ਕਿੱਕਰਾਂ ਦੇ ਬੀ
ਕੀ ਕੀ ਕੀ ਜਿੰਦ ਦਿੱਤੇ ਕਿੱਕਰਾਂ ਦੇ ਬੀ
ਪਿਆਲਾ ਨਹੀਂ ਲੱਭਦਾ ਛਿੱਤਰਾਂ ਨਾਲ ਪੀ
ਕੀ ਕੀਤਾ ਕੀ ਹੋਇਆ
ਕੀ ਚਾਹਿਆ ਕੀ ਪਾਇਆ
ਕੀ ਬੀਜਿਆ ਕੀ ਉਗ ਆਇਆ
ਹੋਇਆ ਜੋ ਸੀ ਹੋਣਾ ਤੇਰੇ ਹੱਥ ਵਿੱਚ ਕੀ
ਇਹ ਸੋਚ ਚੱਲ ਸੁੱਖ ਪਾਂਏਂ ਹੋਰ ਤੂੰ ਚਾਹੇਂ ਕੀ
ਕੀ ਕੀ ਕੀ ਜਿੰਦੋਂ ਮਿਲੇ ਕਿੱਕਰਾਂ ਦੇ ਬੀ
ਘਾਲ ਕਰ ਘਰ ਬਣਾਇਆ
ਤਜੌਰੀ ਭਰੀ ਕੱਠੀ ਕੀਤੀ ਸਰਮਾਇਆ
ਕਾਰਨਾਮੇ ਕੀਤੇ ਨਾਮ ਕਮਾਇਆ
ਛੱਡਣੇ ਪਏ ਸਾਰੇ ਜਦ ਸੱਦਾ ਆਇਆ
ਸਮਝਿਆ ਨਾ ਇਹ ਸੱਭ ਮਾਇਆ ਸੀ
ਕੀ ਕੀ ਕੀ ਜਿੰਦੋਂ ਮਿਲੇ ਕਿੱਕਰਾਂ ਦੇ ਬੀ
ਲੱਭਿਆਂ ਨਾ ਜੂਨ ਦਾ ਮਕਸਦ ਰਿਆ ਭਰਮਾਇਆ
ਪੱੜਦਾ ਰਿਆ ਗ੍ਰੰਥ ਇੱਕ ਸ਼ਬਦ ਪਲੇ ਨਾ ਪਾਇਆ
ਪਾਕ ਥਾਂ ਛਾਣੇਂ ਵੇਖਿਆ ਨਾ ਜੋ ਸਰਬ ਸਮਾਇਆ
ਦੇਰ ਹੋਈ ਹੁਣ ਹੱਥ ਮਲਦਾ ਹੁਣ ਪਛਤਾਇਆ
ਮੌਕਾ ਇਹ ਗਵਾਇਆ ਜਦ ਮੌਕਾ ਸੀ
ਕੀ ਕੀ ਕੀ ਜਿੰਦੋਂ ਮਿਲੇ ਕਿੱਕਰਾਂ ਦੇ ਬੀ
ਪਿਆਲਾ ਨਹੀਂ ਲੱਭਦਾ ਛਿੱਤਰਾਂ ਨਾਲ ਪੀ
No comments:
Post a Comment