ਸੱਚ ਜਾਣੀਂ ਜਸਿਆ
ਨਾ ਤੂੰ ਜਸਿਆ ਕਮਾਈ ਕੀਤੀ
ਬਣ ਨਾ ਸਕਿਆ ਅਮੀਰ
ਦੁਨੀਆਦਾਰੀ ਵਿੱਚ ਰੁਝਿਆ
ਬਣ ਨਾ ਸਕਿਆ ਫ਼ਕੀਰ
ਗ੍ਰੰਥ ਪੜ੍ਹ ਪੜ੍ਹ ਢੇਰ ਲਾਏ
ਬਣਿਆ ਨਾ ਗਿਆਨੀ
ਤੋਤੇ ਵਾਂਗ ਨਾਮ ਤੂੰ ਰਟਿਆ
ਸੱਚਾ ਨਹੀਂ ਤੂੰ ਧਿਆਨੀ
ਆਪ ਨੂੰ ਜਸਿਆ ਦੋਸ਼ ਨਾ ਦੇਵੀਂ
ਇਸ ਬਾਰੀ ਨਹੀਂ ਸੀ ਮਿਲਣਾ ਲਿਖਿਆ
ਬੇਅਰਥ ਨਾ ਜਾਣੀ ਇਹ ਜੂਨ
ਯਾਦ ਰੱਖੀਂ ਜੋ ਇਸ ਜੂਨੇ ਸਿਖਿਆ
ਇਸ ਬਾਰੀ ਤੂੰ ਸਿਰਫ਼ ਇੰਨਸਾਨ ਜਮਿਆਂ
ਇੰਨਸਾਨ ਬਣ ਤੂੰ ਲਿਆ ਜੀ
ਇਹ ਭਾਗ ਤੇਰੇ ਸੀ ਜਸਿਆ
ਤੈਂਨੂੰ ਫ਼ਿਕਰ ਕਾਏ ਕੀ
ਜੋ ਹੋਇਆ ਚੰਗਾ ਹੋਇਆ ਜਸਿਆ
ਚਲ,ਮਨ ਉਸ ਦਾ ਇਹ ਭਾਣਾ
ਕਰਮ ਕਰ ਪਿਆਰ ਕਰ
ਇਹੀਓ ਨਾਲ ਤੇਰੇ ਹੋਰ ਕੀ ਲੈ ਜਾਣਾ
ਅਮੀਰ ਨਾ ਬਣਿਆ ਫ਼ਕੀਰ ਨਾ ਬਣਿਆ
ਨਾ ਗਿਆਨੀ ਨਾ ਧਿਆਨੀ
ਜੋ ਹੋਇਆ ਉਹੀ ਸੀ ਹੋਣਾ
ਜਸਿਆ ਸੱਚ ਇਹ ਜਾਣੀ
No comments:
Post a Comment