ਰੱਬਾ ਸੱਭ ਥਾਂ ਹੋਈਂ ਸਹਾਈ
ਬੱਚਪਨ ਮਾਣਿਆ ਮਾਂ ਦੇ ਪਿਆਰ ਵਿੱਚ
ਕੱਦੇ ਆਪਣੇ ਆਪ ਮੂੰਹ ਬੁਰਕੀ ਨਾ ਪਾਈ
ਜਵਾਨੀ ਗਵਾਈ ਫ਼ੇਸ਼ਨ ਨਸ਼ਿਆਂ ਵਿੱਚ
ਨਾ ਕੀਤੀ ਸਖ਼ਤ ਮਹਿਨਤ ਨਾ ਸਖ਼ਤ ਪੜਾਈ
ਵਿਆਹੇ ਰੋਬ ਪਾਇਆ ਬੀਵੀ ਤੇ
ਗਿ੍ਸਥੀ ਦੀ ਜ਼ਿਮੇਵਾਰੀ ਨਾ ਨਿਭਾਈ
ਬਚਿਆਂ ਲਈ ਨਾ ਬਣਿਆ ਮਸਾਲ
ਖ਼ੁਸ਼ਿਆਂ ਉੱਨਾਂ ਦਿਆਂ ਪੈਸੇ ਨਾਲ ਲੈਣੀ ਚਾਹੀ
ਵਰਿਧ ਹੋ ਕੇ ਰੱਬ ਨੂੰ ਲਭਣ ਲਗਾ
ਰਟੇ ਨਾਮ ਤੋਤੇ ਵਾਗ ਲੈਕੇ ਜੋਤ ਜਲਾਈ
ਕੋਈ ਜਬਾਬ ਨਾ ਦੇ ਸਕਿਆ ਧਰਮਰਾਜ ਨੂੰ
ਜੱਦ ਉਸ ਪੁਛਿਆ ਕੀ ਕਰਕੇ ਆਇਆਂ ਭਾਈ
ਇਨਸਾਨ ਬਣਾਕੇ ਸੀ ਭੇਜਿਆ
ਜੋ ਤੂੰ ਕਰ ਸਕੇਂ ਧਰਮ ਕਮਾਈ
ਮੋਖ਼ ਦਵਾਰ ਵੀ ਸੀ ਖੁਲ ਸਕਦਾ
ਬੰਦੇ ਇਹ ਤੇਰੇ ਸਮਝ ਨਾ ਆਈ
ਮੌਕਾ ਇਕ ਹੋਰ ਦੇ ਦੇ ਦਾਤਾ
ਮਨ ਰੋਸ਼ਨੀ ਹੁਣ ਹੈ ਆਈ
ਚੱਕਰ ਚੌਰਾਸੀ ਦਾ ਕਰਨਾ ਪੈਣਾ
ਇਹ ਹੈ ਅਕਾਲ ਅਟੱਲ ਦੀ ਸਚਾਈ
ਰੱਬਾ ਸੱਭ ਥਾਂ ਹੋਂਈਂ ਸਹਾਈ
ਰੱਬਾ ਸੱਭ ਥਾਂ ਹੋਂਈਂ ਸਹਾਈ
No comments:
Post a Comment