ਜੋੜੀ ਬਣਾਈ ਰੱਖੇ
ਪਿਆਰੇ ਦਾ ਪਿਆਰਾ ਨਾਂ ਜਦ ਮਨ ਆਏ
ਰੂਹ ਖਿਲੇ ਦਿਲ ਧੱੜਕੇ ਬੁੱਲ ਮੁਸਕਾਏ
ਆਪ ਨੂੰ ਭੁੱਲ ਕੇ
ਉਨ੍ਹਾਂ ਵਿਚ ਘੁਲ ਕੇ
ਦੁਨੀਆਂ ਤੋਂ ਅਲੱਗ ਜਨਤ ਮੈਂ ਪਾਈ
ਦਿਨੇ ਉਸ ਦੇ ਸਪਨੇ ਰਾਤਾਂ ਜਾਗੇ
ਪਿਆਰ ਉਨ੍ਹਾਂ ਦਾ ਪਾਇਆ ਮੈਂ ਵਡਭਾਗੇ
ਜਿੰਦ ਸੰਵਰੀ ਜਦ ਸਾਡੀ ਜਿੰਦ ਵਿਚ ਆਈ
ਰੂਪ ਉਸ ਦੇ ਦਾ ਬਿਆਂ ਕਿੰਝ ਕਰਾਂ
ਬਲਿਹਾਰੀ ਉਸ ਤੋਂ ਉਸ ਤੇ ਮਰਾਂ
ਮੰਨਾ ਰੱਬ ਵੇਹਲੇ ਬਹਿ ਮੇਰੇ ਲਈ ਬਣਾਈ
ਉਹ ਮੇਰੀ ਸੱਭ ਕੁੱਛ ਉਹ ਮੇਰਾ ਜਹਾਨ
ਕੋਲ ਸੁੱਖ ਦੇ ਸਾਹ ਦੂਰ ਨਿਕਲੇ ਮੇਰੀ ਜਾਨ
ਸੰਘ ਸਾਥ ਰੱਖੇ ਹਮੇਸ਼ਾ ਰਬ ਦੇਵੇ ਨਾ ਜੁਦਾਈ
ਸੋਚੋਂ ਉਹ ਸਚਿਆਰੀ ਦਿਲ ਤੋਂ ਉਹ ਨਰਮ
ਮਿਲੀ ਉਹ ਮੈਨੂ ਕੀਤੇ ਕਿਤੇ ਚੰਗੇ ਮੈਂ ਕਰਮ
ਖ਼ੈਰ ਮੰਗਾਂ ਜੋੜੀ ਬਣਾਈ ਰੱਖੇ ਰੱਬ ਹੋ ਕੇ ਸਹਾਈ
No comments:
Post a Comment