ਜਿੰਦ ਰਹੀ ਮਜ਼ੇਦਾਰ
ਜਿੰਦ ਮੇਰੀ ਰਹੀ ਬੜੀ ਮਜ਼ੇਦਾਰ
ਅਫਸੋਸ ਨਾ ਸ਼ਿਕਾਇਤ ਮੇਰੇ ਯਾਰ
ਹੱਸਦੇ ਖੇਡਦੇ ਬਾਲਪਨ ਲੰਘਿਆ
ਮਾਪਿਆਂ ਦਿਤਾ ਜੋ ਮੈਂ ਮੰਗਿਆ
ਦਿੱਤਾ ਮੈਨੂੰ ਰਜ ਕੇ ਪਿਆਰ
ਜਿੰਦ ਮੇਰੀ ਰਹੀ ਬੜੀ ਮਜ਼ੇਦਾਰ
ਸੀ ਮੈਂ ਹੁਸ਼ਿਆਰ ਪੜ੍ਹਾਈ ਚੰਗੀ ਰਹੀ
ਰਬੀਂ ਦਿਮਾਗ ਜਾਦਾ ਮਹਿਨਤ ਨਾ ਕਰਨੀ ਪਈ
ਸ਼ਰਾਰਤਾਂ ਕੀਤੀਆਂ ਖਾਦੀ ਮਾਸਟਰਾਂ ਤੋਂ ਮਾਰ
ਬਾਕੀ ਜਿੰਦ ਮੇਰੀ ਰਹੀ ਮਜ਼ੇਦਾਰ
ਜਵਾਨੀ ਵੀ ਸੁਣਾਵਾਂ ਸੋਹਣੀ ਬੀਤੀ
ਲੁਤਫ਼ ਲਿਆ ਤੇ ਐਸ਼ ਵੀ ਕੀਤੀ
ਜਾਗਿਆ ਸੀ ਸੀਨੇ ਪਹਿਲਾ ਪਿਆਰ
ਰਹੀ ਮੇਰੀ ਜਿੰਦਗੀ ਮਜ਼ੇਦਾਰ
ਗ੍ਰਿਸਤੀ ਵੀ ਸਾਡੀ ਪਈ ਸਾਰ
ਲੱੜ ਲਾਈ ਰੱਬ ਸਚਿਆਰੀ ਨਾਰ
ਜਿੰਮੇਦਾਰੀ ਉਸ ਉਠਾਈ ਮੇਰੇ ਤੇ ਨਾ ਭਾਰ
ਜਿੰਦ ਮੇਰੀ ਰਹੀ ਬੜੀ ਮਜ਼ੇਦਾਰ
ਬੁੱਢਾਪਾ ਚੜਿਆ ਮੈਂ ਬੁੱਢਾਪੇ ਲਈ ਤਿਆਰ
ਮਿਲੇ ਚੋਪੜੀ ਰੋਟੀ ਮਿਲੇ ਅਪਣਿਆਂ ਦਾ ਸਤਿਕਾਰ
ਤਨੋ ਮਨੋ ਦਰੁਸਤ ਸਹਿਤ ਰੱਬ ਬਖਸ਼ੀ ਮੈਂ ਸ਼ੁਕਰਗੁਜ਼ਾਰ
ਜਿੰਦ ਮੇਰੀ ਸਾਰੀ ਬੜੀ ਮਜ਼ੇਦਾਰ
No comments:
Post a Comment