ਸੁੱਖ ਦਾ ਆਧਾਰ
ਮੋਚ ਆਈ ਸੋਚ ਨੂੰ ਲੰਗ ਮਾਰੇ ਵਿਚਾਰ
ਸਮੇਂ ਦੀ ਚਾਲ ਚੱਲ ਨਾ ਸਕਾਂ ਸਮਾਂ ਦੌੜੇ ਛਾਲਾਂ ਮਾਰ
ਨਿੱਤ ਨਵੇਂ ਨਵੇਲੇ ਜਲਵੇ ਸਮਝਾਂ ਨਾ ਸਮੇਂ ਦੀ ਧਾਰ
ਦੂਸਰਿਆਂ ਤੋਂ ਪੁੱਛ ਪਿੱਛੇ ਚੱਲਾਂ ਹੋਇਆ ਮੈਂ ਲਾਚਾਰ
ਨਕੰਮਾਂ ਜਾਣਾ ਆਪ ਨੂੰ ਨਾਸਮਝ ਨਾ ਦੁਨਿਆਂਦਾਰ
ਮਾਯੂਸ ਹੋਈ ਜਿੰਦਗਾਨੀ ਖ਼ੁਸ਼ੀ ਖੁਸੀ ਥੱਕ ਬੈਠਾ ਮੈਂ ਹਾਰ
ਸੋਚਾਂ ਇਹ ਕੋਈ ਗੱਲ ਨਾ ਬਣੀ ਜਿੰਦ ਰਹਿ ਗਈ ਬੇਕਾਰ
ਹਿੰਮਤ ਕਰ ਹੌਂਸਲਾ ਜਤਾਇਆ ਸੋਚਿਆ ਕਰਾਂ ਕੋਈ ਚਾਰਾ
ਸੂਝ ਬੂਝ ਤੰਦੁਰੁਸਤੀ ਬਖ਼ਸ਼ੀ ਸਮਝ ਨਾ ਆਪ ਨੂੰ ਬੇਕਾਰਾ
ਚੱਲ ਉੱਠ ਸੈਰ ਕਰ ਵੇਖ ਦੁਨਿਆਂ ਦੀ ਬਿਹਾਰ
ਛੱਡ ਪੁਰਾਣੇ ਗਿਲੇ ਗੁੱਸੇ ਭਾਲ ਪੁਰਾਣੇ ਯਾਰ
ਖ਼ੁਸ਼ੀ ਵਿੱਚ ਲਿਖ ਖ਼ੁਸ਼ੀ ਵਿੱਚ ਗਾ ਕਰ ਸੱਭ ਨੂੰ ਪਿਆਰ
ਸੋਚ ਦੀ ਮੋਚ ਗਈ ਬੇਲਗਾਂਮ ਨੱਠੇ ਮੇਰੇ ਵਿਚਾਰ
ਖ਼ੁਸ਼ੀ ਬਾਂਚੋ ਖ਼ੁਸ਼ੀ ਲਾਧੋ ਇਹੀ ਸੁੱਖ ਦਾ ਆਧਾਰ
ਮੰਨ ਇਹ ਸਲਾਹ ਜੱਸੇ ਦੀ ਜੱਸਾ ਸੱਚਾ ਸਲਾਹਕਾਰ
No comments:
Post a Comment