ਨਕਲਚੀ ਨਹੀਂ
ਕਹੇ ਜੇ ਕੋਈ ਮੈਂਨੂੰ ਨਿਕੰਮਾ
ਖੜੇ ਹੋਣ ਕੰਨ ਹੋਵਾਂ ਚੌਕੰਨਾ
ਲਾਲ ਪੀਲਾ ਮੈਂ ਹੋ ਜਾਂਵਾਂ
ਸੋਚ ਫਿਰ ਆਪ ਨੂੰ ਸਮਝਾਂਵਾਂ
ਕੰਮ ਕਿਹੜੇ ਤੂੰ ਕਹਿਣ ਵਾਲੇ ਕੀਤੇ
ਨਾਮ ਨਾ ਕਮਾਇਆ ਨਾ ਵੱਡੇ ਇਨਾਮ ਲੀਤੇ
ਪਿੱਛੇ ਨਾ ਖੜਾ ਨਾ ਹੋਇਆ ਸਹਾਏ
ਦਸ ਦੁਨੀਆਂ ਕਿਓਂ ਤੈਂਨੂੰ ਸੁਲਾਹੇ
ਬੇਵਕੂਫ ਤੂੰ ਕੋਈ ਮੈਂਨੂੰ ਸੁਣਾਏ
ਇਕ ਇਕ ਕਰ ਹਜਾਰ ਗਲਤੀਆਂ ਗਿਣਾਏ
ਗੁੱਸਾ ਨਾ ਮੈਂਨੂੰ ਉਸ ਤੇ ਆਏ
ਕੋਟ ਖਾਮੀਆਂ ਮੈਂ ਫਿਰਾਂ ਛੁਪਾਐ
ਤਾਰੀਫ ਕਰ ਮੇਰੀ ਕੋਈ ਬੰਨੇ ਪੁੱਲ
ਪਲ ਕੁ ਫੁਲਾਂ ਫਿਰ ਜਾਂਵਾਂ ਭੁੱਲ
ਸ਼ੈਤਾਨ ਮੇਰੇ ਅੰਦਰ ਦੁਨੀਆਂ ਨੂੰ ਕੀ ਪਤਾ
ਪਾਪ ਕਰਾਏ ਕਰਾਏ ਨਾਬਖਸ਼ਣਹਾਰ ਖਤਾ
ਨਿਕੰਮਾ ਬੇਵਾਕੂਫ ਮੈਂ ਪਾਪ ਕਰਾਂ ਘੋਰ
ਪਰ ਨਕਲਚੀ ਨਹੀਂ ਮੈਂ ਹਾਂ ਮੈਂ ਨਹੀਂ ਹੋਰ
ਸੋਹਣਾ ਰਿਆ ਸਫਰ ਨਹੀਂ ਅਫ਼ਸੋਸ ਕਤਾਈ
ਸ਼ੁਕਰ ਕਰਾਂ ਮਿਲੀ ਕਿਸਮਤ ਜੋ ਮੱਥੇ ਲਿਖਾਈ
No comments:
Post a Comment