ਜੱਸੇ ਖੁਸ਼ੀ ਪਾਈ
ਬਹੁਤ ਦਿੱਤਾ ਰਬ ਨੇ ਭਰੇ ਰਹੇ ਹਸ਼ੇਮਾਂ ਹੱਥ
ਮਾੜੀ ਨੀਤ ਜੱਸੇ ਦੀ ਜੱਸੇ ਨੂੰ ਨਾ ਆਏ ਰੱਜ
ਵੱਡੀਆਂ ਕਾਰਾਂ ਵੱਡੇ ਅਮੀਰਾਂ ਦੇ ਬੰਗਲੇ ਵੇਖ ਜੱਸਾ ਜਲੇ
ਜੋ ਕਾਰ ਕੋਠੀ ਆਪ ਕੋਲ ਉਨ੍ਹਾਂ ਦੀ ਕਦਰ ਨਾ ਕਰੇ
ਪਰਾਈ ਨਾਰੀ ਜੱਸੇ ਨੂੰ ਪਿਆਰੀ ਪਰਾਈ ਤੇ ਰੱਖੇ ਅੱਖ
ਤੱਕ ਸੋਹਣਾ ਮੁਖੜਾ ਜੱਸੇ ਦਾ ਬਦਨ ਜਾਏ ਭੱਖ
ਨਾਮੀ ਸਾਨੀ ਬੰਦੇ ਵਰਗੀ ਜੱਸਾ ਸ਼ੌਹਰਤ ਲੋਚੇ
ਕਿਵੇਂ ਜੱਗ ਵਿਚ ਨਾਂ ਰੌਸ਼ਨ ਹੋਏ ਸਕੀਮਾਂ ਸੋਚੇ
ਸਾਧੂ ਕਹਿਲਾਣਾ ਚਾਹੇ ਚਾਹੇ ਉਨ੍ਹਾਂ ਜਿਨਾ ਗਿਆਨ
ਅੱਧਾ ਸ਼ਬਦ ਰੱਟ ਕੇ ਸਮਝੇ ਆਪ ਨੂੰ ਵਿਦਵਾਨ
ਸੱਚ ਪਰ ਧੇਲੇ ਦੀ ਅਕਲ ਨਾ ਜੱਸਾ ਮੂੜ ਅਣਜਾਣ
ਕੋਈ ਜੱਸੇ ਨੂੰ ਸਮਝਾਏ
ਉੱਡਦੇ ਨੂੰ ਜ਼ਮੀਨੇ ਲੈ ਆਏ
ਨਾ ਤੂੰ ਅਫ਼ਲਾਤੂੰ ਨਾ ਫ਼ਨੇ ਖਾਂ ਨਾ ਹੀ ਰੱਬ ਰਤਿਆ
ਖ਼ਾਸ ਨਹੀਂ ਆਮ ਹੈ ਮਸਕੀਨ ਜਨ ਬਣ ਜੀ ਜੱਸਿਆ
ਇਹ ਗੱਲ ਜੱਸੇ ਹੈ ਮਨ ਜਚੀ ਭਾਈ
ਸੁਖੀ ਹੋਇਆ ਜੱਸਾ ਜੱਸੇ ਖੁਸ਼ੀ ਪਾਈ
No comments:
Post a Comment