ਖੁਸ਼ਿਆਂ ਕੋਟ ਲੱਖ
ਆਪਣੇ ਆਪ ਨੂੰ ਬਾਤ ਇੱਕ ਪਾਂਵਾਂ
ਬਾਤ ਤਾਂ ਪਾਂਵਾਂ ਜਬਾਬ ਬੁਝ ਨਾ ਪਾਂਵਾਂ
ਜੋ ਕੋਈ ਬੁਝੇ ਉਸੇ ਬਲਿਹਾਰੀ ਜਾਂਵਾਂ
ਕੀ ਮੈਂ ਕਿਸ ਮੈਂਨੂੰ ਉਪਾਇਆ
ਕੀ ਕਰਨ ਮੈਂ ਧਰਤ ਆਇਆ
ਕਿੱਥੇ ਮੈਂ ਜਾਣਾ ਕਿੱਥੋਂ ਮੈਂ ਆਇਆ
ਕਿਸੇ ਜਮਿਆਂ ਮੈਂ ਹੋਸ਼ ਬਾਦ ਆਈ
ਮਕਸੱਦ ਜੀਣ ਦਾ ਸੋਚ ਸੋਚ ਜੂਨ ਗਵਾਈ
ਹਾਰ ਥੱਕ ਬੈਠਾਂ ਮੇਰੇ ਸਮਝ ਨਾ ਆਈ
ਵੇਦ ਕਿਤੇਬ ਗ੍ਰੰਥ ਸੱਭ ਫਰੋਲੇ
ਕੰਨ ਧਰ ਸੁਣਿਆ ਸਾਧ ਸੰਤ ਜੋ ਬੋਲੇ
ਅੰਧੇਰੇ ਵਿੱਚ ਰਹਿਆ ਨਾ ਹੋਇਆ ਪਰਗਾਸੁ
ਮਾਯੂਸ ਹੋ ਬੈਠਾ ਗਵਾਈ ਸੱਭ ਆਸ
ਫਿਰ ਸੋਚਿਆ ਉਹ ਜਨ ਉਹ ਭੋਲੇ
ਗਲਤ ਤੇਰਾ ਤਰਾਜ਼ੂ ਗਲਤ ਤੂੰ ਤੋਲੇ
ਤੂੰ ਨਾ ਪੈਗ਼ੰਬਰ ਨਾ ਉਸ ਦਾ ਰਤਿਆ
ਨਹੀਂ ਮੱਥੇ ਲਿਖਿਆ ਉਸੇ ਪਾ ਨਾ ਸਕਿਆ
ਬਾਤਾਂ ਨਾ ਪਾ ਨਾ ਲੱਭ ਬਾਤਾਂ ਦਾ ਜਬਾਬ
ਸਧਾਰਨ ਜੀ ਨਾ ਕਰ ਮਾਇਆ ਦਾ ਹਿਸਾਬ
ਸਾਦਾ ਜਨ ਤੂੰ ਸਾਦੀ ਸੋਚ ਤੂੰ ਰੱਖ
ਮਾਯੂਸੀ ਦੂਰ ਖੁਸ਼ਿਆਂ ਕੋਟ ਲੱਖ
That is life, only questions no answers
ReplyDelete