ਚਲਦਾ ਫਿਰਦਾ ਰਹਾਂ
ਕੋਈ ਸੰਭਾਲੂ ਤੈਨੂੰ ਬਾਹਲੀ ਨਾ ਆਸ ਤੂੰ ਰੱਖ
ਨੌ ਬਰ ਨੌ ਰੱਖੇ ਉਸ ਅੱਗੇ ਅਰਦਾਸ ਤੂੰ ਰੱਖ
ਬਿਮਾਰੀ ਕੋਈ ਵੱਡੀ ਬੇਵਸ ਨਾ ਬਣਾਏ
ਆਪਿਣਾਂ ਲਈ ਔਖਾ ਬੋਝ ਤੂੰ ਹੋ ਜਾਂਏਂ
ਰੋਟੀ ਵੀ ਕੋਈ ਤੇਰੇ ਮੂੰਹ ਵਿੱਚ ਪਾਏ
ਐਸਾ ਤੈਂਨੂੰ ਰੱਬ ਦਿਨ ਨਾ ਵਿਖਾਏ
ਬਹਿ ਨਾ ਜਾ ਹੱਥ ਤੇ ਹੱਥ ਧਰ
ਚਲਦਾ ਫਿਰਦੇ ਰਹਿ ਕਸਰਤ ਕਰ
ਮਿਲ ਦੋਸਤਾਂ ਨਾਲ ਮਹਿਫ਼ਿਲ ਲੈ ਲਾ
ਕੱਠੀਆਂ ਯਾਦਾਂ ਯਾਦ ਕਰ ਪੱਲ ਹੱਸ ਜਾ
ਨਵਾਂ ਹੁਨਰ ਤੂੰ ਸਿੱਖ ਨਵਾਂ ਹੋਰ ਸ਼ੌਕ ਤੂੰ ਪਾਲ
ਦਿਮਾਗ ਰੱਖ ਚਾਲੂ ਬਹਿ ਨਾ ਜਾਏ ਆਲਸ ਨਾਲ
ਮਾਫ਼ ਕਰ ਹਰਜਾਈਆਂ ਨੂੰ ਗਿੱਲੇ ਸ਼ਿਕਵੇ ਜੜ੍ਹੋਂ ਮਿਟਾ
ਮਨ ਹੋਊ ਸਾਫ ਦਿਲ ਹਲਕਾ ਹੋਊ ਸਕੂਨ ਤੂੰ ਲੈ ਪਾ
ਜਿਸ ਤੈਂਨੂੰ ਜੀਆ ਹੋਇਆ ਸਹਾਈ ਉਸ ਨੂੰ ਧਿਆ
ਸੱਚੇ ਦਿਲੋਂ ਕਰ ਸ਼ੁਕਰ ਸੀਸ ਉਸ ਅੱਗੇ ਤੂੰ ਨਿਵਾ
ਵਾਰੀ ਤੇਰੀ ਰਹੀ ਸੋਹਣੀ ਜੂਨ ਬੇਅਰਥ ਨਹੀਂ ਰਹੀ
ਚਲਦਾ ਫਿਰਦਾ ਰਹਾਂ ਅਖੀਰ ਤੱਕ ਹੋਰ ਨਾ ਮੰਗਾਂ ਬਈ
No comments:
Post a Comment