ਬੀਵੀ ਹੋਵੇ ਕੈਸੀ
ਰੂਪ ਰੰਗ ਦੀ ਗੋਰੀ ਹੋਵੇ
ਨੈਣ ਨਖ਼ਸ਼ੋਂ ਸੋਹਣੀ ਹੋਵੇ
ਸ਼ਕਲੋਂ ਮਨਮੋਹਿਣੀ ਹੋਵੇ
ਕੱਦੋਂ ਨਾ ਲੰਮੀ ਨਾ ਛੋਟੀ ਹੋਵੇ
ਸ਼ਰੀਰੋਂ ਨਾ ਪਤਲੀ ਨਾ ਮੋਟੀ ਹੋਵੇ
ਬੀਵੀ ਹੋਵੇ ਤਾਂ ਐਸੀ ਹੋਵੇ
ਖਾਣਾ ਬਨੌਣ ਵਿੱਚ ਹੋਵੇ ਮਾਹਰ
ਗਿ੍ਸਥ ਚਲੌਣ ਵਿੱਚ ਹੋਵੇ ਹੋਸ਼ਿਆਰ
ਹੱਥ ਉਸ ਦਾ ਹੋਵੇ ਸਚਿਆਰ
ਮਮਤਾ ਦਾ ਉਸ ਵਿੱਚ ਹੋਵੇ ਭੰਡਾਰ
ਦਿਮਾਗੋਂ ਤੇਜ਼,ਦਿੱਲੋਂ ਨਰਮ,ਜੇਰਾ ਉਸ ਦਾ ਹੋਵੇ ਪਹਾੜ
ਬੀਵੀ ਹੋਵੇ ਤਾਂ ਐਸੀ ਹੋਵੇ
ਕਿਸਮੱਤ ਸੀ ਅਸੀਂ ਵੱਡਭਾਗੀ ਲਿਖਾਈ
ਐਸੀ ਹੀ ਬੀਵੀ ਸਾਡੇ ਭਾਗੀਂ ਆਈ
ਜਿਸ ਦਿਨ ਤੋਂ ਉਹ ਸਾਡੇ ਜੀਵਨ ਵਿੱਚ ਆਈ
ਸੂਝ ਬੂਝ ਨਾਲ ਜਿੰਦ ਸੁਧਾਰਣ ਤੇ ਉਸ ਮਹਿਨੱਤ ਲਾਈ
ਧਰਤੀ ਤੇ ਮੇਰੇ ਟੱਬਰ ਲਈ ਘਰ ਵਿੱਚ ਹੀ ਇੱਥੇ ਜਨਤ ਬਣਾਈ
ਐਸੀ ਹੀ ਮਿਲੀ ਬੀਵੀ ਜੈਸੀ ਸੀ ਅਸੀਂ ਮਨੋ ਚਾਹੀ
ਵੱਡਾ ਸਿਰਫ਼ ਇੱਕੋ ਹੀ ਫ਼ਿਕਰ,ਸਾਨੂੰ ਵੱਡ ਵੱਡ ਅੰਦਰੋਂ ਖਾਏ
ਐਨੇ ਐਬ ਮਨੇ ਲੈ ਕੇ ,ਕੀ ਅਸੀਂ ਉਸ ਲਈ ਖਰੇ ਉਤਰ ਪਾਏ
No comments:
Post a Comment