ਹੋਰ ਚਾਹਾਂ ਨਾ ਚਾਹਾਂ
ਚਾਹਾਂ ਮੇਰੀਆਂ ਬੁਲੰਦ ਮਨ ਮੇਰਾ ਕਮਜ਼ੋਰ
ਲਲਚਾਂਵਾਂ ਸੱਬ ਕੁੱਛ ਲਈ ਚਾਹਾਂ ਤੇ ਨਾ ਚੱਲੋ ਜੋਰ
ਇੱਕ ਚਾਹ ਪੂਰੀ ਹੋਈ ਖੜ੍ਹੀ ਹੋਈ ਇਕ ਹੋਰ
ਚਾਹਿਆ ਧੰਨ ਕੱਠਾ ਕਰ ਬਣੀਏ ਅਸੀਂ ਸ਼ਾਹ
ਘਾਲ ਕੀਤਾ ਜਵਾਨੀ ਰੋਲੀ ਲਿਆ ਨਾ ਸਾਹ
ਬੁਰੀ ਬਿਮਾਰੀ ਨੇ ਆ ਢਾਹਿਆ ਕੰਮ ਨਾ ਆਇਆ ਧੰਨ
ਮਾਇਆ ਨਾਲੋਂ ਸਹਿਤ ਚੰਗੀ ਸੱਚ ਲਿਆ ਅਸੀਂ ਮਨ
ਮੋਹ ਮਾਇਆ ਲੋਚਨੀ ਛੱਡੀ ਲਾਇਆ ਉਸ ਵਿੱਚ ਧਿਆਨ
ਵੇਦ ਕਤੇਬ ਸ਼ਾਸਤ੍ਰ ਸੱਭ ਪੜ੍ਹ ਪਾਇਆ ਅਸੀਂ ਗਿਆਨ
ਸਾਧ ਆਪ ਨੂੰ ਸਮਝਣ ਲੱਗੇ ਆਇਆ ਮਨ ਘੁਮਾਣ
ਸੁੰਦਰ ਤੀਂਵੀਂ ਨਾਲ ਨਜ਼ਰ ਮਿਲੀ ਉਸ ਤੇ ਦਿੱਲ ਆਇਆ
ਤੱਪਸਿਆ ਸਾਡੀ ਭੰਗ ਹੋਈ ਸਾਡਾ ਸੁੱਤਾ ਕਾਮ ਜਗਾਇਆ
ਬੁਲੰਦੀਆਂ ਲਈ ਨਹੀਂ ਬਣੇ ਅਸੀਂ ਸਧਾਰਨ ਅਸੀਂ ਸਮਝ ਆਇਆ
ਉੱਚੀਆਂ ਚਾਹਾਂ ਤਿਆਗ ਛੋਟੀਆਂ ਚਾਹਾਂ ਮੈਂ ਚਾਹਵਾਂ
ਤਨ ਮਨ ਦੀ ਤੰਦੁਰੁਸਤੀ ਚਾਹਾਂ ਚਾਹਾਂ ਚੋਪੜੀ ਰੋਟੀ ਖਾਂਵਾਂ
ਅਪਣਿਆਂ ਦਾ ਪਿਆਰ ਮਿਲੇ ਸਤਿਕਾਰ ਉਨ੍ਹਾਂ ਦਾ ਮੈਂ ਪਾਂਵਾਂ
ਚਾਹਾਂ ਮੇਰੀਆਂ ਬੁਲੰਦ ਨਾ ਹੋਣ ਮਨ ਨਾ ਹੋਏ ਕਮਜ਼ੋਰ
ਛੋਟੀਆਂ ਚਾਹਾਂ ਪੂਰੀਆਂ ਹੋਣ ਚਾਹਾਂ ਨਾ ਮੈਂ ਚਾਹਾਂ ਹੋਰ
No comments:
Post a Comment