ਫੱਲ ਲਧਿਆ ਅੰਬ
ਅੰਬ ਲਧਿਆ ਫੱਲ ਨਾਲ ਟਾਹਣੀਓਂ ਨੀਚਾ ਹੋਈ
ਕਿੱਕਰ ਚੁੱਭਮਿਆਂ ਸੂਲਾਂ ਲੈ ਝੁਕੇ ਨਾ ਕੋਈ
ਭਰਿਆ ਭਾਂਡਾ ਅੰਨ ਦਾ ਭੁੱਖੇ ਦੀ ਭੁੱਖ ਦੂਰ ਕਰੇ
ਖਾਲੀ ਭਾਂਡਾ ਐਵੇਂ ਖੜ੍ਹਕੇ ਐਂਵੇਂ ਸ਼ੋਰ ਕਰੇ
ਗੁਣ ਗਿਆਨੀ ਪੁਰਖ ਨਮਰਤਾ ਵਿੱਚ ਸ਼ੀਸ਼ ਨਿਵਾਏ
ਮੁਗਧਾਰੀ ਗਵਾਰ ਹਉਮੈ ਆਕੜੇ ਫੁੱਲਾ ਨਾ ਸਮਾਏ
ਪਿਆਰ ਵਾਲਾ ਦਿਲ ਮਹਿਰ ਕਰੇ ਕੰਮ ਨਾ ਕਰੇ ਕਠੋਰ
ਪੱਥਰ ਦਿਲ ਜਬਰ ਕਰੇ ਪਾਏ ਮਾੜੀਆਂ ਤੇ ਜੋਰ
ਕਿਰਤ ਕਰੇ ਵੰਡ ਛਕੇ ਨਾਮ ਜਪੇ ਉਹ ਹੈ ਰੱਬ ਦਾ ਬੰਦਾ
ਰੱਬ ਨੂੰ ਭੁੱਲਿਆ ਠੱਗੀ ਸਵਾਰਥੀ ਜਨ ਜਾਣੋ ਸੱਭ ਤੋਂ ਮੰਦਾ
ਅਰਦਾਸ ਮੇਰੀ ਦੇਵਣਹਾਰ ਅੱਗੇ ਅੰਬ ਵਾਂਗਰ ਫਲਦਾਰ ਮੈਨੂੰ ਬਣਾ
ਭੰਡਾਰ ਭਰਿਆ ਭਾਂਡਾ ਗੁਣ ਗਿਆਨੀ ਮੇਰੇ ਅੰਦਰ ਰੌਸ਼ਨੀ ਪਾ
ਕਿਰਤ ਕਰਾਂ ਵੰਡ ਛਕਾਂ ਨਦਰ ਕਰ ਨਾਮ ਤੂੰ ਆਪਣਾ ਜਪਾ
No comments:
Post a Comment