ਮੀਂਹ ਵਾਟ ਲਗਵਾਈ
ਰੱਬ ਬੇਵਕਤ ਬਾਰਿਸ਼ ਅੱਜ ਪਾਈ
ਸ਼ਰਾਟੇ ਨੇ ਵਾਟ ਸਾਡੀ ਲਗਵਾਈ
ਸਾਬਣ ਘਿਸਾ ਥਾਪੀ ਮਾਰ ਸੁਹਾਣੀ ਕਪੜੇ ਧੋਏ
ਨਿੱਖਰੇ ਧੁੱਪੇ ਸੁੱਕਣੇ ਉਸ ਰਸੀ ਤੇ ਪਾਏ
ਤੇਜ਼ ਨਾਲ ਨੇਰੀ ਨਾ ਜਾਣੇ ਕਿੱਥੋਂ ਆਈ
ਬੜੀ ਜ਼ੋਰ ਨਾਲ ਰਸੀ ਉਸ ਹਿਲਾਈ
ਭਾਰ ਨਾ ਸਾਂਭ ਸਕੀ ਹੁਲਾਰਾ ਖਾ ਰਸੀ ਟੁੱਟੀ
ਭੁੰਝੇ ਗਿਰੇ ਕਪੜੇ ਘਿਸੜੇ ਧਰਤ ਤੇ ਲੱਗੀ ਉਨ੍ਹਾਂ ਨੂੰ ਮਿੱਟੀ
ਹੱਫ਼ਦੀ ਹੱਫ਼ਦੀ ਘਰਵਾਲੀ ਮੇਰੇ ਕੋਲ ਆਈ
ਖ਼ੂਬ ਉਸ ਮੈਂਨੂੰ ਖਰੀ ਖੱਟੀ ਸੁਣਾਈ
ਮੀਂਹ ਪਿਆ ਤੈਨੂੰ ਪਤਾ ਨਹੀਂ ਖੌਰੇ ਕਿਥੇ ਗਵਾਚਾ ਰਿਹਾ
ਕਪੜੇ ਭਿੱਜੇ ਮਿੱਟੀ ਲਿਬੜੇ ਮੇਰਾ ਕੀਤਾ ਘਾਲ ਬੇਅਰਥ ਗਿਆ
ਮੂਰਖ ਮੈਂ ਕਹਿ ਬੈਠਾ ਕਵਿਤਾ ਦਿਮਾਗ ਚ ਆਈ ਸੀ ਇਕ ਪਿਆਰੀ
ਸੋਚ ਵਿਚ ਡੁੱਬਾ ਸੀ ਮੀਂਹ ਤੋਂ ਬੇ -ਖ਼ਬਰ ਸੁਰਤ ਕਵਿਤਾ ਵਿਚ ਸਾਰੀ
ਗੁੱਸੇ ਵਿਚ ਆਈ ਦੁਰਗਾ ਰੂਪ ਧਾਰ ਉਸ ਸਜਾ ਮੈਨੂੰ ਸੁਣਾਈ
ਮੈਥੋਂ ਨਹੀਂ ਹੁੰਦੇ ਹੁਣ ਤੂੰ ਹੀ ਫਿਰ ਕਰੇਂਗਾ ਉਨ੍ਹਾਂ ਦੀ ਧੁਲਾਈ
ਇੰਝ ਰੱਬ ਦੇ ਮੀਂਹ ਨੇ ਵਾਟ ਸਾਡੀ ਲਗਵਾਈ
xxxx
No comments:
Post a Comment