ਬੁੱਢਾ ਠੇਰਾ ਜੱਸਾ
ਮੈਂ ਬੁੱਢਾ ਪੰਜਾਬ ਦਾ ਜੱਸਾ ਮੇਰਾ ਨਾਮ
ਧੌਲੀ ਮੇਰੀ ਦਾੜੀ ਹੋ ਗਈ ਦਿੱਲ ਧੜਕੇ ਜਵਾਨ
ਇੱਕ ਦੌਰ ਜਵਾਨੀ ਦਾ ਸੀ ਆਸਮਾਨ ਨੂੰ ਪਾਏ ਸੀ ਜੱਫੇ
ਹੁਣ ਤਾਂ ਐਸਾ ਦੌਰ ਆਇਆ ਪੌੜੀ ਚੜ੍ਹਦਿਆਂ ਸਾਹ ਹੱਫੇ
ਭੂਗੋਲ ਵਿੱਚ ਦੇਸ਼ਾਂ ਦੇ ਨਾਂ ਇਤਹਾਸ ਦੀ ਤਾਰੀਖ ਕਰ ਲੈਂਦੇ ਸੀ ਯਾਦ
ਵਿਗਿਆਨ ਦੇ ਰਾਜ਼ ਸਮਝਦੇ ਸੀ ਸੌਖਾ ਲੱਗਦਾ ਸੀ ਹਿਸਾਬ
ਭੁੱਲ ਭੁੱਲ ਜਾਈਏ ਲੱਭ ਨਾ ਪਾਈਏ ਯਾਦਾਸ਼ਤ ਹੋਈ ਖ਼ਰਾਬ
ਸੁੰਦਰ ਚੇਹਰਾ ਤੱਕ ਦਿੱਲ ਪਿਆਰ ਸੀ ਔਂਦਾ
ਖੁਸ਼ਿਆਂ ਵਿੱਚ ਝੂਮਦੇ ਨੱਚਦੇ ਦਿੱਲ ਗੀਤ ਸੀ ਗੌਂਦਾ
ਦਿੱਲ ਦੀ ਧੜਕਣ ਅੱਜ ਵੀ ਵੱਧੇ ਪਰ ਉਹ ਅੱਗ ਨਾ ਰਹੀ
ਪਿਆਰ ਵਿੱਚ ਦਿੱਲ ਉਂਝ ਹੀ ਜਾਗੇ ਅੰਦਰੋਂ ਹਵੱਸ ਗਈ
ਲਹਮੇ ਬਚਪਨ ਜਵਾਨੀ ਦੇ ਸੋਚ ਅੱਜ ਵੀ ਲੱਗਣ ਪਿਆਰੇ
ਉਹ ਸੀ ਉਹ ਜੋ ਹੱਸਦੇ ਖੇਡਦੇ ਦੋਸਤਾਂ ਨਾਲ ਸੀ ਗੁਜ਼ਾਰੇ
ਸਿਰੋਂ ਗੰਜਾ ਦੰਦੋਂ ਬੋੜਾ ਵੇਹਲਾ ਕਰਾਂ ਨਾ ਧੇਲਾ ਕਾਮ
ਸਵੇਰ ਸੋਹਣੀ ਦਿਨ ਵੀ ਸੋਹਣਾ ਸੋਹਣੀ ਬਿਰਧ ਉਮਰ ਦੀ ਸ਼ਾਮ
ਮੈਂ ਪੰਜਾਬ ਦਾ ਬੁੱਢਾ ਠੇਰਾ ਜੱਸਾ ਮੈਰਾ ਨਾਮ
ਉਮਰ ਭਾਂਵੇਂ ਵੱਡੀ ਹੋ ਗਈ ਦਿੱਲ ਹਾਲ ਵੀ ਧੜਕੇ ਜਵਾਨ
No comments:
Post a Comment