ਜੱਸਾ ਹੋਏ ਮਸ਼ਹੂਰ
ਮੈਂ ਮਸਕੀਨ ਨਾ ਕਰਨਹਾਰ ਕਲਮ ਮੇਰੀ ਕਰੇ ਕਮਾਲ
ਜੋ ਜੋ ਪੜੇ ਹੋਏ ਨਿਹਾਲ
ਸਾਦੇ ਲਫ਼ਜ਼ ਸਾਦੀ ਸ਼ੈਲੀ ਜੱਸਾ ਕਵਿਤਾਵਾਂ ਪਰੋਏ
ਬਾਹਰ ਨਾ ਕਿਸੇ ਦੀ ਸਮਝੋਂ ਪੜ ਉਹ ਖੁਸ਼ ਹੋਏ
ਮੇਰੇ ਜਹਾਨ ਵਿੱਚ ਜਿੰਦ ਬਾਰੇ ਐਸਾ ਕੁੱਛ ਲਿਖੇ
ਸੱਭ ਨੂੰ ਖੁਦ ਦੇ ਜੀਣੀ ਦੀ ਝਲਕ ਉਸ ਵਿਚੋਂ ਦਿਖੇ
ਮੇਰੇ ਵਿਚਾਰ ਵਿੱਚ ਕੁੱਛ ਚੰਗੇ ਰੱਖੇ ਵਿਚਾਰ
ਪੜਣ ਵਾਲਾ ਸੋਚੇ ਇਹ ਮੇਰੀ ਸੋਚ ਮੈਂ ਇੰਝ ਸੋਚਾਂ ਯਾਰ
ਮੇਰੇ ਹਾਸੇ ਪੜ ਵੱਖੀ ਪੈਣ ਖਲਿਆਂ
ਹੱਸ ਹੱਸ ਹਾਸੇ ਦੇ ਹੰਝੂ ਭਰ ਔਣ ਅਖੀਆਂ
ਮੇਰੇ ਪਿਆਰ ਵਿੱਚ ਪਿਆਰ ਭਰੇ ਦਿਲੋਂ ਗੀਤ
ਸ਼ੁਕਰ ਵਿੱਚ ਰੱਬ ਦਾ ਕਰੇ ਚੰਗਾ ਮਿਲਿਆ ਮੀਤ
ਜਹਾਨ ਵੇਖੋ ਕਰੋ ਵਿਚਾਰ
ਹੱਸ ਲਵੋ ਤੇ ਕਰੋ ਪਿਆਰ
ਪੜੋ ਜੱਸੇ ਨੂੰ ਪੜ ਕੇ ਲੈ ਲਓ ਜੀਣ ਦਾ ਮਜ਼ਾ
ਕਿਸ ਦੀ ਕਿਸ ਵੇਲੇ ਰੱਬ ਸੁਣੇ ਜੱਸੇ ਲਈ ਕਰੋ ਦੁਆ
ਪਸੰਦ ਹੋਣ ਤਾਂ ਜੱਗ ਨੂੰ ਦੱਸੋ ਜ਼ਰੂਰ ਹਜ਼ੂਰ
ਸ਼ਾਇਦ ਮਹਿਰ ਪੈ ਜਾਏ ਜੱਸਾ ਹੋਏ ਮਸ਼ਹੂਰ
No comments:
Post a Comment