ਲੋੜੀ ਦੀ ਖੁਸ਼ੀ ਸੋਚ
ਲੋੜੀ ਦੀ ਸੋਚ ਸੋਚ ਇਕ ਸੋਚ ਮਨ ਆਈ
ਇਹ ਸੋਚ,ਲੋਹੜੀ ਖੁਸ਼ੀ ਭਰੀ ਅਸੀਂ ਮਨਾਈ
ਕਿਓਂ ਮੇਰਾ ਦਿਮਾਗ ਸੋਚਦਾ ਰਹਿੰਦਾ
ਕਿਓਂ ਨਹੀਂ ਉਹ ਆਰਾਮ ਨਾਲ ਬਹਿੰਦਾ
ਜਾਗਦਾ ਸੋਚੇ ,ਸੌਂਦਾ ਸੋਚੇ,ਸੋਚੇ ਦਿਨ ਰਾਤ
ਲਖ ਸੋਚੋ,ਕਰੋੜ ਸੋਚੇ,ਸੋਚ ਦੀ ਨਾ ਘਾਟ
ਗਮੀ ਸੋਚੇ, ਦੁੱਖ ਸੋਚੇ,ਹਾਸੇ ਦੀ ਨਾ ਸੋਚੇ ਬਾਤ
ਸੌ ਬਾਰ ਸੋਚਿਆ ਪਾਂਵਾਂ ਸੋਚ ਤੇ ਲੁਗਾਮ
ਸੋਚ ਕਾਬੂ ਤੋਂ ਬਾਹਰੀ,ਬਣਿਆਂ ਮੈਂ ਉਸ ਦਾ ਗੁਲਾਮ
ਜੇ ਇਹ ਮੇਰੀਆਂ ਸੋਚਾਂ,ਕਿਓਂ ਨਾ ਮੰਨਣ ਮੇਰਾ ਕਹਿਣਾ
ਫਿਰ ਸੋਚਾਂ, ਸੁਲਾਹ ਕਰ ਲਈਏ ਆਖਰ ਇਨ੍ਹਾਂ ਨਾਲ ਰਹਿਣਾ
ਇਹ ਸੋਚ ਜੋ ਸੋਚਾਂ,ਸੌਖਾ ਉਨ੍ਹਾ ਨੂੰ ਸਹਿਣਾ
ਹੁਣ ਦੁੱਖ ਦੀ ਸੋਚ ਜਦੋਂ ਸਤਾਏ
ਦਿਲ ਵਿੱਚ ਦਰਦ ਉਹ ਸੋਚ ਜਗਾਏ
ਕਿਤੀ ਬਾਵਾਕੂਫੀ ਯਾਦ ਕਰ,ਮੈਂ ਹਸ ਜਾਂਵਾਂ
ਇਸ ਤਰ੍ਹਾਂ ਦੁਖਦਹੀ ਸੋਚ ਤੋਂ ਛੁਟਕਾਰਾ ਮੈਂ ਪਾਂਵਾਂ
ਹੁਣ ਸੋਚ ਆਪਣੀ ਤੋਂ ਨਹੀਂ ਮੈਂ ਤੰਗ
ਕਿਸ ਰਾਹ ਸੋਚ ਨੂੰ ਪੌਣਾ, ਆ ਗਿਆ ਢੰਗ
ਇਹ ਮੇਰੀ ਸੋਚ ਠੀਕ ਹੈ ਜਾਂ ਖਰਾਬ
ਕਰੀਏ ਨਾ ਸਵਾਲ,ਨਾ ਚਾਹੀਏ ਜਬਾਬ
ਮੇਰੀ ਹੀ ਹੈ ਇਹ ਸੋਚ, ਇਹ ਅਟੱਲ ਸਚਾਈ
ਸੋ ਖੁਸ਼ ਰਹੋ ਆਪਣੀ ਸੋਚ ਨਾਲ ਸੁੱਖ ਪਾਓ ਭਾਈ
No comments:
Post a Comment