ਕੀ ਜੱਸਾ ਸ਼ੌਦਾਈ
ਜੱਸਾ ਸੱਚ ਮੁਚ ਪਾਗਲ ਲੋਕ ਕਹਿਣ ਉਹ ਸ਼ੌਦਾਈ
ਗਲਤ ਨਹੀਂ ਲੋਕ ਇਸ ਵਿੱਚ ਕੁੱਛ ਤਾਂ ਹੈ ਸਚਾਈ
ਬੋਲਣ ਵੇਲੇ ਬੁਰਾ ਭਲਾ ਨਾ ਸੋਚੇ ਸੱਚ ਉਹ ਬੋਲੇ
ਕਿੰਨਿਆਂ ਦੀ ਜਿੰਦ ਬਰਬਾਦ ਕਰੇ ਕਿੰਨੇ ਪੋਲ ਖੋਲੇ
ਢਿੱਡ ਵਿੱਚ ਗੱਲ ਪਚਾ ਨਾ ਸਕੇ ਜੱਸਾ ਮੂੰਹ ਫੱਟ
ਮੂੰਹ ਨਾ ਰਖੇ ਕੌੜਾ ਬੈਲੇ ਅਕਲ ਜੱਸੇ ਨੂੰ ਘੱਟ
ਬਹੁਥੇਰਾ ਆਪਣੇ ਸਮਝਾ ਥੱਕੇ ਉਸ ਭੇਜੇ ਗੱਲ ਨਾ ਪਏ
ਮੈਂਨੂੰ ਸੱਭ ਪਤਾ ਮੈਂ ਬੇਵਕੂਫ ਨਹੀਂ ਜੱਸਾ ਮੁੜ ਕਹੇ
ਬਿਨ ਮੰਗੇ ਸਲਾਹ ਵੰਡੇ ਸਲਾਹ ਉਸ ਦੀ ਬੇਕਾਰ
ਅਸਲੀਅਤ ਤੋਂ ਦੂਰ ਜੱਸਾ ਅਲੱਗ ਉਸ ਦੇ ਵਿਚਾਰ
ਵਕਤ ਦੀ ਨਬਜ਼ ਨਾ ਜਾਣੇ ਬੇਵਕਤ ਮਜ਼ਾਕ ਉਸੇ ਸੁੱਝੇ
ਬੇਹੂਦੇ ਆਪਣੇ ਚੁਟਕਲੇ ਸੁਣਾਏ ਜਦ ਬਾਕੀ ਫਿਕਰੀਂ ਰੁੱਝੇ
ਗੌਰ ਨਾਲ ਅਗਰ ਸੋਚੋ ਜੱਸੇ ਦਾ ਫ਼ਲਸਫਾ ਸਹੀ
ਜ਼ਿੰਦਗੀ ਤਾਂ ਵੈਸੇ ਹੀ ਬੋਝ ਦੁਖ ਇਸ ਵਿੱਚ ਕਈ
ਐਂਵੇਂ ਫਿਕਰਾਂ ਵਿੱਚ ਡੁਬ ਜੂਨ ਆਪਣੀ ਨਾ ਗਵਾਓ
ਮੌਕਾ ਇਹ ਹੀ ਇੱਕੋ ਹੱਸ ਕੇ ਸੰਸਾਰ ਸਾਗਰ ਲੰਘ ਜਾਓ
ਜੱਸੇ ਨੂੰ ਨਾ ਫ਼ਿਕਰ ਨਾ ਫਾਕਾ ਹੱਸ ਕੇ ਜਿੰਦ ਉਹ ਮਾਣੇ
ਸ਼ਾਇਦ ਜੱਸਾ ਐਨਾ ਸ਼ੌਦਾਈ ਨਾ ਰਾਜ ਵੱਡਾ ਉਹ ਕੋਈ ਜਾਣੇ
ਦਿੱਲ ਦਾ ਸੱਚਾ ਜੱਸਾ ਹੱਸੇ ਉਹ ਨਹੀਂ ਸ਼ੌਦਾਈ
ਖ਼ੁਸ਼ ਰਹੇ ਜ਼ਿੰਦਗੀ ਮਾਣੇ ਇਹ ਹੀ ਹੈ ਸਚਾਈ
,,,
की जसा शौदाई
जसा सच मुच पागल लोक कहन शौदाई
गलत नहीं लोक इस विच कुश तो है सच्चाई
बोलन वेले बुरा भला ना सोचे सच ओह बोले
कीनिया दी जिंद बर्बाद करे किने पोल खोले
डिड विच गल पचा ना सके जसा मुंह फट
मुंह ना रखे कौरा बोले जसे नू अकल घट
बोथरा अपने समझा थके उस भेजे गल ना पए
मैनू सब पता मैं बेवकूफ नहीं जसा मुड़ कहे
बिन मांगे सलाह ओह दे सलाह उस दी बेकार
असलियत तों दूर जसा अलग उस दे विचार
वक्त दी नब्ज ना पचाने बेवक्त मजाक उस नू सूझे
बेहूदे अपने चुटकले सुनाए जद बाकी फिक्रों रुझे
गौर नाल अगर सोचो जसे दा फलसफा सही
जिंदगी तो वैसे ही बोझ दुख इस विच कई
ऐवं फिक्रे विच डूब जिंद ना अपनी गंवाओ
मौका एक ही है यह हस के संसार सागर लांघ जाओ
जसे नू ना फिकर ना फाका हस के जिंद ओह माने
शायद जसा नहीं ऐना शौदाई राज वडा ओह की जाने
दिल दा सच जसा हंसे ओह नहीं शौदाई
कुश रहे जिन्ही माने यह ही है सच्चाई
No comments:
Post a Comment