ਜ਼ਮਾਨੇ ਦੀ ਹਵਾ
ਨਵੇਂ ਜ਼ਮਾਨੇ ਦੀ ਚੱਲੀ ਹਵਾ
ਚੰਗਾ ਪੁਰਾਣਾ ਦੌਰ ਕਿੱਥੇ ਗਿਆ
ਗੂੜ੍ਹੇ ਖੂਨੀ ਰਿਸ਼ਤੇ ਦਿਲੀਂ ਪਿਆਰ
ਪੱਕੀਆਂ ਯਾਰੀਆਂ ਲੰਗੋਟੀਏ ਯਾਰ
ਵੱਡੇ ਸੀ ਜਿਗਰੇ ਮਨ ਸਨ ਸਾਫ
ਦੂਜੇ ਨਾਲ ਲਗਾਵ ਨਹੀਂ ਆਪੋ ਧਾਪ
ਇੰਸਾਨੀਅਤ ਜਿੰਦਾ ਸੀ ਮਿਲੇ ਬੰਦਾ ਬੰਦੇ ਨਾਲ
ਤਨਾਵ ਸੀ ਘੱਟ ਸਮਾਜ ਦਾ ਸੀ ਚੰਗਾ ਹਾਲ
ਨਵੇਂ ਜ਼ਮਾਨੇ ਦੀ ਚੱਲੀ ਹਵਾ
ਚੰਗਾ ਪੁਰਾਣਾ ਦੌਰ ਕਿਥੇ ਗਿਆ
ਦਿਲ ਦੇ ਢੋਹੇ ਬੂਹੇ ਬੰਦ ਹੋਈਆਂ ਬਾਰੀਆਂ
ਟੁੱਟੇ ਸਾਰੇ ਰਿਸ਼ਤੇ ਭੁੱਲੀਆਂ ਸਾਰੀਆਂ ਯਾਰੀਆਂ
ਧਨ ਦੇ ਪਿੱਛੇ ਸਾਰੇ ਨਸਣ ਲੱਗੇ
ਭਾਈਚਾਰਾ ਮੁੱਕਿਆ ਸ੍ਵਾਰਥ ਆਇਆ ਅੱਗੇ
ਜਾਇਯਦਾਤ ਲਈ ਲੜੇ ਭਾਈ ਨਾਲ ਭਾਈ
ਇੱਕ ਹਿੱਸੇ ਬਾਪ ਇੱਕ ਵੰਡ ਆਈ ਮਾਈ
ਤਰੱਕੀ ਕੀਤੀ ਬੰਦੇ ਨੇ ਇੰਸਾਨੀਅਤ ਹਾਰੀ
ਜੀਣਾ ਬੋਝ ਬਣਿਆ ਦੁੱਖ ਜੀਣਾ ਹੋਇਆ ਭਾਰੀ
ਕੀ ਅੱਗੇ ਚੰਗਾ ਹੋਊ ਜੱਸੇ ਨੂੰ ਨਾ ਪਤਾ ਭਾਈ
ਉਸ ਦੇ ਰੰਗ ਉਹ ਜਾਣੇ ਜਿਸ ਰਚਨਾ ਰਚਾਈ
No comments:
Post a Comment