ਪਿਆਰ ਮੇਰੀ ਮਜ਼ਬੂਰੀ p3

                            ਪਿਆਰ ਮੇਰੀ ਮਜ਼ਬੂਰੀ 

ਜ਼ਿੰਦਾ ਰਹਿਣ ਲਈ ਸਾਹ ਲੈਣਾ ਜ਼ਰੂਰੀ ਆ

ਲੁਤਫ਼ ਲੈਣ ਲਈ ਪਿਆਰ ਕਰਨਾ ਜ਼ਰੂਰੀ ਆ

ਪਿਆਰ ਕਰਨ ਲਈ ਦਿੱਲ ਸਾਫ਼ ਹੋਣਾ ਜ਼ਰੂਰੀ ਆ

ਮੇਰੀ ਛਾਤੀ ਦਿੱਲ ਧੜਕੇ ਪਿਆਰ ਮੇਰੀ ਮਜ਼ਬੂਰੀ ਆ

ਕਿਸਮਤ ਵਾਲੇ ਉਹ ਜਿਨ੍ਹਾਂ ਸੱਚਾ ਪਿਆਰ ਮਿਲਿਆ

ਝੱਖੜੀਂ ਨਾਲ ਟੁਰਨ ਵਾਲਾ ਪੱਕਾ ਯਾਰ ਮਿਲਿਆ

 ਗ੍ਰਿਸਤ ਸੌਖੀ ਉਨ੍ਹਾਂ ਦੀ ਜਿਨ੍ਹੀ ਸਾਥੀ ਸਚਿਆਰ ਮਿਲਿਆ

ਪਾਠ ਪੂਜਾ ਦੀ ਨਾ ਲੋੜ ਜਿਨ੍ਹਾਂ ਪਿਆਰ ਚ ਰੱਬ ਪਾ ਲਿਤਾ

ਲੋਚਣ ਨਾ ਕੁੱਛ ਹੋਰ ਲਈ ਉਨ੍ਹਾਂ ਸ੍ਵਰਗ ਇੱਥੇ ਪਾ ਲਿਤਾ 

ਪਿਆਰ ਇੱਕ ਖਜ਼ਾਨਾ ਪਿਆਰ ਤੋਂ ਵੱਡਾ ਨਾ ਧੰਨ ਕੋਈ

ਪਿਆਰ ਜਿਨ੍ਹਾਂ ਦੇ ਦਿੱਲ ਵੱਸੇ ਉਨ੍ਹਾਂ ਤੋਂ ਉੱਚਾ ਨਾ ਜਨ ਕੋਈ

ਸੁਖੀ ਬੀਤੀ ਜਿੰਦ ਮੇਰੀ ਬੁਢਾਪਾ ਮੇਰਾ ਫੁੱਲ ਵਾਂਗ ਖਿਲਿਆ ਆ

ਤਕਦੀਰ ਧੁਰੋਂ ਲਿਖਾਈ ਚੰਗੀ ਮੈਂਨੂੰ ਜੱਗ ਦਾ ਪਿਆਰ ਮਿਲਿਆ ਆ

ਔਕਾਤ ਲਈ ਬਹੁਤ p3

      ਔਕਾਤ ਲਈ ਬਹੁਤ

ਸੋਹਣਾ ਸਵੇਰਾ ਲੰਘੇ ਸੌਖੇ ਲੰਘਦੇ ਦਿਨ

ਬਿਮਾਰੀਓਂ ਦੂਰ ਆਪ  ਕਿਸਮਤ ਵਾਲਾ ਗਿਣ

ਭੁੱਖੇ ਢਿੱਡ ਸੌਣਾ ਨਾ ਪਏ ਰੋਟੀ ਚੰਗੀ ਖਾਂਵੇਂ 

ਨੰਗਾ ਨਹੀਂ ਬਦਨ ਤੇਰਾ ਸਾਫ਼ ਕੱਪੜਾ ਪਾਂਵੇਂ 

ਲੱਤਾਂ ਅਜੇ ਭਾਰ ਚੁਕਣਾ ਬਿਨ ਖੂੰਡੀ ਜਾਏਂ

ਲੱਛਮੀ ਦੀ ਮਹਿਰ ਤੇਰੇ ਉੱਤੇ ਪੈਸੇ ਦੀ ਨਾ ਥੋੜ 

ਆਪਣੇ ਕਾਰਜ ਆਪ ਕਰਨ ਯੋਗ ਸਹਾਰੇ ਦੀ ਨਾ ਲੋੜ

ਤੇਰੇ ਪਿਆਰੇ ਪਿਆਰ ਕਰਨ ਦੇਣ ਸਤਿਕਾਰ

ਦੋਸਤ ਜਾਨ ਦੇਂਣ ਲੋੜੀਂਦੇ ਵਕਤ ਹੋਣ ਮਦਦਗਾਰ 

ਜਿਨਾ ਤੇਰੇ ਕੋਲ  ਦੇਣ ਵਾਲੇ ਦਾ ਕਰ ਸ਼ੁਕਰਿਆ 

ਬਹੁਤ ਤੇਰੀ ਔਕਾਤ ਲਈ ਇਹ ਹੋਰ ਦੀ ਰੱਖ ਨਾ ਚਾਹ

ਭਲਾ ਕਰਨਾ ਓਲਟਾ ਪਿਆ p3

 ਭਲਾ ਕਰਨਾ ਓਲਟਾ ਪਿਆ

ਓਲਟਾ ਕਰ ਭਲਾ ਪਿਆ ਕਹਾਣੀ ਪੰਚਤੰਤ੍ਰ ਵਿੱਚ ਪੜੀ

ਨਿਓਲੇ ਸੱਪ ਮਾਰਿਆ ਬੱਚਾ ਬਚਾਇਆ ਖੁਸ਼ੀ ਉਸੇ ਚੜੀ 

ਸ਼ਾਬਾਸ਼ ਮਾਲਿਕ ਤੋਂ ਲੈਣ ਨਠਿਆ ਮੂੰਹ ਲਹੂ ਨਾਲ ਰੰਗਿਆ

ਮਾਲਿਕ ਸੋਚਿਆ ਬੱਚਾ ਖਾਇਆ ਲਾਠੀ ਮਾਰੀ ਨਿਓਲੇ ਪਾਣੀ ਵੀ ਨਾ ਮੰਗਿਆ

ਭਲਾ ਅਸੀਂ ਕੀਤਾ ਭਲਾ ਨਾ ਹੋਇਆ ਓਲਟੀ ਝਿੜਕ ਖਾਈ

ਦੱਸਾਂ ਤੁਹਾਨੂੰ ਦਾਸਤਾਂ ਆਪਣੀ ਸੁਣ ਹਸਿਓ ਨਾ ਭਾਈ

ਨਵਾਂ ਫੋਨ ਦੋਤਿਆਂ ਦਿੱਤਾ ਫੀਚਰ ਉਸ ਵਿੱਚ ਸਾਰੇ

ਲੁਗਾਈ ਬੋਲੀ ਤੁਸੀਂ ਰੱਖ ਲਓ ਪੁਰਾਣਾ ਮੇਰਾ ਸਾਰੇ 

ਸੋਚਿਆ ਭਲਾ ਕਰਾਂ ਉਸ ਨੂੰ ਦੇਵਾਂ ਪੁਰਾਣੇ ਨਾਲ ਮੇਰਾ ਵੀ ਸਰਦਾ

ਕੁੱਝ ਦਿਨ ਬਾਦ ਕੰਮ ਪਿਆ ਮੇਰਾ ਬੁੱਢਾ ਫੋਨ ਉਹ ਨਾ ਕਰਦਾ

ਮੰਗਿਆ ਸੁਹਾਣੀ ਤੋਂ ਉਸ ਦਾ ਗੁੱਸੇ ਵਿੱਚ ਉਹ ਆਈ

ਮੇਰੇ ਕਹੇ ਨਵਾਂ ਨਾ ਰਖਿਆ ਖ਼ੂਬ ਮੈਨੂੰ ਸੁਣਾਈ

ਕੀਤਾ ਭਲਾ ਹੋਇਆ ਨਾ ਭਲਾ ਉੱਤੋਂ ਗਾਲੀ ਖਾਈ

ਜੱਸੇ ਦੀ ਜਿੰਦ ਕਮਾਲ p3

         ਜੱਸੇ ਦੀ ਜਿੰਦ ਕਮਾਲ

ਸੱਚ ਦੱਸੀਂ ਜੱਸਿਆ ਕਹਾਣੀ ਝੂਠੀ ਨਾ ਪਾਈਂ 

ਵੱਡੇ ਲਫ਼ਜ਼ ਵਰਤੀਂ ਨਾ ਸੌਖੇ ਸਬਦੀਂ ਸਮਝਾਂਈਂ 

ਉਠਿਆ ਮੇਰੇ ਮੰਨ ਦੋਸਤ ਇੱਕ ਸਵਾਲ

ਵੇਖਾਂ ਤੇਰੀ ਜ਼ਿੰਦਗੀ ਜਿੰਦ ਤੇਰੀ ਕਮਾਲ

ਸੁਣ ਯਾਰਾ ਡੂੰਘਾ ਨਾ ਫ਼ਲਸਫ਼ਾ ਸੋਚ ਨਾ ਮੇਰੀ ਭਾਰੀ

ਸਾਦਗੀ ਨਿਮਾਣੀ ਜੀਵਨੀ ਮੇਰੀ ਤੋਪ ਨਾ ਕੋਈ ਮਾਰੀ

ਮੇਰੇ ਵਿਚਾਰ ਮੈਂਨੂੰ ਰਾਸ ਆਏ ਦਵਾਂ ਨਾ ਕਿਸੇ ਨੂੰ ਸਲਾਹ

ਹਰ ਜਨ ਦੀ ਵਖਰੀ ਕਿਸਮਤ ਵਖਰੇ ਸੱਭ ਦੇ ਰਾਹ

ਕੰਮ ਜੋ ਕੀਤਾ ਸੱਚੇ ਦਿਲੋਂ ਕੀਤਾ ਹੁਣ ਨਾ ਕੋਈ ਅਫ਼ਸੋਸ 

ਦੋ ਮਿਲਿਆ ਸ਼ੁਕਰ ਮਨਾਇਆ ਮੈਂ ਨਾ ਏਹਸਾਨ ਫਰਾਮੋਸ਼ 

ਪਿਆਰ ਜਿੱਥੇ ਕੀਤਾ ਸੱਚਾ ਕੀਤਾ ਸਮਝਿਆ ਨਾ ਉਹ ਪਾਪ

ਦੁਨਿਆਂ ਤੋਂ ਬੇਪਰਵਾਹ ਹੋ ਚਲਿਆ ਬਣਿਆ ਸਲਾਹਕਾਰ ਆਪ ਦਾ ਆਪ

ਪੱਕਾ ਕੋਈ ਧਰਮ ਨਾ ਅਪਨਾਇਆ ਜਾਣਿਆ ਉਸ ਨੂੰ ਹਾਜਰੇ ਹਜ਼ੂਰ 

ਜੋ ਹੋਇਆ ਭੱਲਾ ਮਨਿਆਂ ਭਾਣਾ ਉਸ ਦਾ ਕੀਤਾ ਮਨਜ਼ੂਰ

ਪੂਰਨ ਪੁਰਖ p3

 ਪੂਰਨ ਪੁਰਖ 

ਸੁਣ ਮੁਗਧ ਜਸਿਆ ਪੂਰਨ ਪੁਰਖ ਦੀ ਕਹਾਣੀ

ਲੱਭੇ ਜੇ ਜੱਗ ਵਿੱਚ ਕੋਈ ਉਹ ਪੂਜਣਯੋਗ ਪ੍ਰਾਣੀ 

ਡਰ ਉਸ ਦਾ ਦੂਰ ਹੋਏ ਜੋ ਨਿਰਭੌਅ ਤੇ ਰੱਖੇ ਆਸ 

ਮੰਨ ਤਨ ਰੋਗ ਰਹਿਤ ਜੇ ਹੱਥ ਜੋੜ ਕਰੇ ਅਰਦਾਸ

ਸਹਾਰਾ ਲੈ ਉਸ ਦਾ ਚੱਲੇਂ ਕਾਰਜ ਔਣ ਰਾਸ

ਜੱਗ ਸਾਰਾ ਮੀਤ ਬਣੇ ਜੋ ਯਾਦ ਕਰੇ ਨਿਰਵੈਰ

ਭੱਲਾ ਵੀ ਉਸ ਦਾ ਹੋਏ ਜੋ ਸੱਭ ਦੀ ਮੰਗੇ ਖੈਰ

ਇਮਾਨਦਾਰ ਉਸੇ ਸਮਝੋ ਕਮਾਈ ਸੱਚੇ ਹੱਥ ਕਰੇ

ਧੰਨੀ ਉਸਨੂੰ ਉਤਮ ਜਾਣੋ ਜੋ ਵੰਡ ਛਕੇ 

ਪੂਰਨ ਭਗਤ ਉਸੇ ਮੰਨੋ ਜੋ ਇੱਕ ਚਿੱਤ  ਨਾਮ ਜਪੇ 

ਉਹ ਜਨ ਜੱਗ ਵਿੱਚ ਸੁਖੀ ਜਿਸਦਾ ਉਹ ਸਹਾਈ

ਵਿਰਲੇ ਉਹ ਕੋਈ ਲੱਭੇ ਜਿਸ ਧੁਰੋਂ ਮੱਥੇ ਲਿਖਾਈ

ਐਸਾ ਜਸਿਆ ਪੂਰਨ ਪੁਰਖ ਮਿਲੇ ਪੈਰੀਂ ਉਸ ਦੇ ਪੈ

ਤਾਰ ਦੇ ਤੈਂਨੂੰ ਭੌਜਲ ਸਾਗਰ ਪਾਰ ਜਾਊਗਾ ਲੈ

ਸਿਧਾ ਸਿਧਾ ਨਹੀਂ ਗਵਾਰ p3

           ਸਿਧਾ ਸਾਧਾ ਨਹੀਂ ਗਵਾਰ

ਮੱਥੇ ਮੇਰੇ ਨਹੀਂ ਲਿਖਿਆ ਪਰ ਮੈਂ ਪੂਰਾ ਗਵਾਰ

ਅਕਲ ਦੀ ਕੋਈ ਗੱਲ ਨਾਂ ਕਰਾਂ ਬੋਲਾਂ ਮੂੰਹ ਫਾੜ 

 ਮਹਿਫ਼ਲ ਐਸੇ ਚੁਟਕਲੇ ਬੋਲ ਸ਼ਰਾਫਤ ਹੱਦ ਕਰਾਂ ਪਾਰ

ਸਲਾਹ ਕਿਸੇ ਦੀ ਨਾ ਮੰਨਾ ਸਮਝਾਂ ਖੁਦ ਹੋਸ਼ਿਆਰ

ਗਲਤਿਆਂ ਹਮੇਸ਼ਾ ਓਹੀਓ ਕਰਾਂ ਡਿੱਗਾਂ ਮੂੰਹ ਭਾਰ ਹਰ ਬਾਰ

ਮੱਥੇ ਮੇਰੇ ਲਿਖਿਆ ਨਹੀਂ ਪਰ ਮੈਂ ਨਿਰਾ ਗਵਾਰ

ਨੌਕਰੀ ਕਰ ਧੰਨ ਕੱਠਾ ਕੀਤਾ ਵਿਆਹ ਲਈ ਮੈਂ ਤਿਆਰ

ਭਲੀ ਜਹੀ ਕੋਈ ਨਾਰੀ ਲੱਭ ਕਰੀਏ ਉਸੇ ਪਿਆਰ

ਸੋਹਣੇ ਮੁਖੜੇ ਤੇ ਡੁੱਲਿਆ ਦਿੱਲ ਨਾ ਸਕਿਆ ਸੰਭਾਲ

ਐਸ਼ ਉਸ ਨੂੰ ਦਿੱਲ ਭੱਰ ਕਰਾਈ ਦਿਤਾ ਹੀਰੇ ਦਾ ਹਾਰ 

ਖਰਚਾ ਮੇਰਾ ਕਮਾਈ ਤੋਂ ਜਾਦਾ ਹੋਇਆ ਮੈਂਂ ਕੰਗਾਲ

ਜਿਸ ਨੂੰ ਜੀਵਣ ਸਾਥੀ ਸਮਝਇਆ ਨਿਕਲੀ ਧੋਖੇਬਾਜ਼

ਅਮੀਰ ਇੱਕ ਪਰਦੇਸੀ ਫਸਾ ਕੇ ਬਸੀ ਸਮੁੰਦਰੋਂ ਪਾਰ

ਨਾਰੀ ਦਾ ਭੇਦ ਪਾ ਨਾ ਸਕਿਆ ਖਾ ਗਿਆ ਇੱਥੇ ਮਾਰ

ਮੱਥੇ ਮੇਰੇ ਨਹੀਂ ਲਿਖਿਆ ਪਰ ਮੈਂ ਸੱਚਾ ਗਵਾਰ 

ਜਵਾਨੀ ਢਲੀ ਅੱਗਾ ਨੇੜੇ ਰੱਬ ਯਾਦ ਸੀ ਆਇਆ

ਭਗਤੀ ਕਰ ਬਾਰੀ ਲੇਖੇ ਲਾਈਏ ਮੰਨ ਵਿਚਾਰ ਆਇਆ

ਗੁਰੂ ਬਿਨ ਨਹੀਂ ਗਤਿ ਪੜ੍ਹਿਆ ਜਾਂ ਕਿਸੇ ਸੁਣਾਇਆ

ਡੇਰੇ ਬੈਠਾ ਸਾਧ ਦੀ ਸ਼ੋਭਾ ਭਾਰੀ ਉਸ ਨੂੰ ਗੁਰੂ ਬਣਾਇਆ

ਪੈਰੀਂ ਪੈ ਉਸ ਦੇ ਮੱਥਾ ਟੇਕਿਆ ਚੰਗਾ ਚੜਾਵਾ ਚੜਾਇਆ

ਉਹ ਬਲਾਤਕਾਰੀ ਹਤਿਆਰਾ ਨਿਕਲਾ ਹੁਣ ਉਹ ਫਰਾਰ 

ਤਪਸਿਆ ਸਾਡੀ ਭੰਗ ਹੋਈ ਰਹਿ ਗਏ ਮੰਝਦਾਰ

ਮੱਥੇ ਸਾਡੇ ਲਿਖਿਆ ਨਹੀਂ ਵਾਕਿਆ ਅਸੀਂ ਗਵਾਰ

ਬੈਠ ਸੋਚਿਆ ਇੱਕ ਦਿਨ ਕੀ ਅਸੀਂ ਸੱਚੀਂ ਗਵਾਰ

ਸਮਝ ਆਈ ਮੈਂ ਸਿਧਾ ਸਾਧਾ ਨਾ ਅਵਤਾਰ ਨਾ ਗਵਾਰ

ਸੋਚ ਇਹ ਰੂਹ  ਖੁਸ਼ ਹੋਈ ਆਪ ਲਈ ਉਭਰਿਆ ਪਿਆਰ

ਮੱਥੇ ਜੋ ਲਿਖਿਆ ਸਰ ਮੱਥੇ ਮੈਂ ਸ਼ੁਕਰਗੁਜ਼ਾਰ

ਮੈਂ ਨਹੀਂ ਮਾੜਾ ਬੰਦਾ p3

        ਮੈਂ ਨਹੀਂ ਮਾੜਾ ਬੰਦਾ

ਸਾਰੀ ਜਿੰਦ ਭਾਰੀ ਰਿਆ ਮੈਂ ਪ੍ਰੇਸ਼ਾਨ

ਮੇਰੇ ਅੰਦਰ ਰਹਿਣ ਦੋ ਮਹਿਮਾਨ

ਪੂਰਾ ਨਾ ਸਾਧ ਪਰ ਸ਼ਰੀਫ਼ ਦੂਜਾ ਨਿਰਾ ਸ਼ੈਤਾਨ

ਦੋਂਨਾਂ ਦੀ ਖਿਚੋਤਾਣ ਕੀਤਾ ਜੀਣਾ ਹਰਾਮ

ਜਵਾਨੀ ਜਦ ਕੋਈ ਸੋਹਣਾ ਚੇਹਰਾ ਨਜ਼ਰ ਆਏ

ਸ਼ੈਤਾਨ ਫੁਰਤੀ ਵਿਖਾ ਹਵਸ ਜਗਾਏ

ਸ਼ਰੀਫ਼ ਕਹੇ ਇਹ ਸ਼ਰੀਫਾਂ ਦਾ ਨਹੀਂ ਕੰਮ

ਨਾ ਕਰ ਨਾ ਕਰ ਕਹਿਣਾ ਮੇਰਾ ਮੰਨ

ਸ਼ੈਤਾਨ ਹੋਵੇ ਹਾਵੀ ਮੈਂਨੂੰ ਕੁਰਾਹੇ ਪਾਏ

ਰੋਕ ਨਾ ਸਕਾਂ ਖੁਦ ਨੂੰ ਮਜ਼ਾ ਬੜਾ ਆਏ

ਸ਼ਰੀਫ਼ ਕਦੀ ਕਦਾਈਂ ਬੈਠੇ ਜਪਣ ਨਾਮ

ਸੈਤਾਨ ਐਸੀਆਂ ਸੋਚਾਂ ਸੋਚ ਭੰਗ ਕਰੇ ਧਿਆਨ

ਸੋਚਾਂ ਨਾ ਕਹਿਣ ਵਾਲਿਆਂ ਸਮਝਾਂ ਮੈਂ ਪਾਪ ਕਰਾਂ

ਰੱਬ ਗੁੱਸੇ ਨਾ ਹੋ ਜਾਏ ਮੰਨ ਵਿੱਚ ਡਰਾਂ

ਸ਼ਰੀਫ਼ ਜਦੋਂ ਜ਼ਾਹਦ ਕਰਦੇ ਧੀਰਜ ਦਿਖਾਇਆ

ਕਈ ਬਾਰ ਅੰਦਰੋਂ ਸ਼ੈਤਾਨ ਨੂੰ ਨਸਾਇਆ

ਸ਼ੈਤਾਨ ਸ਼ੈਤਾਨ ਦੀ ਣੂਣੀ ਬੇਸ਼ਰਮ ਮੁੜ ਆ ਜਾਏ

ਉਮਰ ਨਾਲ ਸ਼ਰੀਫ਼ ਦੇ ਹੁਣ ਪੱਲੇ ਭਾਰੇ

ਕਈ ਬਾਰ ਜਿਤਿਆ ਤੇ ਘੱਟ ਹੀ ਹਾਰੇ

ਮੈਂ ਸ਼ੁਕਰ ਕਰਾਂ ਮੰਨਾਂ ਮੈਂ

ਨਹੀਂ ਮਾੜਾ ਬੰਦਾ

ਸਾਫ਼ ਜੀਆ ਨਾ ਦਿੱਲ ਤੋੜਿਆ ਨਾ ਕੀਤਾ ਗੋਰਖ ਧੰਦਾ

ਅਗਰ ਕੋਈ ਪੁੱਛੇ ਮੰਗਾਂ ਇਹੀਓ ਜੂਨ ਹੋਰ ਨਾ ਮੰਗਾਂ