ਪੁੱਛੋ ਮੇਰਾ ਹਾਲ
ਪੁੱਛੋ ਮੇਰਾ ਹਾਲ ਯਾਰੋ ਪੁੱਛੋ ਮੇਰਾ ਹਾਲ
ਲੰਬਾ ਜੀਵਨ ਸਫਰ ਤਹਿ ਕੀਤਾ ਜੀ ਲਏ ਪਚਤਰ ਸਾਲ
ਕਾਲਾ ਕੋਈ ਸਿਰ ਤੇ ਨਾ ਰਿਆ ਧੌਲਾ ਹੋ ਗਏ ਬਾਲ
ਘੋੜੇ ਵਾਂਗ ਛਾਲ ਮਾਰ ਸੀ ਚੱਲਦਾ ਮੱਠੀ ਹੋਈ ਚਾਲ
ਪੁੱਛੋ ਨਾ ਮੇਰਾ ਹਾਲ ਦੋਸਤੋ ਪੁੱਛੋ ਨਾ ਮੇਰਾ ਹਾਲ
ਸਧਾਰਨ ਜਹੀ ਜਿੰਦ ਬਿਤਾਈ ਕੀਤਾ ਨਾ ਕੋਈ ਕਮਾਲ
ਜੋ ਮਿਲਿਆ ਸਿਰ ਮੱਥੇ ਲਾਇਆ ਕਿਸਮਤ ਤੇ ਕੀਤਾ ਨਾ ਸਵਾਲ
ਪਿਆਰ ਨਾਲ ਨਿਭਾਏ ਯਰਾਨੇ ਰਿਸ਼ਤੇ ਕੱਢੀ ਨਾ ਕਿਸੇ ਨੂੰ ਗਾਲ
ਪੁੱਛੋ ਨਾ ਮੇਰਾ ਹਾਲ ਬੇਲੀਓ ਪੁੱਛੋ ਨਾ ਮੇਰਾ ਹਾਲ
ਕੀ ਇਹ ਵਾਰੀ ਸਫਲ ਰਹੀ ਬਾਰ ਬਾਰ ਮੰਨ ਆਏ ਖਿਆਲ
ਜਿਮਾ ਸਭ ਗਰਿਸਥ ਦੇ ਨਜਿਢੇ ਤੋੜ ਨਾ ਸਕਿਆ ਮੋਹ ਮਾਇਆ ਜੰਜਾਲ
ਜਪ ਨਾਮ ਵਕਤ ਮਿਲਣ ਦਾ ਲਾਗੇ ਸ਼ਰੀਰ ਹੋਣਾ ਰਵੇਲ
ਪੁੱਛੋ ਨਾ ਮੇਰਾ ਹਾਲ ਜਿਗਿਰਿਓ ਪੁੱਛੋ ਨਾ ਮੇਰਾ ਹਾਲ
ਸੁਣੇ ਅਜ ਕੋਈ ਹਾਲ ਮੇਰਾ ਹਸ ਸੁਣਾਂਵਾਂ ਹਡ ਬੀਤੀਆਂ ਕਹਾਣੀਆਂ
ਕੀਤੀਆਂ ਬੇਵਕੂਫੀਆਂ ਤੇ ਹਸਾਂ ਸਵਾਦ ਨਾਲ ਯਾਦ ਕਰਾਂ ਐਸ਼ਾ ਜੋ ਮਾਣਿਆਂ
ਆਪੇ ਤੇ ਮੈਂ ਖੁਸ਼ ਪਤਾ ਨਹੀਂ ਖੁਸ਼ ਮੇਰੇ ਕੀਤੇ ਤੇ ਮੇਰਾ ਲਾਲ
ਪੁੱਛ ਲਓ ਮੇਰਾ ਹਾਲ ਦੁਨਿਆਂ ਵਾਲੋ ਪੁੱਛ ਲਓ ਮੇਰਾ ਹਾਲ
