ਵਿਸ਼ਵਾਸ ਨਾਲ ਅਰਦਾਸ
ਰੁਲ ਗਏ ਔਬੜ ਰਾਹੀਂ ਤੇਰਾ ਹੀ ਰਾਹ ਲੱਭਦੇ
ਆਪਣਾ ਘਰ ਵੀ ਭੁੱਲੇ ਤੇਰਾ ਹੀ ਦਰ ਲੱਭਦੇ
ਸਾਡੀਆਂ ਗਲਤੀਆਂ ਸਾਨੂੰ ਵਿਖਾ ਦੇ
ਫੇਰ ਨਾ ਕਹੀਂ ਅਸੀਂ ਗੁਸਤਾਖ ਨਿਕਲੇ
ਨੇਕ ਕੰਮ ਆਪ ਕਰਾ ਦੇ
ਫੇਰ ਨਾ ਕਹੀਂ ਅਸੀਂ ਕੂਕਰਮੇ ਨਿਕਲੇ
ਸੱਚਾ ਸੌਦਾ ਸਾਨੂੰ ਕਰਾ ਦੇ
ਫੇਰ ਨਾ ਕਹੀਂ ਅਸੀਂ ਬੇਈਮਾਨ ਨਿਕਲੇ
ਦੁਨਿਆਂ ਦੇ ਦੁੱਖ ਦਾ ਅਹਿਸਾਸ ਕਰਾ ਦੇ
ਫੇਰ ਨਾ ਕਹੀਂ ਅਸੀਂ ਬੇਰਹਿਮ ਨਿਕਲੇ
ਨਾਮ ਦੀ ਖੈਰ ਝੋਲੀ ਪਾਏ ਦੇ
ਫੇਰ ਨਾ ਕਹੀਂ ਜਪਿਆ ਨਹੀਂ
ਮੁਖ ਦਵਾਰ ਸਾਨੂੰ ਵਿਖਾ ਦੇ
ਫੇਰ ਨਾ ਕਹੀਂ ਅਸੀਂ ਮਨਮੁਖ ਨਿਕਲੇ
ਘਰ ਤੇਰੇ ਸੱਭ ਕੁੱਛ ਜਿਸ ਭਾਵੇਂ ਤੂੰ ਦੇਵੇਂ
ਵਿਸ਼ਵਾਸ ਨਾਲ ਅਰਦਾਸ ਕਰਨ ਅਸੀਂ ਨਿਕਲੇ
No comments:
Post a Comment