ਅੱਖ ਫ਼ੜਕੀ ਸ਼ਾਮਤ ਆਈ
ਅੱਖ ਮੇਰੀ ਫ਼ੜਕੀ ਸ਼ਾਮਤ ਮੇਰੀ ਆਈ
ਦੱਸਾਂ ਤੁਹਾਨੂੰ ਹੱਸਿਓ ਨਾ ਮੇਰੇ ਭਾਈ
ਸਵੇਰੇ ਸਵੇਰੇ ਕਰਕੇ ਆਇਆ ਸੀ ਮੈਂ ਸੈਰ
ਰਾਤ ਮੀਂਹ ਦਾ ਕਿਚੜ੍ਹ ਸੀ ਲਿਬੜੇ ਮੇਰੇ ਪੈਰ
ਪੋਚਾ ਘਰਵਾਲੀ ਸੀ ਲਾਇਆ ਕਰ ਰਹੀ ਸੀ ਸਫਾਈ
ਅਪਣਿਆਂ ਸੋਚਾਂ ਵਿਚ ਡੁੱਬਿਆ ਮੈਂ ਅੱਧਾ ਸ਼ੌਦਾਈ
ਪੈੜ ਲੱਗੀ ਫ਼ਰਸ਼ ਤੇ ਜੋ ਸੋਹਣੀ ਦੀ ਨਜ਼ਰ ਆਈ
ਗੁੱਸਾ ਉਸੇ ਚੜਿਆ ਉਸ ਕੀਤੀ ਮੇਰੇ ਨਾਲ ਲੜਾਈ
ਕਹੇ ਅੰਨਾ ਨਹੀਂ ਤੂੰ ਕੀ ਇਹ ਚੰਨ ਚਾੜਿਆ
ਮਿਹਨਤ ਮੇਰੀ ਬੇਅਰਥ ਗਈ ਪੋਚਾ ਸੀ ਮੈਂ ਮਾਰਿਆ
ਖੂਨ ਮੇਰਾ ਖੌਲਿਆ ਘਰੋਂ ਨਿਕਲਿਆ ਗੁੱਸੇ ਨਾਲ ਭਰਿਆ
ਜਿੰਦ ਬਾਰੇ ਸੋਚਦਾ ਆਪਣੇ ਧਿਆਨ ਜਾਂਦਾ ਸੀ ਮੈਂ ਟੁਰਿਆ
ਦਿਮਾਗ ਤੇ ਬੋਝ ਸੀ ਖੱਬੀ ਅੱਖ ਮੇਰੀ ਜ਼ੋਰ ਨਾਲ ਫ਼ੜਕੀ
ਮਾੜੀ ਕਿਸਮਤ ਸਾਹਮਣਿਓਂ ਆ ਰਹੀ ਸੀ ਇਕ ਲੜਕੀ
ਲੜਕੀ ਸੋਚਿਆ ਬੁੱਢੇ ਅੱਖ ਉਸ ਨੂੰ ਮਾਰੀ
ਅਬਲਾ ਨਹੀਂ ਸੀ ਉਹ ਸੀ ਧਾਕੜ ਨਾਰੀ
ਸ਼ਰਮ ਨਾ ਹਿਆ ਖੂਸੜ ਬੁੱਢੇ ਇਸ ਉਮਰੇ ਇਸ਼ਕ ਤੈਨੂੰ ਚੜਿਆ
ਉੱਚੀ ਉੱਚੀ ਸੁਣਾਈ ਮੈਨੂੰ ਧੌਲਾ ਦਾੜਾ ਮੇਰਾ ਉਸ ਫ਼ੜਿਆ
ਨਸਣ ਦੀ ਕੋਸ਼ਿਸ਼ ਕਰਾਂ ਨਸ ਨਾ ਸਕਾਂ ਖੁੱਲੀ ਮੇਰੀ ਅੱਖ
ਸੱਚ ਵੀ ਹੋ ਸਕਦਾ ਸੀ ਪਰ ਸੀ ਸਪਨਾ ਲੱਖ ਸ਼ੁਕਰ ਕੀਤਾ ਜੱਸ
No comments:
Post a Comment