ਪੀਣ ਦੇ ਮੌਕੇ ਉਡੀਕੇ
ਜੱਸਿਆ ਚੰਗੇ ਨਹੀਂ ਤੇਰੇ ਤੌਰ ਤਰੀਕੇ
ਕਰੇਂ ਖ਼ਰਾਬੀ ਦਾਰੂ ਦੇ ਦੋ ਘੁਟ ਪੀ ਕੇ
ਸੂਫੀ ਤੂੰ ਇੱਕ ਬੀਬਾ ਬੰਦਾ
ਸ਼ਰਾਬੀ ਹੋ ਤੂੰ ਕਰੇਂ ਦੰਗਾ
ਸ਼ਰਾਬ ਪੀ ਮਾਰੀ ਜਾਏ ਤੇਰੀ ਮਤ
ਸ਼ਰਾਬ ਪੀ ਤੋੜਾਈ ਅਪਣੀ ਲਤ
ਸ਼ਰਾਬ ਪੀਤੀ ਤੂੰ ਚੌਬਾਰੇ ਚੜ੍ਹ ਕੇ
ਬਿਲਿਓਂ ਸ਼ੇਰ ਬਣ ਮਾਰੇਂ ਬੜ੍ਹਕੇਂ
ਰੋਬ ਪੌਣ ਲਈ ਬੀਬੀ ਤੇ ਘੜ੍ਹਕੇਂ
ਬੀਬੀ ਤੇਰੀ ਨੂੰ ਗੁੱਸਾ ਚੜ੍ਹਿਆ
ਬੇਲਣ ਉਸ ਹੱਥ ਵਿਚ ਫ਼ੜਿਆ
ਯਾਦ ਆਈ ਤੈਨੂੰ ਪਿਛਲੀ ਪਿਟਾਈ
ਪਤਾ ਨਹੀਂ ਕੀ ਤੇਰੇ ਮਨ ਆਈ
ਪੰਛੀ ਵਾਂਗ ਬਾਹਾਂ ਹਿਲਾ ਚੁਬਾਰਿਓਂ ਛਲਾਂਗ ਲਗਾਈ
ਵੇਹੜੇ ਗਿਰਿਆ ਇਕ ਲਤ ਤੋੜਾਈ
ਜਦ ਪੁੱਛਿਆ ਕਿਉਂ ਕੀਤਾ ਇਹ ਭਾਈ
ਸ਼ਰਾਬੀ ਮੈਂ ਸੋਚਿਆ ਮੈਂ ਉੜ ਸਕਦਾ
ਉੜ ਕੇ ਉਥੋਂ ਬੀਬੀ ਹੱਥੋਂ ਮੈਂ ਬਚਦਾ
ਸਬਕ ਨਹੀਂ ਸਿੱਖਿਆ ਜੱਸਾ ਪੀਣ ਦੇ ਮੌਕੇ ਉਡੀਕੇ
ਬਾਜ ਨਾ ਆਏ ਖ਼ਰਾਬੀ ਕਰੇ ਜੱਸਾ ਦਾਰੂ ਪੀ ਕੇ
No comments:
Post a Comment