ਜਗ ਮੇਲਾ
ਸੁਖ ਜਿਨ੍ਹਾਂ ਇੱਥੇ ਪਾਇਆ
ਉਨ੍ਹਾਂ ਲਈ ਜਗ ਮੇਲਾ
ਦੁੱਖ਼ ਜਿਨ੍ਹਾਂ ਦੇ ਮੱਥੇ ਲਿਖਿਆ
ਜੀਣ ਉਨ੍ਹਾਂ ਲਈ ਝੱਖੜ ਤੇ ਝਮੇਲਾ
ਮਾਂ ਜਮੇ ਸ਼ਰੀਕ ਬਿਨ ਈਰਖਾ
ਪਿਆਰ ਕਰਨ ਸੱਚੇ ਭੈਣ ਭਾਈ
ਦੋਸਤ ਜਿਨ੍ਹਾਂ ਨੂੰ ਮਿਲੇ ਜਿਗਰੀ
ਜਨਤ ਉਨ੍ਹਾਂ ਇੱਥੇ ਪਾਈ
ਦਿਲਦਾਰ ਸਾਥੀ ਸਚਿਆਰੇ ਜਿਨ੍ਹਾਂ ਪਾਏ
ਖੁਸ਼ੀ ਉਨ੍ਹਾਂ ਦੀ ਗ੍ਰਿਸਤੀ ਕਟੇ
ਟੱਬਰ ਵਿੱਚ ਆਪਸੀ ਪਿਆਰ
ਘਰ ਉਨ੍ਹਾਂ ਦਾ ਸੁਖੀ ਵਸੇ
ਔਲਾਦ ਜਿਨ੍ਹਾਂ ਦੀ ਕਹਿਣੇਕਾਰ
ਨਸੀਬ ਉਨ੍ਹਾਂ ਦੇ ਚੰਗੇ
ਮਨ ਤਨ ਤੋਂ ਤੰਦਰੁਸਤ ਜੋ
ਹੋਰ ਨਾ ਉਹ ਕੁੱਛ ਮੰਗੇ
ਮੈਂਨੂੰ ਇਹ ਸੱਭ ਕੁੱਛ ਮਿਲਿਆ
ਚੰਗੀ ਕਿਸਮਤ ਮੈਂ ਲਿਖਾਈ
ਮੈਂ ਨਹੀਂ ਕੀਤਾ ਉਸ ਹੱਥ ਰਖਿਆ
ਹੋਇਆ ਹਰ ਥਾਂ ਸਹਾਈ
ਸੁੱਖ ਸੱਭ ਪਾਏ ਮੈਂ ਨੇ
ਮੇਰੇ ਲਈ ਜਗ ਮੇਲਾ
ਏਦਾਂ ਰਖੀਂ ਜਦੋਂ ਤੱਕ ਸਾਹ
ਚਲਦੇ ਫਿਰਦੇ ਆਏ ਆਖੀਰੀ ਵੇਲਾ
No comments:
Post a Comment