ਪ੍ਰਵਾਨਗੀ ਹੋਊ ਦਰਗਾਹ
ਕੁਲ ਆਲਮ ਫਿਰ ਲਈ ਮੈਂ ਛਾਣ
ਪੜੇ ਕੋਟ ਗ੍ਰੰਥ ਲਿਆ ਮੈਂ ਗਿਆਨ
ਨਾਹਿਆ ਜਾ ਜਾ ਤੀਰਥ ਅਸਥਾਂਨ
ਸਾਧ ਸੰਤਾਂ ਅੱਗੇ ਸੀਸ ਨਿਵਾਏ
ਦਾਨ ਵੀ ਕੀਤਾ ਪਾਠ ਵੀ ਕਰਾਏ
ਬੁਜਾ ਨਹੀਂ ਸੀ ਦਿਮਾਗ਼ ਦਾ ਦੀਵਾ ਸੀ ਜਗਿਆ
ਲੱਭਣ ਗਿਆ ਉਹ ਕਿੱਥੋਂ ਨਾ ਲੱਭਿਆ
ਜਿਸੇ ਗੁਰਾਂ ਦੱਸਿਆ ਸਰਬ ਸਮਾਇਆ
ਅੰਧਾ ਮੈਂ ਉਸੇ ਵੇਖ ਨਾ ਪਾਇਆ
ਨਹੀਂ ਮੈਂ ਰਤਿਆ ਨਾ ਮੱਥੇ ਮੈਂ ਲਿਖਾਇਆ
ਸਧਾਰਨ ਜਨ ਜੱਸਿਆ ਅਵਤਾਰ ਨਹੀਂ ਤੂੰ ਆਇਆ
ਮਿਲਣ ਦੀ ਨਹੀਂ ਇਹ ਬਾਰੀ ਸੋਚ ਜਿੰਦ ਕਰ ਨਾ ਜਾਇਆ
ਮਨ ਆਪਣਾ ਨਾ ਕਰ ਸਕਿਆ ਤੂੰ ਸੁੱਚਾ
ਪਹੌਂਚ ਨਹੀਂ ਪਾਂਏਂ ਦਰ ਉਸ ਦਾ ਉੱਚਾ
ਕੁਕਰਮੀ ਪਾਪੀ ਗੁਣਾਹਗਾਰ ਤੂੰ ਇੱਕ ਜਨ
ਮੋਖ ਦਵਾਰ ਨਹੀਂ ਮਿਲਣਾ ਸੱਚ ਇਹ ਮੰਨ
ਜਿਨੀ ਮਿਲੀ ਸੂਝ ਬੂਝ ਉਸ ਤੱਕ ਜੀਵਣ ਜੀ ਜਾ
ਉਹ ਨਿਰਵੈਰ ਸ਼ਾਇਦ ਬਖ਼ਸ਼ੂ ਪ੍ਰਵਾਨਗੀ ਹੋਊ ਦਰਗਾਹ
No comments:
Post a Comment