹਰ ਗਲਤੀ ਪਿਆਰ ਨਾ ਘਟੇ ਤੇਰਾ 

ਕਦ ਤਕ ਜਰੇਂਗੀ ਇਸ ਮੁਘਧ ਨੂੰ ਛੱਡ ਨਾ ਜਾਏਂ ਫ਼ਿਕਰ ਖਾਏ ਮੈਂਨੂੰ 

ਬਿਨ ਤੇਰੇ ਰਹਿ ਨਾ ਪਾਵਾਂਗਾ ਕੇਹੜੀ ਲਫ਼ਜ਼ੀ ਦੱਸਾਂ ਮੈਂ  ਤੈਂਨੂੰ 

ਕੰਨ ਫੱੜ ਮਾਫੀ ਮੰਗ਼ਾਂ ਹੱਥ ਜੋੜ ਰੱਬ ਅਗੇ ਕਰਾਂ ਅਰਦਾਸ 

ਹਥ ਫੱੜ ਸਾਥ ਚਲੇਂ ਜਦ ਤਕ ਦੇਹ ਵਿਚ ਮੇਰੇ ਸਾਸ 

ਉਹ ਵੀ ਦਿਨ ਵੇਖੇ ਇਹ ਵੀ ਸਹਿਣੇ ਪੈਣੇ p 4

              ਉਹ ਵੀ ਦਿਨ ਵੇਖੇ ਇਹ ਵੀ ਸਹਿਣੇ ਪੈਣੇ 

ਉਹ ਦਿਨ ਵੀ ਅਸੀਂ ਵੇਖੇ ਸੀ 

ਸਿਰਫ ਉਹ ਹੀ ਖੁਸ਼ੀ ਵਾਲੇ ਸਾਡੇ ਲੇਖੇ ਸੀ 

ਐ ਜੀ ਕਹਿ ਉਹ ਸਾਨੂੰ ਬਲੌਂਦੀ  ਸੀ 

ਭੱਤਾ ਪਰੋਸ ਸਾਨੂੰ ਖਲੌਂਦੀ ਸੀ 

ਹੱਸਦੀ ਨਾਲ ਨਾਲ ਮੁਸਕਰੌਂਦੀ ਸੀ 

ਕਦਰ ਕਰ ਪੈਰੀਂ ਹੱਥ ਲੌਂਦੀ ਸੀ

ਗਹਿਰੀ ਅੱਖ ਵੇਖ ਡਰਦੀ ਸੀ 

ਗੜਕ ਸਾਡੀ ਜਰਦੀ ਸੀ 

ਫਿਰ ਵੀ ਪਿਆਰ ਸਾਨੂੰ ਕਰਦੀ ਸੀ 

ਮੂਆਂ ਕਿੱਥੇ ਗਿਆ ਮਰ ਅੱਜ ਸੁਣਨਾ ਪੈਂਦਾ 

ਕੜਛੀ ਫੱੜ ਦਾਲ ਨਾਲ ਕੌਲ ਗਲਾਸ ਪਾਣੀ ਦਾ ਆਪ ਭਰਨਾ ਪੈਂਦਾ

ਮੱਥੇ ਤੀੜੀਆਂ ਅੱਖ ਗੁੱਸੇ ਵਿੱਚ ਲਾਲ 

ਵੇਖ ਸਾਹ ਸੁੱਕੇ ਹੋਵਾਂ ਹਾਲੋਂ ਬੇਹਾਲ 

ਦੁਨੀਆਂ ਦਾ ਸਭ ਤੋਂ ਵੱਡਾ ਮੂਰਖ ਸਮਝੇ ਮੈਂਨੂੰ 

ਕਹੇ ਨਕਮਾ ਨਾ ਕੰਮ ਨਾ ਕਹਿਣ ਦਾ ਥੌਹ ਤੈਨੂੰ 

ਅਜਕਲ ਗੁਲਾਮ ਬਣ ਰਹਿਣਾ ਪੈਂਦਾ 

ਹੁਕਮ ਮੰਨਣਾ ਰੌਬ ਸਹਿਣਾ ਪੈਂਦਾ 

ਰੱਬ ਜਾਣੇ ਫਿਰ ਵੀ ਲੱਗੇ ਪਿਆਰੀ 

ਅਲੱੜ ਅਨਾੜੀ ਦੀ ਜਿੰਦ ਉਸ ਸੰਵਾਰੀ 

ਛੋਕਰ  ਸ਼ੁਕਰ ਕਰੇ ਰੱਬ ਦਾ  ਸਦਾ ਉਸ ਦਾ ਅਭਾਰੀ 

ਸ਼ਰੀਰ ਸਬਰ ਤਪ ਪਕਾਇਆ

          ਸ਼ਰੀਰ ਸਬਰ ਤਪ ਪਕਾਇਆ

ਮਿੱਟੀ ਦਾ ਮਿਲਿਆ ਸ਼ਰੀਰ ਅਸੀਂ ਸਬਰ ਦੀ ਤਪ ਪਕਾਇਆ

ਦੁੱਖ ਜੋ ਮਿਲਿਆ ਭੁੱਲੇ ਦਿੱਤੇ ਸੁੱਖ ਦਾ ਮਜ਼ਾ ਉਠਾਇਆ

ਸਪਨੇ ਜੋ ਟੁੱਟੇ ਸ਼ੋਖ਼ ਨਹੀਂ ਕੀਤਾ

ਜੋ ਸਾਕਾਰ ਹੋਏ ਉਹਨੇ ਮੱਥੇ ਲੀਤਾ

ਦਿਲ ਤੇ ਵਾਰ ਕਿੱਸੇ ਕੀਤੇ ਠੰਢੀਆਂ ਸਾਹੀਂ ਜ਼ਖ਼ਮ ਸਹਿੰਦੇ ਰਹੇ 

ਮੂੰਹੋਂ ਬਦ ਦੁਆ ਕੋਈ ਨਾ ਨਿਕਲੀ ਖ਼ੁਸ਼ ਰਹਿਣ ਅਸੀਂ ਕਹਿੰਦੇ ਰਹੇ

ਇਮਾਨਦਾਰੀ ਦੀ ਕਿਰਤ ਦਾ ਖਾਇਆ ਹਰਾਮ ਦੀ ਨਹੀਂ ਚਾਹੀ ਸਰਮਾਇਆ

ਥੋੜੇ ਵਿੱਚ ਗੁਜ਼ਾਰਿਆ ਜੀਵਨ ਬਹੁਤੇ ਲਈ ਨਹੀਂ ਮਨ ਲੱਲਚਾਇਆ

ਸ਼ਕਾਇਅਤ ਕੀ ਰੱਖਾਂ ਦੇਵਣਹਾਰ ਦਾਤਾਰ ਅੱਗੇ ਫੇਰਾ ਉਸ ਸੋਹਣਾ ਲੰਘਾਇਆ

ਦੁੱਖ ਜੋ ਮਿਲਿਆ ਭੁੱਲੇ ਦਿੱਤੇ ਸੁੱਖ ਦਾ ਮਜ਼ਾ ਉਠਾਇਆ

ਮਿੱਟੀ ਦਾ ਸ਼ਰੀਰ ਮਿਲਿਆ ਅਸੀਂ ਸਬਰ ਦੀ ਤਪ ਪਕਾਇਆ

ਚੱਲ ਬਲੀਏ ਉੱਥੇ ਚਲੀਏ p4

          ਚੱਲ ਬਲੀਏ ਉੱਥੇ ਚਲੀਏ

ਦਿੱਲ ਕਹੇ 

ਬਿਨ ਕਹੇ ਨਾ ਰਹੇ 

ਚੱਲ ਬਲੀਏ

ਉੱਥੇ ਚਲੀਏ 

ਇਕ ਨੂੰ ਜਿੱਥੇ ਦੂਜਾ ਵੀ ਪਿਆਰਾ 

ਪਿਆਰ ਵਿਚ ਸਾਰਾ ਭਾਈਚਾਰਾ 

ਸੱਚੇ ਜਿੱਥੇ ਦਿੱਲ ਝੂਠ ਦਾ ਨਾ ਨਾਮੋ ਨਿਸ਼ਾਨ 

ਹੈਵਾਨੀਅਤ ਤੋਂ ਦੂਰ ਦਿਖਣ ਭਲੇ ਇਨਸਾਨ 

ਬਿਮਾਰੀ ਭੁੱਖ ਨਾ ਕੋਈ ਖੁਸ਼ੀ ਜਿੱਥੇ ਭਰਭੂਰ 

 ਰੱਬ ਵੀ ਨਜ਼ਰੇ ਨੇੜੇ ਉਹ ਹਾਦਰਾ ਹਜ਼ੂਰ 

 ਦਿਮਾਗ ਕਹੇ 

ਕਹਿੰਦਾ ਰਹੇ

ਇਹ ਤੇਰੀ ਕਲਪਨਾ ਸਾਰੀ ਐਸੀ ਦੁਨੀਆਂ ਨਾ ਕੋਈ 

ਕਿਓਂ ਉਸ ਬਣਾਈ ਜੋ ਬਣਾਈ ਜਾਣੇ ਆਪੇ ਸੋਹੀ 

ਪਿਆਰ ਨਾਲ ਨਫ਼ਰਤ ਬਣਾਈ ਭਾਈਆਂ ਵਿਚ ਤਕਰਾਰ 

ਇੰਸਾਨ ਬਣਾਇਆ  ਸ਼ੈਤਾਨ ਬਣਾਇਆ ਕਈ ਬਣਾਏ ਵਿਚਘਾਰ

ਦੁੱਖ ਨਾਲ ਸੁੱਖ ਦਿਤਾ ਤੰਦਰੁਸਤੀ ਨਾਲ ਬਿਮਾਰੀ 

ਦੁਸ਼ਮਣ ਵੀ ਉਪਾਏ ਨਾਲ ਬਣਾਈ ਯਾਰੀ 

ਇਕ ਪਹਿਲੂ ਜਿੰਦਗੀ ਦਾ ਉਸ ਪਾਸੇ ਦੁੱਖ

ਦੂਜਾ ਪਹਿਲੂ ਉਸੀ ਜਿੰਦ ਦਾ ਮਾਣੇ ਸਾਰੇ ਸੁੱਖ 

ਦੋਨੋ ਪਹਿਲੂ ਸਰ ਮੱਥੇ ਲਾ ਭਾਣੇ ਵਿਚ ਹੈ ਰਹਿਣਾ 

ਮਿਲੂ ਤੈਨੂੰ ਜੋ ਕਰਮ ਤੇਰੇ ਜੱਸ ਦਾ ਸੱਚਾ ਕਹਿਣਾ 

s1 p4

  ਅਭਿਮਾਨੀ ਮਹਾਂ ਕਵੀ ਸਮਝ ਆਪ ਨੂੰ ਅਸੀਂ ਅਪਣਿਆਂ ਉਨ੍ਹੇਂ ਸੁਣਾਉਂਦੇ ਰਹੇ 

ਅਣਜਾਣ ਅਸੀਂ ਖ਼ੁਦ ਉੱਚ ਦੇ ਲੇਖਕ ਉਹ ਅਸੀਂ ਸੂਰਜ ਨੂੰ ਦੀਵਾ ਵਿਖਾਉਂਦੇ ਰਹੇ 

,,,,

ਖੁਸ਼ੀ ਵਿੱਚ ਜੀ ਰਹੇ ਸਵਰਗ ਗਿਆ ਇੱਥੇ ਮਿਲ

ਨਜ਼ਾਰੇ ਵੇਖ ਦੁਨੀਆਂ ਦੇ ਅੱਜੇ ਵੀ ਧੱੜਕੇ ਦਿਲ 

,,,,

ਮਰਾ ਨਾ ਭਰਾ ਨਹੀਂ ਜਿੰਦ ਦਾ ਮਜ਼ਾ ਲੈਣਾ ਹੈ ਬਾਕੀ 

ਬੁੱਢਾ ਨਹੀਂ ਥੱਕਾ  ਨਹੀਂ ਜਵਾਨੀ ਦਾ ਜੋਸ਼ ਹੈ ਬਾਕੀ 

ਛੋਟੀ ਮੇਰੀ ਹਸਤੀ p4

  ਛੋਟੀ  ਮੇਰੀ ਹਸਤੀ 

ਛੋਟੀ ਮੇਰੀ ਹਸਤੀ ਛੋਟਿਆਂ ਗੱਲੀਂ ਖ਼ੁਸ਼ੀ ਮੈਂ ਪਾਂਵਾਂ

ਆਪਣੇ ਛੋਟੇ ਕੰਮ ਦੇਖ ਫੁੱਲਾ ਨਾ ਸਮਾਂਵਾਂ

ਖਾਜ ਆਏ ਪਿੱਠ ਤੇ ਹੱਥ ਪਹੁੰਚ ਨਾ ਪਾਏ

ਕੜਛੀ ਦੀ ਡੰਡੀ ਫੜ ਖੁਰਕ ਕਰਾਂ ਮਜ਼ਾ ਆਏ

ਧਾਗਾ ਜੋ ਕਿਤਾਬ ਜੋੜੇ ਧਾਗਾ ਉਹ ਟੁੱਟਿਆ

ਵਰਕਾ ਵਰਕਾ ਕਿਤਾਬ ਦਾ ਬਿਖ਼ਿਰਿਆ

ਸੂਈ ਧਾਗਾ ਲੈ ਉਹ ਕਿਤਾਬ ਮੈਂ ਸੀਤੀ 

ਖ਼ੁਸ਼ ਹੋਇਆ ਸਮਝਾਂ ਕਰਾਮਾਤ ਮੈਂ ਕੀਤੀ 

ਲਿਬਿੜਿਆ ਮੇਰਾ ਕੁੜਤਾ ਸਾਬਣ ਲੈ ਧੋਇਆ 

ਥਾਪੀ ਨਾਲ ਕੁੱਟ ਨਿਖ਼ਾਰਿਆ ਖ਼ੁਸ਼ ਮੈਂ ਹੋਇਆ 

ਸਾਇਕਲ ਹੋਇਆ ਪੰਚਰ ਰੇੜ ਘਰ ਲੈ ਆਇਆ

ਟਾਇਰ ਖ਼ੋਲ ਟਯੂਬ ਨੂੰ ਪੰਚਰ ਆਪ ਲਾਇਆ

ਮਾਹਰ ਸਮਝਾਂ ਵਿਸ਼ਵਕਰਮਾ ਦਾ ਸ਼ਗਿਰਦ ਕਹਿਲਾਇਆ

ਇਹੋ ਜਿਕੇ ਕੰਮ ਕਰ ਮੰਨਾ ਆਪ ਨੂੰ ਹੁਸ਼ਿਆਰ

ਛੋਟੀ ਮੇਰੀ ਔਕਾਤ ਵੱਡੇ ਕੰਮ ਮੇਰੀ ਔਕਾਤੋਂ ਬਾਹਰ 

ਸੁਣਿਆ ਜੋ ਖ਼ੁਸ਼ ਜੀਵੇ ਖ਼ੁਸ਼ਕਿਸਮਤ ਉਹ ਇੰਸਾਨ 

ਛੋਟੇ ਕੰਮੀਂ ਖ਼ੁਸ਼ ਮੈਂ ਰਾਸ ਆਈ ਜਿੰਦ ਸੱਚ ਯਾਰ ਜਾਣ 

ਛੋਟੀ ਮੇਰੀ ਹਸਤੀ ਛੋਟੀਂ ਗੱਲੀਂ ਮੈਂ ਖ਼ੁਸ਼ੀ ਪਾਂਵਾਂ

ਆਪਣੇ ਛੋਟੇ ਜਿਕੇ ਕੰਮ ਦੇਖ ਫੁੱਲਾ ਨਾ ਸਮਾਂਵਾਂ

ਸਿਮਰਨ ਵਿੱਚ ਸੁੱਖ p4

          ਸਿਮਰਨ ਵਿੱਚ ਸੁੱਖ

ਬੁੜਬੁੜੇ ਤੋਂ ਨਾਜ਼ੁਕ ਬੰਦਿਆ ਤੇਰੀ ਤੇਰੇ ਵਿੱਚ ਜਾਨ

ਕਰਨਵੀਰ ਆਪ ਨੂੰ ਸਮਝੇਂ ਸਮਝੇਂ ਆਪ ਨੂੰ ਬਲਵਾਨ

ਸ਼ੌਰਤ ਨੂੰ ਜੱਗ ਵਿੱਚ ਲੋਚੇਂ ਮਨ ਭਰਿਆ ਅਭਿਮਾਨ

ਪਸੀਨਾ ਬਹਾਂਏਂ ਧੰਨ ਦੌਲਤ ਲਈ ਕਰੇਂ ਨਾ ਆਰਾਮ

ਇੱਕ ਵੀ ਇੰਦਰੀ ਵੱਸ ਨਾ ਕੀਤੀ ਹਾਵੀ ਤੇਰਾ ਤੇਰੇ ਤੇ ਕਾਮ

ਸੱਚੇ ਦਾ ਸੱਚ ਪਹਿਛਾਣਿਆ ਨਾ ਨਾ ਜਪਿਆ ਉਸ ਦਾ ਨਾਮ 

ਫਿਰ ਵੀ ਗਤਿ ਦੀ ਇੱਸ਼ਾ ਰੱਖੇਂ ਤੂੰ ਅੰਧਲਾ ਅਨਜਾਣ

ਸਿਰਫ਼ ਕਰਮ ਹੀ ਤੇਰੇ ਕੰਮ ਆਓਣੇ ਚੰਗੇ ਕਰਮ ਤੂੰ ਕਰ ਜਾ

ਧੀਰਜ ਧਰ ਬਹਿ ਪ੍ਰਵਾਨਗੀ ਹੋਊ ਤੇਰੇ ਕਰਮਾਂ ਦੀ ਉੱਚੇ ਦਰਗਾਹ 

ਦਿਲ ਸੋਧ ਸੋਚ ਸੁਧਾਰ ਸਰ ਰੱਖ ਉਸ ਦੇ ਦਵਾਰ

ਸਰਬ ਸਮਾਈਆਂ ਵੇਖ ਕਰ ਕਰ ਹਰ ਜਨ ਨੂੰ ਪਿਆਰ

ਉਹ ਨਿਰਵੈਰ ਬਖ਼ਸ਼ੰਦ ਪਾਪ ਧੋਊ ਮੰਗ ਉਸ ਤੋਂ ਖ਼ੈਰ

ਜੱਸਾ ਇਹ ਸਭ ਕਰ ਨਾ ਸਕਿਆ ਐਂਵੇਂ ਜੂਨ ਗਵਾਈ

ਬੁਢਾਪਾ ਚੱੜਿਆ ਜੱਸਾ ਰੋਵੇ ਦੇਵੇ ਸਭ ਨੂੰ ਦੁਹਾਈ

ਬਾਂਛੋ ਨਾ ਧੰਨ ਨਾ  ਸ਼ੌਰਤ ਸਿਮਰਨ ਕਰ ਸੁੱਖ ਪਾਓ ਭਾਈ

ਸ਼ੁਕਰ ਜੋ ਸਹਾਈ p4

               ਸ਼ੁਕਰ ਜੋ ਸਹਾਈ

 ਤੰਨ ਤੰਦਰੁਸਤ ਮਨ ਦਰੁਸਤ 

ਹੋਰ ਨਹੀਂ ਕੋਈ ਵੱਡਾ ਸੁੱਖ

ਬਾਗ ਮਿਲਖ ਹਾਥੀ ਸਵਾਰੀ 

ਸੋਨਾ ਚਾਂਦੀ ਹੈ ਮਾਇਆ ਸਾਰੀ 

ਚੱਲਣਹਾਰ ਅੱਜ ਤੇਰੀ ਕੱਲ ਹੋਰ ਦੀ ਬਾਰੀ 

ਸ਼ਾਨੋ ਸ਼ੌਕਤ ਜਗ ਵਡਿਆਈ 

ਜਗ ਦਿੱਤੀ ਨਹੀਂ ਤੇਰੀ ਇਹ ਪਰਾਈ

ਇੱਕ ਗਲਤੀ ਸੱਭ ਛਾਰ ਹੋ ਜਾਈ

ਤਜਿ ਇਨ੍ਹਾਂ ਨੂੰ ਇਹ ਮਾਇਆ ਜੰਜਾਲ 

ਅਰਦਾਸ ਤੰਦਰੁਸਤੀ ਦੇ ਬਾਕੀ ਅਸੀਂ ਲਵਾਂਗੇ ਸੰਭਾਲ 

ਦੇਣੀ ਕੋਈ ਬਿਮਾਰੀ ਛੋਟੀ ਦੇ ਜੋ ਸਹਿ ਸਕੀਏ

ਵੱਡੀ ਨਾ ਦੇ ਸਹਾਰਾ ਕਿਸੇ ਦਾ ਤੱਕੀਏ

ਮੇਰੀ ਤਾਂ ਸੁਣਨੇਵਾਲੇ ਕੀਤੀ ਸੁਣਾਈ

ਤੰਦਰੁਸਤ ਮੈਂ ਵੱਡਾ ਦੁੱਖ ਨਾ ਭਾਈ

ਖ਼ੁਸ਼ ਮੈਂ ਜੀਵਾਂ ਖੁਸ਼ੀ ਜੂਨ ਬਿਤਾਈ

ਸ਼ੁਕਰ ਕਰਾਂ ਉਸ ਦਾ ਜੋ ਹੋਇਆ ਸਹਾਈ

ਭੁੰਜੇ ਸੁਟ ਕੁਟਿੱਆ p4

           ਭੁੰਜੇ ਸੁੱਟ ਕੁਟਿੱਆ

ਮਾਰ ਗਲੱਫਾ ਭੁੰਜੇ ਮੈਨੂੰ ਸੁਟਿਆ 

ਭੇਂ ਛਿੱਤਰ ਊਸ ਮੈਨੂੰ ਕੁਟਿੱਆ

ਦਾੜਾ ਖਿਚਿੱਆ ਬੋਦਾ ਪੁਟਿੱਆ

ਜਾਨ ਬਚਾ ਨਸਿਆ ਮਸੀਂ ਛੁਟਿੱਆ

ਗਲਤੀ ਨਾ ਸੀ ਕੋਈ ਮੇਰੀ ਭਾਰੀ 

ਕਹਿ ਬੈਠਾ ਤੂੰ ਸੱਭ ਤੋਂ ਪਿਆਰੀ 

ਬਾਕੀ ਕੌਣ ਪੁੱਛ ਹੋਈ ਆਪੋਂ ਬਾਹਰੀ

ਜਾਦਾ ਕੀਤੀ ਉਸ ਮੇਰੀ ਖੁਆਰੀ 

ਭਰ ਕਲਾਵਾ ਭੁੰਜੇ ਮੈਨੂੰ ਸੁਟਿੱਆ

ਸਹੇਲੀ ਉਸ ਦੀ ਘਰ ਇੱਕ ਦਿਨ ਆਈ

ਲੱਤਾਂ ਨੰਗਿਆਂ ਛੋਟੀ ਨਿੱਕਰ ਪਾਈ

ਸੋਹਣੀ ਸ਼ਹ ਦਿਲ ਨ੍ਹੰ ਕੁਦਰਤੀ ਭਾਈ

ਦੱਸੋ ਕੀ ਮੈਂ ਕਿੱਥੋਂ ਹਰਜਾਈ

ਨਜ਼ਰ ਮੇਰੀ ਵੇਖ ਉਸ ਗੁੱਸਾ ਖਾਈ

ਮਾਰ ਗਲੱਫਾ ਭੁੰਜੇ ਮੈਨੂੰ ਸੁਟਿੱਆ

ਭੇਂ ਛਿਤੱਰ ਉਸ ਮੈਨੂੰ ਕੁਟਿੱਆ

ਦਾੜਾ ਖਿਚਿੱਆ ਬੋਦਾ ਪੁਟਿੱਆ

ਜਾਨ ਬਚਾ ਨਸਿਆ ਮਸੀਂ ਛੁਟਿੱਆ

ਪਰ…… p4

         ਪਰ……,..

ਸਮਝਾਂ ਆਪ ਨ੍ਹੰ ਬੰਦਾ ਚੰਗਾ

ਖੈਰ ਮੰਗਾਂ ਸਭ ਦਾ ਭਲਾ ਮੰਗਾਂ

ਪਰ….

ਜਦ ਭੁੱਖੇ ਢਿੱਡ ਤੋਂ ਸਤ ਸਹਿ ਨਾ ਪਾਂਵਾਂ

 ਆਪਣੀ ਸੋਚਾਂ ਇੰਸਾਂਨੀਅਤ ਭੁੱਲ ਜਾਂਵਾਂ

ਭਿਖਾਰੀ ਮੂੰਹੋਂ ਖੋਹ ਮੈਂ ਰੋਟੀ ਖਾਂਵਾਂ

ਸਮਝਾਂ ਆਪ ਨੂੰ ਬੰਦਾ ਚੰਗਾ 

ਪਰ….. 

ਧੰਨ ਲਈ ਕਹਾਂ ਨਾ ਲੱਲਚਾਂਵਾਂ 

ਜੂਆ ਖੇਡਾਂ ਲਾਟਰੀ ਪਾਂਵਾਂ

ਠੱਗੀ ਮਾਰ ਪੈਸਾ ਕਮਾਂਵਾਂ

ਸਮਝਾਂ ਆਪ ਨੂੰ ਬੰਦਾ ਚੰਗਾ 

ਪਰ…,,

ਕਾਮ ਮੇਰਾ ਮੇਰੇ ਤੇ ਭਾਰੀ 

ਪਿਆਰੀ ਲੱਗੇ ਪਰਾਈ ਨਾਰੀ 

ਪਾਪ ਕਰਾਂ ਛੱਡ ਸ਼ਰਮ ਹਿਆ ਸਾਰੀ 

ਸਮਝਾਂ ਆਪ ਨੂੰ ਬੰਦਾ ਚੰਗਾ 

ਖੈਰ ਮੰਗਾਂ ਸੱਭ ਦਾ ਭਲਾ ਮੰਗਾਂ