ਮੇਰਾ ਗੁੱਸਾ
ਜਦੋਂ ਮੈਨੂੰ ਗੁੱਸਾ ਚੜ੍ਹਦਾ
ਐਰੇ ਗੈਰੇ ਆਪਣੀਆਂ ਨਾਲ ਮੈਂ ਲੜਦਾ
ਹੋਰ ਕਿਸੇ ਤੇ ਮੇਰਾ ਜ਼ੋਰ ਨਾ ਚਲਦਾ
ਬੀਵੀ ਬੇਚਾਰੀ ਤੇ ਮੈਂ ਚੜ੍ਹਦਾ
ਬੀਵੀ ਮੇਰੀ ਅੱਗੋਂ ਸ਼ੇਰਨੀ
ਗੱਲਾਂ ਨਾਲ ਔਖੀ ਘੇਰਨੀ
ਇੱਕ ਦੀਆਂ ਸੌ ਸੌ ਸੁਣਾਵੇ
ਗਿਣ ਗਿਣ ਮੁੱਢੋਂ ਗਲਤੀਆਂ ਗਣਾਵੇ
ਜੀ ਕਰੇ ਘਰੋਂ ਨਸ ਜਾਵਾਂ
ਪਰ ਜਾਵਾਂ ਤੇ ਕਿੱਥੇ ਜਾਵਾਂ
ਆਖ਼ਰ ਇਸ ਘਰ ਹੀ ਰਹਿਣਾ
ਆਪਣੇ ਕੀਤੇ ਦਾ ਆਪ ਹੀ ਸਹਿਣਾ
ਮਾਰ ਖਾ ਹਾਰ ਖਾ ਮੈਂ ਕੰਨ ਫੜ੍ਹਾਂ
ਇਸ ਤਰ੍ਹਾਂ ਮੈਂ ਫਿਰ ਬਚਾਂ
ਠੰਡਾ ਸਮਾਂ ਕੁੱਝ ਲੰਘ ਜਾਂਦਾ
ਡਰਾਂ ਅਗਲਾ ਦੌਰਾ ਕਦ ਆਂਦਾ
ਸਿਖਾਂ ਨਾ ਓਹਿਓ ਗਲਤੀ ਬਾਰ ਬਾਰ ਕਰਾਂ
ਸੁਧਰਿਆ ਨਾ ਜਿੰਦ ਜੀ ਐਸੇ ਤਰ੍ਹਾਂ
ਕਦੋਂ ਮੈਨੂੰ ਅਕਲ ਆਊ
ਸਬਰ ਭਰਿਆ ਦਾਨਾ ਸਾਨਾ ਸਾਊ
ਹੁਣ ਲੱਭ ਲਿਆ ਅਸੀਂ ਬਹਾਨਾ
ਯਾਦ ਕਰਾਂ ਉਸ ਨੂੰ ਰੋਜ਼ਾਨਾ
ਮੇਰੀ ਫਿਤਰਤ ਉਸ ਬਣਾਈ
ਮੇਰਾ ਗੁੱਸਾ ਮੇਰੇ ਵੱਸ ਨਾ ਭਾਈ
ਬਰੀ ਆਪ ਤੋਂ ਹੋਇਆ,ਖੁਸ਼ੀ ਪਾਈ
No comments:
Post a Comment