ਇਹ ਵਾਰੀ ਗਈ ਗਵਾਚੀ
ਦਿਮਾਗ ਮੇਰਾ ਪਾਪ ਭਰਿਆ ਪਾਪ ਕਰਾਂ ਤੋਂ ਨਾ ਡਰਾਂ
ਪਾਪ ਇਹ ਨਹੀਂ ਚੰਗਾ ਜਾਣਾ ਫਿਰ ਵੀ ਪਾਪ ਕਰਾਂ
ਕੋੜੇ ਮਾਰਨਗੇ ਜਮ ਦੇ ਦੂਤ ਦਰਗਾਹੇ ਮਿਲੂ ਸਜਾ
ਦਿਮਾਗ ਸੋਚੇ ਤੱਦ ਦੀ ਤੱਦ ਦੇਖੀ ਜਾਊ ਅੱਜ ਲੈ ਮਜ਼ਾ
ਦਿਲ ਦਾ ਮੇਰਾ ਲਾਲਚ ਪੂਰਾ ਨਾ ਹੋਏ ਦੂਸਰਿਆਂ ਦਾ ਹੜੱਪਾਂ ਹੱਕ
ਬਖਸ਼ੌਂਣ ਲਈ ਕੁਕਰਮ ਅਪਣੇ ਚੜ੍ਹਾਵਾ ਚੜਾ ਨਾਮ ਦਾ ਕਰਾਂ ਜੱਪ
ਦੋਸਤੀ ਪਾਂਵਾਂ ਮਤਲਵ ਲਈ ਲੇਂਝ ਬਣ ਚਿਪਕਾਂ
ਉੱਲੂ ਅਪਣਾ ਸਿੱਧਾ ਕਰ ਬਾਂਹ ਛੱਡਾ ਓਥੋਂ ਖਿਸਕਾਂ
ਸੁੰਦਰ ਮੁਖੜਾ ਤੱਕ ਤਨ ਵਿੱਚ ਡਾਡੀ ਹਵਸ ਜਾਗੇ
ਛੱਲ ਕਪਟ ਕਰ ਫਸਾਂਵਾਂ ਮਜ਼ਾ ਲਵਾਂ ਹੁਸਨ ਨੂੰ ਪਾ ਕੇ
ਐਨੇ ਅਵਗੁਣ ਲੈ ਕੇ ਚੱਲਾਂ ਮਨ ਨਾ ਕਰ ਸਕਿਆ ਸਾਫ
ਜਾਣਾ ਕੀਤੇ ਦੀ ਸਜਾ ਮਿਲੂ ਕੋਈ ਨਾ ਕਰੂ ਮੈਨੂੰ ਮਾਫ਼
ਘੋਰ ਨੇਰਾ ਮੇਰੇ ਅੰਦਰ ਵਿੱਚ ਦਿਖੇ ਆਸ ਦੀ ਮੈਨੂੰ ਇੱਕ ਚੰਗਿਆੜੀ
ਇਹ ਵਾਰ ਤਾਂ ਗਈ ਗਵਾਚੀ ਸ਼ਾਇਦ ਰਾਸ ਆਊ ਕੋਈ ਅਗਲੀ ਵਾਰੀ
No comments:
Post a Comment