ਕੱਚੀ ਕੱਲੀ ਕਮਲ ਦੀ
ਕਮਲ ਦਾ ਇੱਕ ਫੁੱਲ ਖਿਲਦਾ ਵੇਖਿਆ
ਸੁਣੋ ਉਸ ਦੀ ਕਹਾਣੀ
ਬਾਲ ਉਮਰੋਂ ਵੱਧਦਾ ਵੇਖਿਆ
ਵੇਖੀ ਚੱੜਦੀ ਉਸ ਤੇ ਜਵਾਨੀ
ਸੁੱਚੀ ਉਹ ਦਿਲ ਦੀ ਸੱਚੀ
ਸੂਰਤ ਮੰਨ ਮਨ ਭੌਣੀ
ਦਿਮਾਗੋਂ ਤੇਜ਼ ਕੜੀ ਮਹਿਨਤ ਕਰ
ਕੀਤੀ ਉਸ ਉੱਚ ਪੜ੍ਹਾਈ
ਮਾਂ ਬਾਪ ਜਲਦੀ ਕੀਤੀ
ਛੋਟੀ ਉਮਰੇ ਵਿਆਹੀ
ਮੂਰਖ ਦਰਿੰਦਾ ਵਰ ਨਿਕਲਿਆ
ਜਿਸ ਕਦਰ ਨਾ ਉਸ ਦੀ ਪਾਈ
ਸੁਣ ਉਸ ਦੀ ਦਰਦ ਭਰੀ ਦਾਸਤਾਂ
ਦਿਲ ਮੇਰਾ ਹੋਇਆ ਉਦਾਸ
ਸੱਚੇ ਦਿਲੋਂ ਉਸੇ ਖੁਸ਼ ਕਰਨਾ ਚਾਹਿਆ
ਰੱਬ ਅੱਗੇ ਕੀਤੀ ਅਰਦਾਸ
ਸੋਚਦੇ ਸੋਚਦੇ ਪਤਾ ਨਾ ਚੱਲਾ
ਆਇਆ ਉਸ ਲਈ ਪਿਆਰ
ਬੇ -ਕਾਬੂ ਦਿਲ ਮੇਰਾ ਹੋਇਆ
ਬਣਿਆ ਉਸ ਦਾ ਯਾਰ
ਉਹ ਕੱਚੀ ਕੱਲੀ ਤੂੰ ਪੱਕੀ ਉਮਰੇ ਕੀ ਮੈਂ ਪਾਪ ਕਰਾਂ
ਮਨ ਉੱਠੇ ਕਰੋੜ ਸਵਾਲ
ਰੋਕ ਨਾ ਸਕਿਆ ਜ਼ਾਹਰ ਕੀਤਾ ਉਸ ਹਾਂ ਕੀਤੀ
ਰੂਹ ਮੇਰੀ ਹੋਈ ਨਿਹਾਲ
ਉਸ ਨੂੰ ਖੁਸ਼ੀਆਂ ਦੀ ਸੱਚੀ ਖਵਾਇਸ਼
ਸੱਚਾ ਮੇਰਾ ਪਿਆਰ
ਤੇਰੀਂ ਨਜਰੀਂ ਜੇ ਇਹ ਪਾਪ ਆ ਰੱਬਾ ਮੈਂਨੂੰ ਬਖ਼ਸ਼ੀਂ
ਤੂੰ ਬਖ਼ਸ਼ੰਦ ਮੇਰੇ ਬਖ਼ਸ਼ਣਹਾਰ
No comments:
Post a Comment