Thursday, November 12, 2026

ਅਵਗੁਣ ਕਰੂਗਾ ਅਣਡਿੱਠੇ p5

                        ਅਵਗੁਣ ਕਰੂਗਾ ਅਣਡਿੱਠੇ 


ਗੁਣਕਾਰੀ ਜਦ ਵੰਡੇ ਗੁਣ ਮੈਨੂੰ ਘੱਟ ਦਿੱਤੇ

ਗਨੇ ਨਾ ਜਾਣ ਜੋ ਅਵਗੁਣ ਆਏ ਮੇਰੇ ਹਿੱਸੇ 

ਅਵਗੁਣ ਮੇਰੇ ਮੂਹਰੇ ਔਣ ਗੁਣ ਮੇਰੇ ਕਿਸੇ ਨਾ ਡਿੱਠੇ 

ਜੁਬਾਨ ਮੇਰੀ ਕੌੜੀ ਤੇ ਤਿੱਖੀ ਛੁਰੀ ਦਾ ਵਾਰ ਕਰੇ 

ਲੋਭੀ ਲਾਲਚੀ ਮਨ ਮੇਰਾ ਪੈਸੇ ਨਾਲ ਨਾ ਭਰੇ 

ਹਵਸ ਮੇਰਾ ਭਾਰੀ ਸੋਹਣੇ ਮੁੱਖ ਤੇ  ਅੱਖ ਮੰਡਰਾਵੇ  

ਢੋਰੇ ਪਾ ਫ਼ਸਾਂਵਾਂ ਸ਼ਰਮ ਹਿਆ ਮੈਨੂ ਕੋਈ ਨਾ ਆਵੇ 

ਸੁਧਰਨ ਦੀ ਕੋਈ ਚਾਹ ਨਾ ਮਨੇ ਆਈਆਸ਼ੀ ਚ ਮਜ਼ਾ ਪਾਵੇ 

ਜੱਗ ਦਾ ਰੱਬ ਦਾ ਦਿਲੇ ਖ਼ੌਫ਼ ਨਾ ਕੋਈ ਮਰਜ਼ੀ ਅਪਣੀ ਕਰਾਂ

ਪਾਪੀ ਮੈਂ ਪਾਪ ਬਾਰੇ ਨਾ ਸੋਚਾਂ ਪਾਪ ਕਰਨੋ ਨਾ ਰਤਾ ਡਰਾਂ  

ਜੇ ਕਿਤੇ ਕੋਈ ਲੇਖਾ ਪੁੱਛੂ ਕਹਾਂਗਾ ਮੈਂ ਕੌਣ ਮੈਂ ਨਹੀਂ ਕਰਨੇਯੋਗ

ਜੋ ਉਸ ਬਣਾਇਆ ਬਣ ਚੱਲਿਆ ਜੋ ਉਹ ਕਰਾਏ ਸੋ ਹੀ ਹੋਗ

ਐਨੇ ਮੈਨੂੰ ਅਵਗੁਣ ਲਾਏ ਮੈਂਨੂੰ ਪਤਾ ਨਹੀਂ ਕਿਸ ਲਈ 

ਬੁੱਧੀ ਵੀ ਪੂਰੀ ਨਾ ਦਿੱਤੀ ਜਾਣ ਨਾ ਸਕਾਂ ਕੀ ਗ਼ਲਤ ਕੀ ਸਹੀ 

ਅਵਗੁਣ ਜੱਸੇ ਦੇ ਹੁਕਮ ਉਸ ਦਾ ਕਾਰਜ ਉਸ ਦੇ ਲੱਗਣ ਮਿੱਠੇ 

ਪ੍ਰਿਤਪਾਲ ਕ੍ਰਿਪਾਲ ਦੀਨ ਦਿਆਲ ਮੇਰੇ ਅਵਗੁਣ ਕਰੂਗਾ ਅਣਡਿੱਠੇ 


 




No comments:

Post a Comment