104 ਪੀ ਸੀ
ਸਤਰ ਜੂਨ ਮਹੀਨੇ ਛਾਤੀ ਖੰਭ ਪਾਈਲਟ ਦਾ ਦਰਜ਼ਾ ਪਾਇਆ
ਤੰਨ ਮੰਨ ਜਾਨ ਦੇ ਦੇਸ਼ ਸੇਵਾ ਕਰਾਂਗੇ ਸ਼ਪਤ ਸੀ ਖਾਇਆ
ਗੱਭਰੂ ਸੀ ਅਸੀਂ ਜਵਾਨ ਛੈਲ ਛਬੀਲੇ
ਦਿਮਾਗੋਂ ਤੇਜ਼ ਤੰਨੋਂ ਫੁਰਤੀਲੇ ਇਰਾਦੇ ਤੋਂ ਜ਼ੋਸ਼ੀਲੇ
ਕਿਸੇ ਹੈਲੀਕਾਪਟਰ ਉਡਾਇਆ ਫਾਈਟਰ ਕਿਸੇ ਵਡਾ ਵਿਮਾਨ
ਜੋਸ਼ ਭਰੀ ਜਵਾਨੀ ਸਾਡੀ ਛੂਹ ਲਿਆ ਆਸਮਾਨ
ਕਾਬਲੀਅਤ ਮੁਤਾਬਿਕ ਨੌਕਰੀ ਕੀਤੀ ਕਈਂ ਉਚ ਕਮਾਨ
ਫਰਜ਼ ਨਿਭਾਉਂਦੇ ਕਈ ਦਿਤਾ ਜਾਣ ਦਾ ਬਲਿਦਾਨ
ਬਿਰਧ ਉਮਰੇ ਜਾਣ ਲੱਗੇ ਦਿਲ ਹੋਵੇ ਉਦਾਸ
ਸੁਣੀ ਓਹ ਸੁਣਨ ਵਾਲੇ ਮੇਰੀ ਦਿਲੋਂ ਫ਼ਰਿਆਦ
ਤੇਰੇ ਕੋਲ ਦੋ ਪਹੁੰਚੇ ਰੱਖੀਂ ਉਨ੍ਹਾਂ ਨੂੰ ਪਾਸ
ਮੇਲ ਉਡੀਕਣ ਇਥੇ ਰੱਖੀਂ ਤੰਦਰੁਸਤ ਏਹ ਮੇਰੀ ਅਰਦਾਸ
ਵਾਰੀ ਆਈ ਚੱਲਣਾਂ ਪੈਂਣਾ ਜ਼ੋਰ ਮੇਰਾ ਨਾਂ ਤੇਰਾ
ਬਚੇ ਦਿਨ ਸੁਹੇਲੇ ਕੱਟਣ ਸੁਖੀ ਚੜੇ ਹਰ ਸਵੇਰਾ
