ਕਿਸਮਤ ਲਿਖਿਆ ਪਿਆਰ
ਪਿਆਰ ਮੇਰੀ ਕਿਸਮਤ ਲਿਖਿਆ ਪਿਆਰ ਮੈਂ ਕਰਦਾ ਗਿਆ
ਜਹਾਨ ਕਹੇ ਪਿਆਰ ਪਾਪ ਹੈ ਮੈਂ ਮੰਨਾ ਪਿਆਰ ਨਹੀਂ ਖਤਾ
ਪਿਆਰ ਮੇਰੇ ਦਿਲ ਵਸੇ ਵਸੇ ਨਾ ਦਿਲੇ ਕੋਈ ਵੈਰ
ਪਿਆਰ ਵਿੱਚ ਨਫ਼ਰਤ ਨਾ ਜਾਗੇ ਬੰਦਾ ਹੋਏ ਨਿਰਵੈਰ
ਪਿਆਰ ਵਿੱਚ ਸਭ ਜਨ ਅਪਣੇ ਲੱਗਣ ਦਿਸੇ ਨਾ ਕੋਈ ਗੈਰ
ਪਿਆਰ ਵਾਲਾ ਦਿਲ ਬੁਰਾ ਨਾ ਸੋਚੇ ਮੰਗੇ ਸੱਭ ਦੀ ਖੈਰ
ਪਿਆਰ ਵਿੱਚ ਕਿਸੇ ਰਚਨਾ ਉਪਜਾਈ ਪਿਆਰ ਹੀ ਉਸ ਦਾ ਆਧਾਰ
ਪਿਆਰ ਹੀ ਜੀਣ ਦਾ ਮੱਕਸਦ ਪਿਆਰ ਹੀ ਜਿੰਦ ਦਾ ਸਾਰ
ਪਿਆਰ ਦੀ ਖੱਟ ਕਮਾਵਾਂ ਪਿਆਰ ਦਾ ਕਰਾਂ ਵਿਆਪਾਰ
ਨਾ ਡਰਾਂ ਜੱਗ ਕੀ ਕਹੇ ਪਿਆਰ ਅਪਣਾ ਕਰਾਂ ਮੈਂ ਜਾਹਰ
ਪਿਆਰ ਹੀ ਮੇਰੀ ਮੰਜ਼ਲ ਸਮਝਾਂ ਪਿਆਰ ਹੀ ਮੇਰੀ ਮਜ਼ਾਰ
ਕਰਦਾ ਰਿਹਾ ਮੈਂ ਪਿਆਰ ਪਿਆਰ ਵਿਚ ਬਣਾਏ ਯਾਰ
ਪਿਆਰ ਬਣੂ ਬੇੜਾ ਮੇਰਾ ਮੰਨਾ ਪਿਆਰ ਨਾਲ ਲੱਗੂੰ ਪਾਰ
ਪਿਆਰ ਮੈਂ ਕੀਤਾ ਹਰ ਖੁਸ਼ੀ ਹਰ ਸੁੱਖ ਝੋਲੀ ਮੇਰੀ ਪਿਆ
ਪਿਆਰ ਮੇਰੀ ਕਿਸਮਤ ਲਿਖਿਆ ਪਿਆਰ ਮੈਂ ਕਰਦਾ ਗਿਆ
Nice lines for all of us
ReplyDelete