ਲੱਧ ਜਾਏਂਗਾ ਤੂੰ
ਲੱਧ ਗਏ ਇੱਥੋਂ ਪੀਰ ਪੈਗੰਬਰ ਲੱਧ ਜਾਏਂਗਾ ਤੂੰ
ਜਿਸ ਵਾਰੀ ਆਈ ਉਸ ਜਾਣਾ ਸਮਝ ਨਾ ਆਏ ਤੈਂਨੂੰ
ਇਹ ਤੇਰਾ ਨਹੀਂ ਸਦਾ ਲਈ ਬਸੇਰਾ
ਚੰਦ ਦਿਨਾਂ ਦਾ ਤੇਰਾ ਇੱਥੇ ਫੇਰਾ
ਫਿਰ ਵੀ ਤੂੰ ਪੈਸੇ ਲਈ ਮਾਰੇਂ ਤੇ ਮਰੇਂ
ਈਰਖਾਂ ਵਿੱਚ ਜੱਗ ਤੋਂ ਜਲੇਂ
ਹਵਸ ਵਿੱਚ ਕੋਟ ਪਾਪ ਤੂੰ ਕਰੇਂ
ਫਸਿਆ ਤੂੰ ਮੋਹ ਮਾਇਆ ਦੇ ਜਾਲ
ਭੁੱਲਿਆ ਨਹੀਂ ਜਾਣਾ ਕੁੱਛ ਵੀ ਨਾਲ
ਜਦ ਲਿਆ ਚਿਤਰ ਗੁਪਤ ਨੇ ਹਿਸਾਬ
ਕੀ ਕਰ ਆਇਆ ਕੀ ਦੇਵੇਂਗਾ ਜਬਾਬ
ਯਾਰ ਤੂੰ ਰਾਜ਼ੀ ਨਾ ਰੱਖਿਆ
ਨਾਮ ਨਾ ਤੂੰ ਉਸ ਦਾ ਜਪਿਆ
ਖ਼ਬਰ ਨਾ ਤੈਂਨੂੰ ਕਿਸ ਲਈ ਜੱਗ ਵਿੱਚ ਤੂੰ ਆਇਆ
ਕਰਤਾਰ ਨੂੰ ਯਾਦ ਨਹੀਂ ਕੀਤਾ ਨਾ ਧਿਆਇਆ
ਇਸ ਬਾਰ ਸ਼ਾਇਦ ਹੋ ਗਈ ਦੇਰ
ਮਹਿਰ ਅਗਰ ਪਈ ਯਾਦ ਰੱਖੀਂ ਅਗਲੀ ਫੇਰ
No comments:
Post a Comment