ਇਸ਼ਕ ਆਕਾਰ ਦਾ ਆਧਾਰ
ਇਸ਼ਕ ਆਜ਼ਾਦ ਪਰਿੰਦਾ ਲੰਘੇ ਦਿਵਾਰ ਤੇ ਦਵਾਰ
ਦੁਨਿਆਂ ਰੋਕ ਨਾ ਸਕੇ ਜਿਨ੍ਹਾਂ ਦਿਲ ਸੱਚਾ ਪਿਆਰ
ਜਾਤ ਪਾਤ ਇਸ਼ਕ ਨਾ ਮੰਨੇ ਕਰੇ ਨਾ ਧਰਮ ਦਾ ਵਿਚਾਰ
ਇਸ਼ਕ ਉਨ੍ਹਾਂ ਦੇ ਹਿੱਸੇ ਜਿਨ੍ਹਾਂ ਲਿਖਾਏ ਚੰਗੇ ਕਰਮ
ਜਾਨ ਦੇਣ ਇੱਕ ਦੂਜੇ ਲਈ ਇੱਕ ਦੂਜੇ ਲਈ ਮਰਨ
ਸੱਚਾ ਆਸ਼ਕ ਦਿਲ ਜਿੱਥੇ ਲਾਏ
ਮਰ ਜਾਏ ਲੱਗੀ ਤੋੜ ਨਿਭਾਏ
ਇਸ਼ਕ ਉਨ੍ਹਾਂ ਦਾ ਰਬ ਆਸ਼ਕ ਲਈ ਨਹੀਂ ਕੋਈ ਦੂਜਾ
ਇਸ਼ਕ ਉਨ੍ਹਾਂ ਦਾ ਸਾਹ ਤੇ ਜਾਨ ਇਸ਼ਕ ਹੀ ਉਨ੍ਹਾਂ ਦੀ ਪੂਜਾ
ਇਸ਼ਕ ਵਿੱਚ ਜੀਣਾ ਇਸ਼ਕ ਵਿੱਚ ਮਰਨਾ ਇਸ਼ਕ ਆਕਾਰ ਦਾ ਆਧਾਰ
ਰਚਨਾ ਉਸ ਆਪ ਤੋਂ ਉਪਾਈ ਕਰੇ ਆਪਣੀ ਰਚਨਾ ਨਾਲ ਪਿਆਰ
ਦਾਤਾਰ ਦੀ ਦੇਨ ਚੋਂ ਇਸ਼ਕ ਸੱਭ ਤੋਂ ਵੱਡਾ ਵਰਦਾਨ
ਇਸ਼ਕ ਕਰੇ ਮੋਖ਼ਸ਼ ਪਾਏ ਸੱਚ ਇਹ ਤੂੰ ਜਾਣ
ਕਰ ਇਸ਼ਕ ਕਿਸੇ ਤੇ ਮਰ ਜਾ
ਇਹ ਜੂਨ ਆਪਣੀ ਲੇਖੇ ਲੈ ਲਾ
No comments:
Post a Comment