ਗੁੜ ਨਾਲੋਂ ਮਿੱਠਾ ਪਿਆਰ
ਗੁੜ ਨਾਲੋਂ ਮਿੱਠਾ ਮੇਰਾ ਪਿਆਰ
ਹਰ ਘੜੀ ਹਰ ਪਲ ਆਏ ਯਾਦ
ਵਿਆਹ ਦੀ ਤਾਰੀਖ ਦੀ ਕਰਾਂ ਮੈਂ ਇੰਤਜ਼ਾਰ
ਲੰਬੇ ਲੱਗਣ ਦਿਨ ਕਦੋਂ ਮਿਲੂ ਮੇਰਾ ਯਾਰ
ਆਇਆ ਭਾਗਾਂ ਭਰਿਆ ਦਿਹਾੜਾ ਘੋੜੀ ਮੈਂ ਚੜਿਆ
ਚਾਅ ਵਿਚ ਚਾਰ ਲਾਂਵਾਂ ਲਈ ਲੱੜ ਉਸ ਮੇਰਾ ਫ਼ੜਿਆ
ਪਹਿਲੀਆਂ ਵਿੱਚ ਦਿਨ ਮੇਰੇ ਚੰਗੇ ਰਹੇ
ਗੁੱਸੇ ਜ਼ੁਲਮ ਮੇਰੇ ਉਸ ਚੁੱਪ ਨਾਲ ਸਹੇ
ਗ੍ਰਿਸਤ ਦਾ ਬੋਝ ਬਚਿਆਂ ਦੀ ਜਿੰਮੇਦਾਰੀ
ਰੁਲ ਗਈ ਘਰ ਦੇ ਝਮੇਲਿਆਂ ਵਿਚ ਬੇਚਾਰੀ
ਵੱਡੇ ਹੋਏ ਧੀ ਪੁੱਤ ਕਰ ਗਏ ਆਲਣਓਂ ਉਡਾਰੀ
ਬੁੱਢਾ ਹੋਇਆ ਸ਼ੇਰ ਉਹ ਸ਼ੇਰਨੀ ਬਣ ਆਈ
ਪੁੱਛੋ ਨਾ ਫਿਰ ਕਿੰਝ ਉਸ ਵਾਟ ਮੇਰੀ ਲਾਈ
ਅਕਲ ਵੀ ਮੈਂਨੂੰ ਆਈ
ਉਸ ਦੀ ਕਦਰ ਪਾਈ
ਵਿਆਹ ਤੋਂ ਪਹਿਲਾਂ ਅਸੀਂ ਸੀ ਗਵਾਰ
ਉਹ ਆਈ ਘਰ ਘਰ ਦਿਤਾ ਉਸ ਸੰਵਾਰ
ਅੱਗੋਂ ਬੋਲਣ ਦੀ ਹਿੰਮਤ ਨਾ ਮੈਂ ਬਣਿਆ ਜੋਰੂ ਦਾ ਗੁਲਾਮ
ਭਾਂਡੇ ਮਾਂਜ ਪੋਚਾ ਲਾ ਕਰਾਂ ਉਸ ਨੂੰ ਰੋਜ਼ ਸਤ ਸਲਾਮ
ਦਿੱਲ ਵਿੱਚ ਪਰ ਹਿਰਖ ਨਾ ਕੋਈ ਉਹ ਕਰੇ ਮੈਂਨੂੰ ਪਿਆਰ
ਬਿਨ ਉਸ ਜਿੰਦ ਗੁਜ਼ਾਰਾਂ ਸੋਚ ਨਾ ਮਨ ਆਏ ਕਦੀ ਯਾਰ
ਉਹ ਸਚਿਆਰੀ ਮੇਰੀ ਪਿਆਰੀ ਮੈਂ ਜਾਂਵਾਂ ਉਸ ਤੇ ਬਲਿਹਾਰ
No comments:
Post a Comment