ਕਿਹੜਾ ਬੰਦਾ ਚੰਗਾ
ਕਿਹੜਾ ਬੰਦਾ ਹੈ ਚੰਗਾ
ਕਿਹੜਾ ਹੈ ਮੰਦਾ ਬੰਦਾ
ਸ਼ਰਾਬੀ ਕਬਾਬੀ ਬੰਦਾ ਚੰਗਾ ਜੋ ਇਕ ਦੋ ਹਾੜੇ ਲਾਏ
ਮੰਦਾ ਉਹ ਸੂਫੀ ਬੰਦਾ ਧੋਖਾ ਦੇ ਦਿਲ ਤੁਹਾਡਾ ਦੁਖਾਏ
ਬੜਬੋਲਾ ਕੌੜਾ ਮੂਹੋਂ ਸੱਚ ਕਹੇ ਚੰਗਾ ਉਹ ਇੰਨਸਾਨ
ਮੂੰਹ ਤੇ ਮਿੱਠਾ ਪਿੱਠ ਪਿੱਛੇ ਚੁਗਲਖੋਰ ਉਸ ਮੰਦਾ ਜਾਣ
ਮਤਲਬੀ ਯਾਰ ਵਖ਼ਤ ਵੇਲੇ ਛੱਡ ਜਾਂਦੇ ਨਹੀਂ ਹੁੰਦੇ ਸਹਾਈ
ਬਚ ਉਨ੍ਹਾਂ ਸਖਸ਼ਾਂ ਤੋਂ ਧੋਖਾ ਨਾ ਖਾਈਂ ਮੇਰੇ ਭਾਈ
ਸੱਚਾ ਸਾਥੀ ਬੇਵਫਾਈ ਨਹੀਂ ਕਰਦਾ ਤੋੜ ਉਹ ਨਿਭਾਏ
ਆਂਚ ਨਾ ਆਉਣ ਦੇਵੇ ਪਿਆਰ ਨੂੰ ਚਾਹੇ ਜਾਨ ਉਸ ਦੀ ਜਾਏ
ਸ਼ੁੱਧ ਹਿਰਦੇ ਸਿਮਰਨ ਕੀਤਾ ਕਦੀ ਨਾ ਬੇਅਰਥ ਗਿਆ
ਸੋ ਇੱਕ ਚਿੱਤ ਇੱਕ ਮਨ ਹੋ ਸੱਚੇ ਨੂੰ ਲੈ ਤੂੰ ਧਿਆ
ਜੋ ਸੱਚਾ ਜੀਵਣ ਜੀ ਜਾਵੇ ਉਹ ਸਮਝੋ ਪਾਰ ਪਿਆ
ਸੱਚ ਇਹ ਜਾਣੀ ਭਰਮ ਨਾ ਕਰੀਂ ਜੱਸੇ ਦਾ ਕਿਹਾ
No comments:
Post a Comment