ਪੜ੍ਹਨ ਗਏ ਭਾਹ ਦੇ ਡੰਗਰ
ਨਿੰਬਾ ਨੱਠਾ ਆਇਆ ਕਹੇ ਭਾਹ ਹਵੇਲੀ ਤੇਰੀ ਖਾਲੀ
ਨਾ ਉੱਥੇ ਮੱਝ ਨਾ ਗਾਂ ਨਾ ਕੱਟੀ ਨਾ ਵੱਛਾ ਨਾ ਹੀ ਕੋਈ ਹਾਲੀ
ਰੌਲਾ ਪੈ ਗਿਆ ਸਾਰੇ ਵਿੱਚ ਪਿੰਡ ਪਿੰਡ ਸਾਰਾ ਹੋਇਆ ਕੱਠਾ
ਟੋਹਲਣ ਲਈ ਡੰਗਰਾਂ ਨੂੰ ਕੋਈ ਇਧਰ ਕੋਈ ਓਧਰ ਨੱਸਾ
ਨਾ ਬੇਂਈਂ ਕੰਡੇ ਨਾ ਟਾਲੀਵਾਲੇ ਨਾ ਕਿਸੇ ਹਵੇਲੀ ਅੰਦਰ
ਖੌਰੇ ਕਿਧਰੇ ਸਮਾ ਗਏ ਭਾਹ ਦੇ ਸਾਰੇ ਡੰਗਰ
ਮੀਂਹ ਖੁਰਾਂ ਦੇ ਨਿਸ਼ਾਨ ਮਿਟਾਏ ਪੈੜ ਨਾ ਕੋਈ ਲੱਭੇ
ਲੱਭ ਲੱਭ ਹਰ ਥਾਂ ਪਿੰਡ ਦੇ ਸਾਰੇ ਜਵਾਨ ਬਹਿ ਹੰਭੇ
ਫਿਰ ਮਸਤ ਥਥਲਾ ਭਾਹ ਤੇਰਾ ਚ ਚ ਚ ਚੌਣਾ ਸਕੂਲ ਵਿੱਚ ਖੜਿਆ
ਸੋ ਸੋ ਸੋ ਸੋਚ ਉਹ ਅਸੀਂ ਪੜ੍ਹੀਏ ਸ਼ੋਕੇਰਾਂ ਦਾ ਟੱਬਰ ਸਾਰਾ ਪੜ੍ਹਿਆ
ਮੰਡੀਰ ਸਾਰੀ ਖਿੜ ਖਿੜ ਹੱਸੀ ਪੋਸਤ ਪੀ ਮਸਤ ਮਸਤ ਹੋ ਲਿਆ
ਪਰ ਮਸਤ ਪੋਸਤ ਪੀ ਮਸਤ ਹੋਇਆ ਸੱਚ ਸੀ ਮਸਤ ਬੋਲਿਆ
ਲੱਭ ਗਏ ਭਾਹ ਦੇ ਹਾਲੀ ਭਾਹ ਦੀ ਮੱਝ ਸਾਰੇ ਭਾਹ ਦੇ ਡੰਗਰ
ਸੂੰਗੜੇ ਖੜ੍ਹੇ ਡੰਗਰ ਪੰਜਵੀਂ ਜਮਾਤ ਦੇ ਲੰਬੇ ਕਰਮੇ ਅੰਦਰ
No comments:
Post a Comment