ਜੱਸ ਸੱਚ ਦੱਸ
ਜੱਸ ਮੈਨੂੰ ਦੱਸ ਦੱਸ ਮੈਨੂੰ ਜੱਸ
ਕਿਸ ਮਿੱਟੀ ਦਾ ਤੂੰ ਬਣਿਆਂ ਕੀ ਤੇਰਾ ਸੱਚ
ਤਨ ਤੇਰਾ ਕੱਚ ਤੋਂ ਕੱਚਾ ਮੈਲਾ ਤੇਰਾ ਮਨ
ਕਹੇਂ ਉੱਚੀ ਤੇਰੀ ਸੋਚ ਤੂੰ ਨਾ ਸਧਾਰਨ ਜਨ
ਖ਼ੁਸ਼ ਤੂੰ ਰਹੇਂ ਜਿੰਦ ਦਾ ਨਹੀਂ ਕੋਈ ਤੈਨੂੰ ਫ਼ਿਕਰ
ਖੁਸ਼ੀ ਦਿਆਂ ਸੁਣਾਏਂ ਦੁੱਖ ਦਾ ਕਰੇਂ ਨਾ ਜ਼ਿਕਰ
ਦੱਸ ਸਾਨੂੰ ਖ਼ੁਸ਼ੀ ਦਾ ਨੁਖਸਾ ਅਸੀਂ ਵੀ ਮਾਣੀਏ ਸੁੱਖ
ਜੀਣਾ ਭਾਰਾ ਹੋਇਆ ਚੁੱਕੀ ਪੰਡ ਭਾਰੀ ਦੇ ਦੁੱਖ
ਮੇਰਾ ਫ਼ਲਸਫ਼ਾ ਮੇਰੀ ਜੀਵਣੀ ਮੈਂਨੂੰ ਰਾਸ ਆਈ
ਉਹ ਸੀ ਸਿਰਫ਼ ਮੇਰੀ ਸ਼ਾਇਦ ਧੁਰੋਂ ਮੈਂ ਲਿਖਾਈ
ਕਹਾਂ ਨਾ ਮੇਰੀ ਪੈੜ ਫੜ ਚੱਲੋ ਸਲਾਹ ਨਾ ਦੇਂਵਾਂ ਭਾਈ
ਆਪਣੀ ਆਪ ਜਿੰਦ ਜੀਓ ਜੋ ਮੰਨ ਤੁਹਾਡੇ ਆਏ
ਸੋਚੋ ਨਾ ਕੀ ਕਹੂ ਦੁਨਿਆਂ ਕੀ ਕਹਿਣਗੇ ਪਰਾਏ
ਜੱਸ ਇਹੀਓ ਸੱਚ ਕਹੇ ਇਹੀਓ ਜੱਸ ਦੀ ਸੱਚੀ ਰਾਏ
No comments:
Post a Comment